ᐅᑐᐱᕆ 2024

ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᐋᓐᓂᕈᑎᒋᔪᓐᓇᖅᑕᖏᑦ ᑭᕕᒃᓯᓯᒪᓗᑎᑦ ᐅᕝᕙᓘᓐᓃᑦ ᐊᒃᔭᖅᓯᓗᑎᑦ ᐅᖁᒪᐃᑦᑐᒥᒃ ᐊᒻᒪᓗ ᕿᑏᑦ ᑎᒦᑦ ᐱᓪᓗᐃᓗᓂ ᓱᓕ ᐱᓱᒃᑎᓪᓗᑎᑦ. ᑕᐃᑲᓂ 2023, ᖃᓂᒋᔮᓂ 15% ᑕᒪᕐᒥᒃ ᐋᓐᓂᕈᑕᐅᔪᑦ ᑮᓇᐅᔭᖅᑖᕋᓲᑎᖏᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔾᔪᑎᒋᓪᓗᒋᑦ ᐱᓪᓗᐃᔪᑦ ᐊᒻᒪᓗ ᑭᕕᒃᓯᓪᓗᑎᒃ ᖃᓄᐃᓕᔪᑦ.

ᐆᒃᑑᑎᒋᓪᓗᒍ ᐱᔭᒃᓴᐃᑦ ᑕᐃᒪᐃᑎᑦᑎᔪᓐᓇᖅᑐᖅ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᐊᑐᖅᓯᖃᑦᑕᓐᖏᒻᒪᑕ ᑎᒥᒥᖕᓄᑦ ᐊᑐᕆᐊᓕᖕᓂᒃ ᐳᐊᕆᔭᖅᖢᑎᒃ ᐅᕝᕙᓘᓐᓃᑦ ᐊᐳᑕᐃᔭᐃᓪᓗᑎᒃ, ᐅᕝᕙᓘᓐᓃᑦ ᐊᒡᔭᖅᓯᓪᓗᑎᒃ ᐅᖁᒪᐃᑦᑐᒥᒃ ᐊᒻᒪᓗ ᖁᐊᔭᕿᓪᖢᑎᒃ, ᐅᑯᐊ ᑎᒥᖏᑦ ᖃᓄᐃᓕᑳᓪᓚᓲᖑᖕᒪᑕ. ᐋᓐᓂᖅᑐᑦ ᑭᕕᒃᓯᓪᓗᑎᒃ ᐊᒻᒪᓗ ᐱᓪᓗᐃᓪᓗᑎᒃ ᐊᒃᓱᒻᒪᕆᐋᓗᒃ ᐋᓐᓂᐊᓇᖅᑐᖅ, ᐊᑯᓂᐋᓗᒃ ᐋᓐᓂᐊᕈᓐᓇᖅᑐᑦ, ᐊᒻᒪᓗ ᓴᖕᖐᑐᑯᓘᓕᕐᑎᑦᑎᔪᓐᓇᖅᑐᑦ.

ᐅᑯᐊ ᐱᖓᓱᑦ ᐃᖅᑲᓇᐃᔮᑦ ᐅᓗᕆᐊᓇᖅᑐᒦᑎᑦᑎᒍᓐᓇᖅᑐᑦ ᐱᓪᓗᐃᓂᕐᒧᑦ ᐊᒻᒪᓗ ᑭᕕᒃᓯᓂᕐᒧᑦ ᐅᑭᐅᖅᑕᖅᑐᒥ ᐅᑯᐊ:

• ᐅᔭᕋᓐᓂᐊᕕᒻᒥ ᐃᖅᑲᓇᐃᔭᖅᑏᑦ
• ᓴᓗᒻᒪᖅᓴᐃᔨᑦ, ᐃᒡᓗᕐᔪᐊᓂ ᐸᖅᑭᔨᐅᔪᑦ ᐊᒻᒪᓗ ᐃᒡᓗᕐᔪᐊᓂᑦ ᑲᒪᔨᐅᔪᑦ
• ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᐊᖁᑎᑦ

ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᑕᒪᒃᑯᓂᖓ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᖃᓄᐃᓕᔾᔪᑕᐅᔪᓐᓇᖅᑐᑦ, ᑎᑎᕋᖅᓯᒪᖕᒥᔪᑦ ᖃᓄᖅ ᐋᓐᓂᖅᑕᐃᓕᒪᔾᔪᑎᒃᓴᑦ ᑕᒃᑯᓄᖓ ᐃᕝᕕᑦ ᐃᖅᑲᓇᐃᔭᕐᕕᖓᓂ, ᑕᑯᓗᒍ ᒫᓐᓇᓵᖅ ᑐᓴᒐᒃᓴᕗᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ.

ᐅᓇ ᐃᖅᑲᓇᐃᔭᕆᐊᓐᖏᓂᕐᒧᑦ ᑮᓇᐅᔭᒃᓴᒥᓂᒃ ᐊᓯᐅᔨᓂᕐᒧᑦ ᐅᑎᕐᕕᐅᔾᔪᑖ ᑎᑎᕋᖅᑕᐅᓲᑦ ᑕᐃᑲᓂ ᓴᓇᔨ ᐃᖅᑲᓇᐃᔭᕆᐊᓐᖏᒃᑯᓂ ᐱᔾᔪᑎᒋᓪᓗᒍ ᐃᖅᑲᓇᐃᔭᖅᖢᓂ ᐋᓐᓂᓚᐅᕋᒥ. ᐅᓇ ᐃᓚᖓᑦ 6-ᖑᔪᑦ ᑕᖏᖏᑦ ᑎᑎᕋᖅᓯᒪᔪᑦ Safe Workplace ᐱᓕᕆᑎᑦᑎᔾᔪᑕᐅᔪᒧᑦ.

ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᓅᑎᒋᑦᑕᕐᒪᖔᑕ ᓈᓴᐅᑎᖏᑦ ᖃᐅᔨᓇᓱᖃᑦᑕᖅᑐᑦ ᐃᖅᑲᓇᐃᔭᕆᐊᓐᖏᓂᕐᒧᑦ ᑮᓇᐅᔭᒃᓴᒥᓂᒃ ᐊᓯᐅᔨᔭᖏᑦ ᖃᑦᓰᖅᖢᑎᒃ ᐅᑎᕐᕕᐅᓇᓱᖃᑦᑕᕐᒪᖔᑕ ᐊᐅᓚᑦᓯᕕᒋᔭᐃᑦ ᑎᑭᓪᖢᒍ 5-ᐊᕐᕌᒍᓄᑦ ᖃᓅᑎᒋᖕᒪᖔᑕ ᐃᖅᑲᓇᐃᔭᖅᑎᑦᑎᔪᑦ ᐃᓕᖕᓄᑦ ᑲᒻᐸᓂᒃᑯᑦ ᑭᓱᓕᕆᑎᑦᑎᓂᖓᑦ ᐊᒻᒪᓗ ᐃᖅᑲᓇᐃᔭᖅᑎᒧᑦ ᐊᑭᓕᐅᑎᖏᑦ. ᐋᕿᑦᑎᐊᕈᑎᓂᐊᕐᓗᓂ “ᐃᖅᑲᓇᐃᔭᕆᐊᓐᖏᓂᕐᒧᑦ ᑮᓇᐅᔭᒃᓴᒥᓂᒃ ᐊᓯᐅᔨᓂᕐᒧᑦ ᐅᑎᕐᕕᐅᔾᔪᑖ ᖃᓂᓈᖅᓯᒪᓂ” ᑕᖏᖓᒍᑦ ᐊᑖᓂ Safe Workplace ᐱᓕᕆᑎᑦᑎᔾᔪᑕᐅᔪᖅ ᖃᑦᓯᐅᓂᖏᑦ ᐊᑖᓃᑉᐸᑕ ᖃᓂᓈᖅᓯᒪᓂᖓᒍᑦ.

ᐃᓱᒪᖃᖅᐱᑦ ᖃᐅᔨᔪᒪᓪᓗᑎᑦ ᖃᓄᐃᓕᖓᖕᒪᖔᑦ ᐃᖅᑲᓇᐃᔭᕆᐊᓐᖏᓂᕐᒧᑦ ᑮᓇᐅᔭᒃᓴᒥᓂᒃ ᐊᓯᐅᔨᓂᕐᒧᑦ ᐅᑎᕐᕕᐅᔾᔪᑏᑦ ᐊᒻᒪᓗ ᖃᓄᐃᓕᖓᕙᖕᒪᖔᑕ ᐃᕝᕕᑦ ᐱᓕᕆᖃᑎᒋᔭᑎᑦ? ᖃᐅᔨᒋᐊᕈᓐᓇᖅᑕᐃᑦ ᐃᓕᖕᓄᑦ ᐱᓯᒪᔪᖅ Safe Workplace ᐋᕿᒃᓱᐃᓯᒪᔪᒥᑦ.

ᐊᐱᖁᑎᒃᓴᖃᒃᑲᓐᓂᕈᕕᑦ ᐱᔾᔪᑎᒋᓪᓗᒍ ᑕᒪᓐᓇ safe workplace ᐱᓕᕆᑎᑦᑎᔾᔪᑕᐅᔪᖅ, ᐅᖃᕐᕕᒋᓗᒍᑦ ᐊᑦᑕᕐᓇᖅᑐᓕᕆᔨ ᐃᖅᑲᓇᐃᔭᕐᕕᖕᓂ ᖃᕆᓴᐅᔭᒃᑯᑦ ᑎᑎᕋᕐᕕᒋᓗᒍ: SafeWorkplace@wscc.nt.ca, SafeWorkplace@wscc.nu.ca, ᐅᕝᕙᓘᓐᓃᑦ ᐅᖃᓗᒡᓗᑎᑦ 1-833-315-2057.

ᐊᑐᐃᓐᓇᐅᓕᖅᑮᑦ ᓯᕗᓕᕐᑎᐅᓂᕐᒥᑦ ᐱᓕᕆᒋᐊᑦᓴᖅ?

ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᓂᖅᑐᑦ ᐊᔪᖏᑦᑎᐊᖅᑐᓂᒃ ᐃᓚᐅᔪᓐᓇᖅᑐᓂᒃ ᐊᐅᓚᑦᑎᓂᕐᒧᑦ ᑲᑎᒪᔨ ᓄᓇᑦᓯᐊᕐᒥ ᓴᓇᔨᓄᑦ ᑭᒡᒐᖅᑐᖅᑎᒃᓴᒥᑦ. ᐊᑕᓂᐊᖅᑐᖅᑎᑦ ᐱᖓᓱᓄᑦ ᐊᕐᕌᒍᓄᑦ, ᐊᒻᒪᓗ ᐃᖅᑲᓇᐃᔮᕆᓗᒍ ᐃᑲᕐᕋᓕᐅᖃᑦᑕᕐᓗᑎᑦ ᐊᒻᒪᓗ ᐊᑭᓕᖅᓱᖅᑕᐅᓗᑎᑦ. ᐊᑑᑎᖃᒻᒪᕆᒃᑐᓂᒃ ᐃᓕᑦᑎᓂᐊᖅᑐᑎᑦ ᓯᕗᓕᐅᖅᑎᐅᓗᑎᑦ ᐊᒻᒪᓗ ᐃᑲᔪᖃᑦᑕᕐᓗᑎᑦ ᐊᒃᑐᖅᑕᐅᓂᖏᓐᓄᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᑎᑦᑎᓂᖅ ᐊᒻᒪᓗ ᐊᑦᑕᕐᓇᖅᑐᒦᑕᐃᓕᑎᑦᑎᓂᖅ ᑕᒪᐃᓐᓂ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ. ᐃᕝᕕᑦ ᐅᕝᕙᓘᓐᓃᑦ ᐊᓯᖕᓂᒃ ᖃᐅᔨᒪᒍᕕᑦ ᐱᓕᕆᔪᓐᓇᑦᑎᐊᕐᓗᑎᑦ ᐃᖅᑲᓇᐃᔭᕐᕕᖕᓂ ᐊᑦᑕᕐᓇᖅᑕᐃᓕᑎᑦᑎᓂᕐᒧᑦ, ᐊᑏ ᐃᓱᒪᒋᒍᒃ ᐱᓇᓱᒍᒪᓗᑎᑦ.

ᓇᓗᓇᐃᔭᑦᑎᐊᖅᓯᒪᔪᑦ ᐱᔪᓐᓇᖅᑕᑎᑦ, ᒪᑐᐃᕐᓗᒍ ᖃᕆᓴᐅᔭᖃᕐᕕᒃᐳᑦ 

ᐃᓱᓕᕝᕕᒃᓴᖓ ᐅᓂᒃᑳᕆᓂᕐᒧᑦ 2024-ᒥ ᑮᓇᐅᔭᓕᐊᓄᑦ ᐊᑭᓖᔾᔪᑎᒃᓴᔅᓯᓐᓂ ᓄᕕᐱᕆ 30−ᖑᕗᖅ. ᐅᓂᒃᑲᐅᓯᖃᕆᐊᖃᖅᐳᓯ ᐅᔾᔨᕐᓇᓗᐊᖅᑐᓂᒃ ᐊᓯᙳᖅᑐᓂᒃ (25%-ᒥ ᐅᖓᑖᓄᓪᓘᓐᓃᑦ) ᑮᓇᐅᔭᓕᐊᓄᑦ ᐊᑭᓖᔾᔪᑏᑦ ᓇᓚᐅᑦᑕᕆᔭᐅᓂᐅᔪᒥ ᓴᖑᔭᐅᔾᔪᑎᑖᖅᑕᐃᓕᒪᓂᕐᒧᑦ.



ᐅᖃᐅᓯᕆᓗᒋᑦ ᐊᓯᔾᔨᐅᑎᑐᐃᓐᓇᑦ ᒪᓕᒡᓗᒋᑦ ᑕᕝᕙᓂ ᑐᕌᕈᑎᒥ: WSCC Connect.



ᖃᐅᔨᒋᐊᒃᑲᓐᓂᕐᕕᒃᓴᖅ ᑮᓇᐅᔭᓕᐊᓄᑦ ᐊᑭᓖᔾᔪᑎᓂᑦ ᐋᖅᑭᒋᐊᖅᑕᐅᓂᖓᓄᑦ WSCC Connect. ᐊᐱᖅᑯᑎᒃᓴᖃᕐᓂᕈᕕᑦ ᐊᓯᔾᔩᓂᕐᒥᑦ ᐃᖅᑲᓇᐃᔭᖅᑎᖁᑎᒃᐱᑦ ᐊᑭᓕᖅᑕᐅᔾᔪᑎᖏᓐᓂ, ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑎᒃᑯᑦ ᐅᖄᓚᕕᒋᓗᒋᑦ ᓄᓇᑦᓯᐊᕐᒥᑦ ᐅᕙᓂ 1-800-661-0792 ᐊᒻᒪ ᓄᓇᕗᒻᒥ ᐅᕙᓂ 1-877-404-4407.

ᐊᑐᐊᒐᕐᓄᑦ ᑐᓴᒐᒃᓴᑦ

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᐊᓚᐅᕐᒪᑕ ᐊᒻᒪ ᐊᖏᓚᐅᖅᖢᑎ ᑕᒪᒃᑯᓂᖓ ᐊᑐᐊᒐᕐᓂᒃ ᓯᑎᐱᕆ 2024-ᒥ ᑲᑎᒪᑎᓪᓗᒋᑦ:

• ᐊᑐᐊᒐᖅ 02.03, ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ
• ᐊᑐᐊᒐᖅ 03.11, ᐃᑲᔫᓯᐊᑦ ᐊᒻᒪ ᐱᔨᑦᑎᕈᑏᑦ ᐋᓐᓂᖅᓯᒪᒻᒪᕆᑦᑐᓄᑦ ᐃᖅᑲᓇᐃᔭᖅᑎᓄᑦ
• ᐊᑐᐊᒐᖅ 05.05 – ᐃᖅᑲᓇᐃᔭᖅᑎᒧᑦ ᐊᔪᕈᓐᓃᖅᓴᓂᖅ ᐱᓕᕆᐊᒃᓴᖅ ᑮᓇᐅᔭᖅᑖᕆᔭᐅᒃᑲᓐᓂᖃᑦᑕᖅᑐᒥᑦ ᐊᒻᒪᓗ ᐃᑲᔪᕈᑎᓂᒃ ᑮᓇᐅᔭᓂᒃ
• ᐊᑐᐊᒐᖅ 09.01, ᐊᑦᑕᕐᓇᖅᑐᒦᑕᐃᓕᑎᑦᑎᔾᔪᑎᓄᑦ ᐱᔭᕆᐅᖅᓴᐅᑎᑦ
• ᐊᑐᐊᒐᖅ 09.09, ᐊᔾᔨᒌᓐᖏᑦᑐᓄᑦ ᐊᒻᒪᓗ ᓄᖃᕐᑎᑦᑎᓯᒪᓂᖅ ᐅᔭᕋᖕᓂᐊᕐᕕᖕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑦ
• ᐊᑐᐊᒐᖅ 10.01, ᐊᑭᓕᒃᓴᑐᖃᑦ ᐱᕕᖃᖅᑎᑕᐅᓂᖏᑦ ᐊᒻᒪᓗ ᖁᔭᓈᖅᑕᐅᔪᑦ
• ᐊᑐᐊᒐᖅ 10.05, ᑮᓇᐅᔭᖃᖅᑎᑕᐅᓂᕐᒧᑦ ᐸᕐᓇᒍᑎ

ᑕᑯᒋᐊᕐᓗᒍ ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐊᒻᒪᓗ ᑖᓐᓇ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.

ᐊᒡᓚᒡᕕᑦ ᒪᑐᓯᒪᓂᖏᑦ

ᑕᒪᕐᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓ ᒪᑐᑎᒪᓂᐊᖅᑐᖅ ᖁᓚᓕᓐᓇᐅᑉ ᐅᓪᓗᐊᓂ ᓇᒡᒐᔭᒥ, ᐅᑐᐱᕆ 14 ᐊᒻᒪᓗ ᒪᑐᐃᒃᑲᓐᓂᕐᓗᑎᒃ ᐊᐃᑉᐹᒥ, ᐅᑐᐱᕆ 15, 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407