ᔫᓂ 2024

ᓇᓗᓇᐃᖅᑕᐅᓂᖏᑦ ᐊᑦᑕᓇᕈᑎᐅᔪᑦ ᐃᕝᕕᑦ ᐃᖅᑲᓇᐃᔭᕐᕕᖓᓂ ᓯᕗᓪᓕᖅᐹᖑᔪᖅ ᐊᑐᖅᑕᐅᔪᖅ ᐋᓐᓂᖅᑐᖃᖅᑕᐃᓕᑎᑦᑎᓂᕐᒧᑦ. ᐊᖏᔪᖅᑳᖓᔪᑦ ᐅᖃᐅᓯᖃᓚᐅᖅᑎᓪᓗᒋᑦ ᐊᒻᒪ ᓇᓗᓇᐃᖅᑐᒋᑦ ᐊᑦᑕᓇᕈᑎᐅᔪᑦ ᐃᖅᑲᓇᐃᔭᖅᑎᓄᑦ, ᐊᐅᓚᑦᑎᔾᔪᑎᐅᔪᑦ ᐃᓂᖓᓅᖅᑕᐅᔪᓐᓇᖅᑐᑦ ᐊᑦᑎᓪᓕᒋᐊᕐᓗᒋᑦ ᑖᒃᑯᐊ ᐊᑦᑕᓇᕈᑎᐅᔪᑦ. 

ᒪᓕᑦᑐᒋᑦ ᐊᐅᓚᑦᑎᓂᕐᒧᑦ ᖁᕝᕙᖅᐸᓪᓕᐊᓯᒪᓂᖅ ᐃᑲᔪᕈᓐᓇᖅᑐᑦ ᐃᕝᕕᑦ ᐃᖅᑲᓇᐃᔭᕐᕕᒋᔭᖓᓂ ᐊᑦᑎᓪᓕᒋᐊᕐᓗᒋᑦ ᐊᑦᑕᓇᕈᑎᐅᔪᓐᓇᖅᑐᑦ ᐊᑦᑐᐊᓂᓖᑦ ᖃᓄᐃᑦᑐᑐᐃᓐᓇᕐᓄᑦ ᐊᑦᑕᓇᕈᑎᓄᑦ. ᐆᑦᑑᑎᒋᓗᒍ, ᑎᒥᒃᑯᑦ ᓄᑭᖏᓐᓂ ᐋᓐᓂᖅᑐᓂᑦ ᓲᕐᓗ ᓄᑮᑦ ᓱᑲᖓᓂᖏᑦ ᐊᒻᒪ ᐅᕐᕈᐊᑦᑎᓂᐅᔪᑦ ᐊᑐᖅᑕᐅᖏᒍᓐᓇᖅᑐᑦ ᐃᖅᑲᓇᐃᔭᕐᕕᐅᔪᒥᑦ ᐱᑕᖃᕆᐊᖃᖅᑎᑦᑎᔪᓂᑦ ᐱᓕᕆᐊᖑᒋᐊᓕᓐᓂᑦ ᐱᖃᓯᐅᔾᔨᔪᓂᑦ ᐅᖁᒪᐃᑦᑐᓂᑦ ᑭᕕᑦᑎᓂᕐᒧᑦ ᐊᑐᖅᑐᑎ ᐊᐅᓚᑦᑎᓂᕐᒧᑦ ᖁᕝᕙᖅᐸᓪᓕᐊᓯᒪᓂᖅ. ᑕᐃᒪᐃᒍᓐᓇᕐᒪᖔᖅᐱᑦ:

• ᐱᑕᖃᕈᓐᓃᑎᓪᓗᒋᑦ ᐱᓕᕆᐊᖑᒋᐊᓖᑦ ᐃᕝᕕᑦ ᐃᖅᑲᓇᐃᔭᖅᑕᖏᓐᓄᑦ ᐃᖏᕋᓂᖏᓐᓄᑦ ᐱᑕᖃᕆᐊᖃᖅᑎᑦᑎᔪᑦ ᐅᖁᒪᐃᑦᑐᓂᑦ ᑭᕕᑦᑎᓂᕐᒧᑦ?
• ᐋᒡᒐᐅᒍᓂ, ᐃᒪᐃᒍᓐᓇᖅᑮᑦ:
• ᐊᓯᐊᓂ ᐊᑐᖔᕐᓗᑎᑦ ᑭᓱᑐᐃᓐᓇᕐᓂ ᐅᖁᒪᐃᓗᐊᖅᑐᑦ ᑭᕕᓪᓗᒋᑦ ᐊᑦᑕᓇᖏᑦᑐᒥᑦ ᐊᔾᔨᐸᓗᐊᓂ, ᐅᕿᓐᓂᖅᓴᓂᑦ? 
• ᐋᒡᒐᐅᒍᓂ, ᐃᒪᐃᒍᓐᓇᖅᑮᑦ:
• Iᐋᖅᑭᔅᓯᓗᑎ ᓴᓇᓯᒪᔪᓕᐅᖅᑕᐅᓯᒪᔪᓂᑦ ᐊᐅᓚᑦᑎᔾᔪᑎᓂᑦ ᓲᕐᓗ ᑲᐃᓪᓗᐊᕈᑦ ᐅᕝᕙᓘᓐᓃᑦ ᑭᕕᑦᑎᔾᔪᑎ ᐃᑲᔪᕐᓗᓂ ᑭᕕᑦᑎᓪᓗᓂ ᐅᖁᒪᐃᑦᑐᓂᑦ?  
• ᐋᒡᒐᐅᒍᓂ, ᐃᒪᐃᒍᓐᓇᖅᑮᑦ:
• ᐊᑐᓕᖅᑎᑦᑎᓗᑎᑦ ᐊᐅᓚᑦᑎᓂᕐᒧᑦ ᐊᐅᓚᑦᑎᔾᔪᑎᓂᑦ ᓲᕐᓗ ᑭᓪᓕᖃᖅᑎᓪᓗᒋᑦ ᐊᒥᓱᐊᖅᑎᕐᓂᖏᑦ ᐅᖁᒪᐃᑦᑐᓂᑦ ᑭᕕᑦᑎᖃᑦᑕᕈᓐᓇᕐᓂᖏᓐᓄᑦ ᐃᖅᑲᓇᐃᔭᖅᑏᑦ ᐊᑕᐅᓯᕐᒥᑦ ᐅᓪᓗᕐᒥᑦ?
• ᐋᒡᒐᐅᒍᓂ, ᐃᒪᐃᒍᓐᓇᖅᑮᑦ:
• ᓇᓗᓇᐃᑉᕐᓗᒋᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE) ᐃᑲᔪᕈᓐᓇᖅᑐᑦ ᐊᑦᑎᓪᓕᒋᐊᕐᓗᒋᑦ ᐊᑦᑕᓇᖅᑐᑦ, ᓲᕐᓗ ᑐᑳᓪᓚᔭᐃᒃᑯᑎᓖᑦ ᐃᓯᒐᐅᔭᐃᑦ, ᐅᕝᕙᓘᓐᓃᑦ ᐊᒡᒐᑦ ᑎᒍᔾᔪᑎᖃᖅᑐᓂᑦ ᑭᕕᑦᑎᓂᕐᒧᑦ ᐱᒡᒐᓇᖏᓂᖅᓴᐅᓗᓂ?

ᐊᑕᖏᖅᑐᓂᑦ ᓇᓗᓇᐃᔭᖅᓯᒪᓂᖏᓐᓄᑦ ᓇᓗᓇᐃᖅᑕᐅᓂᖏᓐᓄᑦ ᐊᒻᒪ ᐱᑕᖃᕈᓐᓃᖅᑎᑕᐅᓂᖏᓐᓄᑦ ᑎᒥᒃᑯᑦ ᓄᑭᖏᓐᓂ ᐊᑦᑕᓇᕈᑎᐅᔪᑦ ᐃᕝᕕᑦ ᐃᖅᑲᓇᐃᔭᕐᕕᖓᓂ, ᑕᑯᓗᒋᑦ ᓄᑖᖑᓛᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ: https://www.wscc.nt.ca/iu/Ergonomics

ᑭᓪᓕᓯᓂᐊᖅᑕᐅᓯᒪᔪᑦ ᑕᑯᔅᓴᐅᑎᑦᑎᔪᑦ ᑖᒃᑯᐊ ᐃᖅᑲᓇᐃᔭᖅᑏᑦ ᐊᕐᕌᒍᓖᑦ ᑐᖔᓂ 25 ᖁᑦᑎᓂᖅᓴᒥᑦ ᐊᑦᑕᓇᖅᑐᒦᒍᓐᓇᖅᑐᑦ ᐃᖅᑲᓇᐃᔭᕐᕕᒻᒥ ᐋᓐᓂᓂᕐᒧᑦ. ᐱᑕᖃᕆᐊᖃᕋᓗᐊᖅᑎᓪᓗᒍ ᓇᔪᖅᑕᒧᑦ ᓇᓗᓇᐃᖅᓯᒪᔪᒧᑦ ᐊᑦᑕᓇᐃᖅᓯᒪᓂᕐᒧᑦ ᐃᓕᓐᓂᐊᑎᑦᑎᓂᕐᒥᑦ ᐊᑕᖏᖅᑐᒋᑦ ᐃᖅᑲᓇᐃᔭᖅᑎᓕᒫᓂᑦ, ᐃᓱᒪᒋᔭᐅᓂᐊᖅᑯᑦ ᑖᒃᑯᐊ ᒪᒃᑯᑦᑐᐃᑦ ᐊᒻᒪ ᓄᑖᑦ ᐃᖅᑲᓇᐃᔭᖅᑏᑦ ᖃᐅᔨᒪᖏᓐᓂᖃᕈᓐᓇᖅᑐᑦ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ.

ᒪᒃᑯᑦᑐᑦ ᐃᖅᑲᓇᐃᔭᖅᑎᑎᑦ ᐱᔭᕇᖅᓯᓗᑎ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑭᖃᖏᑦᑐᖅ ᒪᒃᑯᑦᑐᓄᑦ ᐃᖅᑲᓇᐃᔭᖅᑎᓄᑦ ᓇᓗᓇᐃᒃᑯᑕᑖᓂᕐᒧᑦ ᐃᓕᓐᓂᐊᕋᔅᓴᖅ ᐃᓕᓐᓂᐊᕐᓗᑎ ᐃᖅᑲᓇᐃᔭᕐᐅᔪᓂᑦ ᐊᑦᑕᓇᐃᖅᓯᒪᓂᕐᒧᑦ ᐅᖃᐅᓯᐅᔪᓂᑦ ᐊᒻᒪ ᐃᖅᑲᓇᐃᔭᖅᑎᒧᑦ ᐱᔪᓐᓇᐅᑎᖏᑦ! ᐃᓕᓐᓂᐊᕋᔅᓴᖅ ᐊᑯᓂᐅᓂᖃᐸᓗᑦᑐᖅ 2 ᐃᑲᕐᕌᓐᓂᒃ ᐱᔭᕇᕐᓗᒍ ᐊᒻᒪ ᐊᑐᐃᓐᓇᐅᔪᑦ ᖃᓪᓗᓈᑎᑐᑦ, ᐅᐃᕕᑎᑐᑦ, ᐊᒻᒪ ᐃᓄᒃᑎᑐᑦ. ᐱᔭᕇᖅᓯᓯᒪᑦᑎᐊᑎᓪᓗᒋᑦ, ᐃᓕᓐᓂᐊᖅᑏᑦ ᓇᓗᓇᐃᒃᑯᑎᑖᖃᑦᑕᕐᒥᔪᑦ ᐃᓚᒍᑕᑦᑎᐊᕙᐅᔪᖅ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓄᑦ ᑎᑎᕋᖅᓯᒪᔪᓂᑦ.

ᐃᓚᓕᐅᑎᓗᒍ ᐃᕝᕕᑦ ᐊᑦᑕᓇᐃᖅᓯᒪᓂᕐᒧᑦ ᐱᓕᕆᐊᒧᑦ, ᐊᐅᔭᒃᑯᑦ ᐃᓕᓐᓂᐊᖅᑏᑦ ᐃᓚᒋᔭᐅᓕᖅᑐᓄᑦ, ᐅᕝᕙᓘᓐᓃᑦ ᓄᑖᓄᑦ ᐃᖅᑲᓇᐃᔭᖅᑎᑖᖅᑲᐅᖑᔪᓄᑦᐃᓕᓐᓂᐊᑎᑦᑎᓂᕐᒧᑦ ᓪᓗᒥ! https://www.wscc.nt.ca/iu/YWCourse

ᐃᑯᐊᓚᕐᔪᐊᖃᑦᑕᖅᑐᑦ ᐊᕐᕌᒍᒋᓂᐊᓕᖅᑕᖓᓂ ᐊᑐᖅᑕᐅᓂᐊᖅᑐᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐃᓐᓇᕈᐃᓯᒪᔪᑦ ᑭᓱᓕᕆᔾᔪᑎᓂᑦ ᐃᑲᔪᕈᓐᓇᖅᑐᑦ ᐱᓕᕆᐊᖃᕐᓗᑎ ᐃᖅᑲᓇᐃᔭᕐᕕᐅᔪᒥ ᐊᑦᑕᓇᖅᑐᓄᑦ ᐊᑦᑐᐊᓂᓕᓐᓄᑦ ᐃᑯᐊᓚᕐᔪᐊᖅᑐᓄᑦ. ᑖᒃᑯᐊ ᑭᓱᓕᕆᔾᔪᑏᑦᐃᑲᔪᕐᓂᐊᖅᑐᑦ ᐃᖅᑲᓇᐃᔭᖅᑎᑦᑎᔪᓂᑦ ᓇᓗᓇᐃᖅᓯᓗᑎ ᐊᒻᒪ ᑐᓴᐅᒪᑎᑦᑎᓗᑎ ᐊᑦᑕᓇᕈᑎᐅᔪᓐᓇᖅᑐᓂ ᐃᖅᑲᓇᐃᔭᖅᑎᓄᑦ.

ᓄᑖᖑᓛᖑᔪᖅ ᑭᓱᓕᕆᔾᔪᑎᕗᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐃᑯᐊᓚᕐᔪᐊᖅᑐᓄᑦ ᐳᔫᕐᕕᐅᓂᕐᒧᑦ. ᑖᓐᓇ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐱᖃᓯᐅᔾᔨᔪᖅ ᑐᑭᓯᒋᐊᕈᑎᓪᓗᐊᑕᓂᑦ ᐃᑲᔪᕐᓗᒋᑦ ᐃᖅᑲᓇᐃᔭᖅᑎᑦᑎᔪᓂᑦ ᐊᒻᒪ ᐃᖅᑲᓇᐃᔭᖅᑎᓂᑦ ᓇᓗᓇᐃᕐᓗᒋᑦ ᐊᖅᑯᑎᖏᑦ ᐃᑯᐊᓚᕐᔪᐊᖅᑐᓄᑦ ᐳᔫᕐᕕᐅᓂᕐᒧᑦ, ᐊᑦᑕᓇᕈᑎᐅᔪᓐᓇᖅᑐᓂᑦ, ᐊᒻᒪ ᐊᑦᑎᓪᓕᒋᐊᖅᑕᐅᔪᓐᓇᕐᓂᖏᑦᐃᑯᐊᓚᕐᔪᐊᖅᑐᓄᑦ ᐳᔫᕐᕕᐅᓂᕐᒧᑦ ᓇᒥᑐᐃᓐᓇᖅ ᐃᖅᑲᓇᐃᔭᕐᕕᒻᒥ. ᖃᐅᔨᒪᔭᐅᔭᕆᐊᓕᒃ ᑖᒃᑯᐊ ᑐᑭᓯᒋᐊᕈᑏᑦ ᑐᕌᖓᓇᓱᐊᖏᑦᑐᑦ ᐅᐸᑦᑕᐅᖅᑳᖃᑦᑕᖅᑐᓄᑦ ᐃᖅᑲᓇᐃᔭᖅᑎᓄᑦ ᓲᕐᓗ ᓄᓇᒥ ᖃᑦᑎᕆᔩᑦ ᐅᕝᕙᓘᓐᓃᑦ ᐅᐸᔅᓯᖅᑳᖃᑦᑕᖅᑐᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᐃᑎᑦᑎᔪᑦ ᐃᖅᑲᓇᐃᔭᖅᑎᑦᑎᔪᓂᑦ ᖃᐅᔨᒪᑦᑎᐊᕐᓗᑎ ᓯᓚᖓᓄ ᐱᐅᓂᖓᓄᑦ ᑐᓴᖅᑎᑦᑎᒍᑎᓂᑦᐊᒻᒪ ᐅᖃᐅᔾᔨᒋᐊᕈᑎᓂᑦ ᐃᓄᓐᓄᑦ ᐋᓐᓂᐊᖅᑐᓕᕆᓂᕐᒧᑦ ᐅᕝᕙᓘᓐᓃᑦ ᐊᕙᑎᖓᓄ ᖃᓄᐃᖏᑎᐊᕐᓂᖓᓄ ᓄᓇᓕᒋᔭᖏᓐᓂ.

ᖃᕋᓴᐅᔭᒨᕐᓗᒍ ᐃᑯᐊᓚᕐᔪᐊᖅᑐᓄᑦ ᐳᔪᖓᓄ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐅᕙᓂ.

ᖃᕋᓴᐅᔭᒃᑯ ᐅᓂᒃᑳᑦ ᓱᑲᓛᖑᔪᑦ ᐱᖃᑦᑕᕐᓗᒋᑦ ᐃᕝᕕᑦ ᐃᖅᑲᓇᐃᔭᖅᑎᑦᑎᔪᒧᑦ ᑕᖅᑭᑕᒫᑦ ᐅᓂᒃᑳᖏᓐᓂ. ᐊᐅᓚᓗᒋᑦ ᐊᑭᓕᐅᑎᑎᑦ ᖃᓄᑐᐃᓐᓈᕋᔅᓴᐅᔪᓂᑦ ᐱᔭᔅᓴᐅᓂᖏᓐᓄᑦ ᐅᓂᒃᑳᑦ 24 ᐃᑲᕐᕋᐃᑦ ᐅᓪᓗᕐᒥᑦ, 7 ᐅᓪᓗᐃᑦ ᐱᓇᓱᐊᕈᓯᕐᒥᑦ. ᕿᒥᕐᕈᔪᓐᓇᖅᑕᑎᑦ ᐅᕝᕙᓘᓐᓃᑦ ᖃᕋᓴᐅᔭᒨᕐᓗᒋᑦ ᐅᓂᒃᑳᑦ ᐅᓂᒃᑳᖑᖃᑦᑕᖅᓯᒪᔪᑦ ᑎᑭᓯᒪᔪᓄᑦ ᐱᖓᓱᓄᑦ ᐊᕐᕌᒍᓄᑦ.

ᐃᖅᑲᓇᐃᔭᖅᑎᑦᑎᔪᑦ, ᐊᑎᓕᐅᓚᐅᖅᑎᓐᓇᑎᑦ, ᖃᐅᔨᒋᐊᕐᕕᒋᓗᒋᑦ WSCC Connect ᐱᔭᔅᓴᐅᓂᖓ ᐊᐅᓚᑦᑎᔨᐅᓪᓗᓂ ᑖᓐᓇ ᐊᑐᖃᑦᑕᖅᑐᖅ ᐅᓪᓗᒥᒨᖓᑎᑕᐅᖏᓐᓇᓂᐊᕐᖓᑕ. ᐱᑦᑎᐊᖅᓯᒪᔪᑦ ᖃᕋᓴᐅᔭᒃᑯᑦ ᑐᕌᕈᑏᑦ ᐱᒻᒪᕆᐅᔪᑦ ᐱᔭᐅᓂᖏᓐᓄᑦ ᑐᓴᖅᑎᑦᑎᒍᑎᑦ ᐃᓕᓐᓂᑦ ᖃᐅᔨᑎᑦᑎᔪᓂᑦ ᐃᖅᑲᓇᐃᔭᖅᑎᑦᑎᔪᒧᑦ ᑕᖅᑭᑕᒫᑦ ᐅᓂᒃᑳᖏᑦ ᐊᑐᐃᓐᓇᐅᑎᐊᕐᓗᑎ ᕿᒥᕐᕈᔭᐅᓗᑎ.  

ᖃᐅᔨᒋᐊᕐᓗᒍ 3-ᐊᑐᖅᑕᐅᔪᓂᑦ ᐊᑐᒐᐃᑦ ᐊᒻᒪ ᐊᑎᓕᐅᕐᓗᑎᑦ ᐅᓪᓗᒥ!

ᐱᓯᒪᔭᐅᓂᖏᑦ ᐃᓕᓐᓂᑦ ᐃᖅᑲᓇᐃᔭᖅᑎᑦᑎᔪᒧᑦ ᑭᓱᖃᐅᑎᖓ ᓇᓗᓇᐃᔭᖅᓯᒪᓂᖏᑦ, ᓲᕐᓗ ᑐᕌᕈᑎᖓ, ᐅᓪᓗᒥᒨᖓᔪᑦ WSCC Connect ᓇᓗᓇᐃᖅᓯᔪᑦ ᐊᐅᓪᓚᑎᑦᑎᓗᑕ ᑐᑭᓯᒋᐊᕈᑎᓂᑦ ᐱᑦᑎᐊᖅᓯᒪᔪᒧᑦ ᓇᒦᓐᓂᖓᓄᑦ. ᐅᓪᓗᒥᒨᖓᓕᖅᑎᓪᓗᒍ ᑭᓱᖃᐅᑏᑦ, ᐃᓯᕐᕕᒋᒋᐊᖃᖅᑕᐃᑦ WSCC Connect ᐊᒻᒪ ᐱᔭᔅᓴᐅᓂᖓᓄᑦ ᐊᐅᓚᑦᑎᔨᐅᓗᑎᑦ ᐊᑐᖃᑦᑕᖅᑐᖅ ᐱᔪᓐᓇᕐᓗᒋᑦ ᑭᓱᖃᐅᑎᓂᑦ ᐊᐅᓚᑦᑎᓂᕐᒧᑦ ᐱᔨᑦᑎᖅᑕᑦ. ᐱᒡᒐᓇᖏᑦᑐᖅ ᐅᓪᓗᒥᒨᖓᓕᖅᑎᑦᑎᓗᓂ ᐊᒻᒪ ᐊᒥᓲᖏᑦᑐᓂ ᒥᓂᑦ ᐱᔭᕇᕋᔅᓴᖅ!

ᐃᓚᓕᐅᑎᒋᑦ ᐱᓕᕆᖃᑎᒌᑦᑎᓐᓄᑦ!

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᓃᓐᓇᐅᔭᖅᑐᑦ ᓄᑖᓂᒃ ᖃᐅᔨᒪᔪᓂᒃ ᐃᓚᓕᐅᑎᔪᒪᔪᓂᒃ ᑕᒪᐃᓐᓂᒃ ᔭᓗᓇᐃᕝᒥ ᐃᖃᓗᖕᓂᓗ ᑎᑎᕋᕐᕕᑦᑎᓐᓂ. ᑕᑯᔪᒪᒍᕕᑦ ᑭᓱᑦ ᐊᑐᐃᓐᓇᐅᖕᒪᖔᑕ, ᓇᕿᓪᓗᒍ ᐅᕘᓇ.

Office Closures

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖏᑦ ᔨᐊᓗᓇᐃ−ᒥ ᒪᑐᓯᒪᓛᖅᑐᑦ ᓄᓇᖃᖅᑳᖅᓯᒪᔪᑦ ᐅᓪᓗᖓ ᑕᓪᓕᒻᒥᖅ, ᔫᓂ 21, ᐊᒻᒪ ᒪᑐᐃᒃᑲᓂᕐᓗᑎ ᓇᒡᒐᔾᔭᐅ, ᔫᓂ 24, ᓯᕿᓐᖑᔭᖓ 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407