ᓄᕕᐱᕆ 2024

ᑭᕕᒃᓯᔪᑦ ᐊᒻᒪᓗ ᐊᒡᔭᖅᑐᖅᑐᑦ ᐃᓚᖏᔭᐅᕗᑦ ᖃᐅᑕᒫᑦ ᐱᔭᒃᓴᒥᖕᓂ ᐃᖅᑲᓇᐃᔭᕐᕕᒃ ᐃᓗᐊᓂ, ᑕᒪᕐᒥᒃ ᓴᓇᔨᑦ ᑭᕕᒃᓯᔭᕆᐊᖃᓲᑦ ᐊᒻᒪᓗ ᐊᒃᔭᖅᓯᓗᑎᒃ ᐱᖁᑎᓂᒃ ᓴᓇᓪᓗᑎᒃ ᖃᖓᑐᐃᓐᓇᖅ. ᐅᓇ ᓯᕗᓪᓕᖅ ᐋᓐᓂᕐᓂᐊᓐᖏᓐᓇᕕᑦ ᑭᕕᒃᓯᓗᑎᑦ ᐊᒻᒪᓗ ᐱᓪᓗᐃᓗᑎᑦ ᖃᐅᔨᑦᑎᐊᕐᓗᒍ ᐱᔭᒃᓴᐃᑦ ᐅᕝᕙᓘᓐᓃᑦ ᐅᓗᕆᐊᓇᕐᓂᖓ ᐋᓐᓂᕈᑎᒋᔪᓐᓇᖅᖢᒍ.

ᐅᔾᔨᖅᑐᖅᑎᑦ ᐊᒻᒪᓗ ᓴᓇᔨᑦ ᓴᓇᖃᑎᒌᑦᑎᐊᕐᓗᑎᒃ ᖃᐅᔨᓇᓱᑦᑎᐊᕐᓗᑎᒃ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᐅᓗᕆᐊᓇᕈᓐᓇᖅᑐᑦ ᐃᖅᑲᓇᐃᔭᕐᕕᖕᒥ ᐃᓗᐊᓂ. ᐆᒃᑑᑎᒋᓪᓗᒍ ᐅᑯᐊ ᐅᓗᕆᐊᓇᖅᑐᑦ ᐃᒪᖃᕈᓐᓇᖅᑐᑦ, ᑭᓯᐊᓂ ᐊᓯᖏᑦᑕᐅᖅ:

• ᐅᖁᒪᐃᑦᑐᑦ ᐅᑯᐊᓗ ᓅᖃᑦᑕᕆᐊᖃᖅᑐᑦ ᐊᑯᓚᐃᑦᑐᒥᒃ. ᐅᓇ ᐅᖁᒪᐃᑦᑐᖅ ᐴᖅᓯᒪᔪᑦ ᐸᐃᐹᑦ ᑎᑎᕋᕐᕕᖕᒧᑦ, ᐅᕝᕙᓘᓐᓃᑦ ᑐᐊᐸᒃ ᐃᒡᓗᓕᐅᕐᕕᐅᔪᓂ.
• ᐱᔭᕆᐅᖅᓴᓯᒪᓐᖏᓗᐊᖅᑐᑦ ᐱᖁᑎᓂᒃ ᖃᓄᖅ ᐱᓕᕆᔭᕆᐊᖃᕆᐊᒃᓴᖅ. ᐱᒻᒪᕆᐅᕗᖅ ᐱᔭᕆᐅᖅᓴᑎᓯᒪᓗᒋᑦ ᓴᓇᔨᑎᑦ ᖃᓄᖅ ᑭᕕᒃᓯᔭᕆᐊᖃᕐᓂᕐᒥᒃ ᐊᒻᒪᓗ ᐊᒡᔭᖅᑐᐃᔭᕆᐊᖃᕐᓂᕐᒥᒃ ᐋᓐᓂᖅᑐᖃᕐᓂᐊᓐᖏᒻᒪᑦ.
• ᖁᐊᔭᕿᓐᓇᖅᑐᑦ ᐅᕝᕙᓘᓐᓃᑦ ᖃᑦᑎᖕᓂᓖᑦ ᓇᑏᑦ, ᐱᓗᐊᖅᑐᒥᒃ ᐅᓯᓕᖅᓱᕐᕖᑦ, ᐅᕝᕙᓘᓐᓃᑦ ᓯᐊᕐᓗᐊᑦ ᑕᐃᑲᓂ ᓴᓇᔩᑦ ᐊᒡᔭᖅᑐᕆᐊᖃᓲᑦ ᐱᖁᑎᓂᒃ.

ᐃᖅᑲᓇᐃᔭᖅᑎᑦᑎᔪᑦ ᐊᒻᒪᓗ ᐅᔾᔨᖅᑐᖅᑎᑦ: ᐅᖃᓪᓚᖃᑎᒌᒡᓗᑎᒃ ᓴᓇᔨᒥᖕᓄᑦ ᐱᔾᔪᑎᒋᓪᓗᒋᑦ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᐅᓗᕆᐊᓇᕈᓐᓇᖅᑐᑦ ᐃᖅᑲᓇᐃᔭᕐᕕᐅᑉ ᐃᓗᐊᓂ ᐊᑐᖅᓯᓗᑎᒃ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐱᔾᔪᑎᒋᓪᓗᒋᑦ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᓇᖅᑐᑦ ᐅᓗᕆᐊᓇᖅᑐᑦ.

ᐱᒋᐊᖅᖢᓂ ᔮᓐᓄᐊᕆ 1, 2025, ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐊᑐᓂ ᐱᖃᕐᓂᐊᖅᑐᑦ ᐊᔾᔨᒌᓐᖏᑦᑐᓂᒃ YMIR (ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ) ᐊᑭᓕᖅᓱᖅᑕᐅᓲᑦ.

ᐃᓱᒪᓕᐅᕆᓪᓗᑎᒃ ᐋᕿᒃᓯᖃᑦᑕᖅᑐᑦ ᐊᕕᒃᖢᒋᑦ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᐊᑭᓕᖅᓲᑎᒃᓴᑦ ᒥᑭᓛᖑᓇᔭᖅᑐᖅ 70% ᓄᓇᑦᓯᐊᖅ ᐊᒻᒪᓗ ᓄᓇᕗᑦ ᓴᓇᕕᖏᑦ ᐅᑯᐊᓗ ᑮᓇᐅᔭᓕᐊᖏᑦᑎᒍᑦ ᐊᑭᓕᖅᓲᑎᑦ ᑕᐃᑲᓂ ᐋᓐᓂᖅᑐᕕᓂᐅᓐᓂᕈᑎᒃ. ᐊᑐᓂ ᐊᑭᖏᑦ ᐱᓯᒪᔪᑦ ᑮᓇᐅᔭᓕᐊᓂᑦ ᐱᕈᖅᑐᓂᑦ ᑎᑎᕋᖅᓯᒪᔪᓂᑦ ᖃᐅᔨᓴᕈᑎᓂᑦ ᓈᓴᐃᔨᒃᑯᑦ ᑲᓇᑕ ᐱᓇᓱᐊᕈᓯᑕᒫᑦ ᑮᓇᐅᔭᒃᓴᑦᑖᕆᔭᐅᔪᑦ ᒪᓕᒃᖢᒋᑦ ᓄᓇᑦᓯᐊᕐᒧᑦ ᐊᒻᒪᓗ ᓄᓇᕗᒻᒧᑦ.

ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᐋᕿᒃᓯᒪᓲᖅ ᓈᓴᐅᑎᖏᑦᑎᒍᑦ ᐊᕐᕌᒍᑕᒫᑦ ᐊᒻᒪᓗ ᐊᑭᑐᓛᖅᑎᒍᑦ ᖃᑦᓯᑖᓚᒧᑦ ᐋᕿᒃᑕᐅᓯᒪᔪᒧᑦ ᐊᑭᑐᓛᖅ ᐊᑭᓕᖅᓱᖅᑕᐅᓂᖓ ᓈᓴᐅᑎᖏᑦ ᓴᓇᔨᑦ ᐊᑭᓕᖅᑕᐅᓲᑦ ᐃᑲᔫᓯᐊᕆᓪᓗᒋ ᐊᒻᒪᓗ ᖃᑦᓯᑖᓚᑐᐃᓐᓇᒧᑦ ᑎᑭᐅᒪᔪᓐᓇᖅᑐᑦ ᐋᕿᒃᑕᐅᓯᒪᓪᓗᑎᒃ ᐃᖅᑲᓇᐃᔭᖅᑎᑦᑎᔪᒥᑦ ᐊᑭᓕᖅᓱᖅᑕᒥᓄᑦ ᐃᖅᑲᓇᐃᔭᖅᑎᓄᑦ.



ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᐊᑭᑐᓂᖓ ᐊᒻᒪᓗ ᐃᖅᑲᓇᐃᔭᖅᑎ ᖃᐅᔨᓴᖅᑕᐅᕙᓪᓕᐊᔪᑦ ᓱᒃᑲᓂᖓ ᐊᕐᕌᒍᒧᑦ ᐅᖃᐅᓯᖃᑦᑕᖅᑐᖅ ᐊᕐᕌᒍᑕᒫᑦ ᐊᑖᓂ ᓄᕕᐱᕆ.

ᐃᖅᑲᓇᐃᔭᕐᕖᑦ ᐆᒃᑐᖅᑐᑦ ᓄᓇᓕᖕᓂ ᓇᖕᒥᓂᖃᕐᓂᕐᒧᑦ ᓚᐃᓴᓐᓯᒧᑦ ᓄᓇᕗᒻᒥ ᐱᔭᕆᐊᖃᕈᓐᓃᖅᑐᑦ ᐊᒻᒪ ᑐᓂᓯᙱᓪᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᓂᓯᓗᑎᒃ ᓇᓗᓇᐃᒃᑯᑕᒥᒃ ᒪᓕᖕᓂᕐᒧᑦ ᑕᑕᑎᖅᓯᒪᔭᖏᓐᓄᑦ.

ᐱᒋᐊᕐᓗᒍ ᐅᑐᐱᕆ 1, 2024-ᒥ, ᓇᖕᒥᓂᕆᔭᐅᔪᑦ ᑐᓂᓯᔭᕆᐊᓖᑦ ᓄᑖᒥᒃ ᓇᓗᓇᐃᒃᑯᑕᕐᒥᒃ ᒪᓕᖕᓂᕐᒧᑦ ᑕᑕᑎᖅᓯᒪᔪᒥᒃ ᓇᖕᒥᓂᖅ−ᓇᓗᓇᐃᕐᓗᑎᒃ ᒪᓕᖕᓂᖏᓐᓂᒃ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᕐᒥᒃ.

ᑖᓄᓇ ᒪᓕᒐᒃᓴᖅ ᐊᓯᓪᔨᖅᑐᑦ ᐊᑐᖅᖢᒋᑦ ᓄᓇᓕᕐᔪᐊᑦ, ᓄᓇᓕᐸᐅᔭᑦ, ᐊᒻᒪᓗ ᓄᓇᓕᕋᓛᓪᓗ ᐊᒻᒪᓗ ᕼᐋᒪᓚᓄᑦ ᐱᖁᔭᖅ ᐋᖅᑭᒃᑕᐅᓯᒪᔪᑦ ᐱᐅᓯᒋᐊᑕᐅᖁᓪᓗᒋᑦ ᑕᑕᑎᕆᓂᕐᒧᑦ ᑲᔪᓯᓂᐅᕙᒃᑐᑦ.

ᐃᑲᔪᖅᑕᐅᔪᒪᒍᕕᑦ ᓄᑖᖅ ᑕᑕᑎᕆᐊᓕᒃ, ᐊᑏ ᐅᖃᖃᑎᒋᒍᒃ ᓄᓇᓕᖕᓂ ᐱᕙᓪᓕᐊᑎᑦᑎᔨ ᐅᕘᓇ cgs.cd.hq@gov.nu.ca.

ᑐᓴᒃᑲᓐᓂᕈᒪᒍᕕᑦ ᒪᓕᖕᓃᑦ ᒥᒃᓵᓄᑦ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᕐᒧᑦ, ᐊᑏ ᐅᖃᖃᑎᒋᒃᑭᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᔨᑦᑎᕋᖅᑏᑦ ᐅᕘᓇ EmployerNU@wscc.nu.ca ᐅᖄᓚᐅᑎᒃᑯᓪᓘᓐᓃᑦ ᐅᕗᖓ 1-877-404-4407.

ᓄᕕᐱᕆ 30, 2024 – ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐊᑐᖅᑕᐅᓂᐊᕋᓱᒋᔭᐅᔪᓄᑦ ᐋᕿᒋᐊᖅᓯᓂᖅ

ᐊᓯᔾᔨᕈᑎᐅᓇᔭᕐᑐᑦ 25%-ᒥ ᐅᖓᑖᓄᓪᓘᓐᓃᑦ ᐃᖅᑲᓇᐃᔭᖅᑐᑦ ᐊᑭᓕᖅᑕᐅᔾᔪᑎᖏᓐᓂ ᐅᖃᐅᓯᐅᔭᕆᐊᖃᖅᑐᑦ ᐊᓂᒍᓚᐅᖅᑎᓐᓇᒍ ᓄᕕᐱᕆ 30 ᐊᑭᓖᒃᑲᓐᓂᕈᒪᙱᓐᓂᕐᒧᑦ. ᐊᓯᔾᔨᖅᑐᓂᒃ ᐅ ᖃᐅᓯᖃᕈᒪᒍᔅᓯ ᐅᓇ ᑕᑯᒋᐊᕐᓗᒍ WSCC Connect.

ᑎᓯᐱᕆ 31, 2024 – ᐃᓄᖕᒨᖓᔪᑦ ᐊᑐᕈᓐᓇᖅᑕᖏᑦ ᐊᑭᓕᐅᑎᒃᓴᐃᑦ ᓄᑖᖑᕆᐊᖅᑎᑕᐅᓂᖓ

ᑕᐃᒪᓗ ᓇᖕᒥᓂᖃᖅᑎᐅᒍᓂ, ᐱᓕᕆᖃᑕᐅᒍᓂ, ᑐᑭᒧᐊᒃᑎᐅᒍᓂ ᐃᓚᖏᔭᐅᓄᓂ, ᐅᕝᕙᓘᓐᓃᑦ ᓇᖕᒥᓂᖁᑎᖃᖅᑐᖅ ᐃᓄᑑᓪᓗᓕ, ᐊᑑᑎᖃᖅᑐᑦ ᐃᓄᖕᒨᖓᔪᑦ ᐊᑐᕈᓐᓇᖅᑕᖏᑦ ᐊᑭᓕᐅᑎᒃᓴᐃᑦ. ᐅᓇ ᑐᑭᖃᖅᑐᖅ ᐱᖃᖅᐳᑎᑦ ᑖᒃᑯᓄᖓᑦᑕᐃᓐᓇᖅ ᓴᓇᔨᓄᑦ ᐊᑭᓕᐅᑎᒃᓴᐃᑦ ᐃᑲᔫᓯᐊᒃᓴᖏᓐᓄᑦ ᖃᓄᐃᓕᔪᖃᖅᐸᑦ ᑕᐃᒪᓗ ᓴᓇᔨᑦ ᐊᒻᒪᓗ ᐃᑲᔫᓯᐊᕐᓗᑎᒃ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᕕᓂᐅᒃᐸᑕ. ᐱᓇᓱᒍᓐᓇᖅᑐᑎᑦ ᐃᑲᔫᑎᑖᕈᑎᒃᓴᓂᒃ ᑕᖅᑭᓂ 1-ᒥ 12-ᒧᑦ ᐃᑲᔫᑎᑖᕈᑎᒃᓴᓂᒃ.

ᑕᐃᒪᓗ ᒫᓐᓇ ᐱᖃᕈᕕᑦ ᐃᓄᖕᒨᖓᔪᑦ ᐊᑐᕈᓐᓇᖅᑕᖏᑦ ᐊᑭᓕᐅᑎᒃᓴᐃᑦ, ᐱᓇᔪᒃᑲᓐᓂᕆᐊᖃᖅᑐᑎᑦ ᑎᑭᐅᑎᓚᐅᓐᖏᓂᖓᓂ ᔮᓐᓄᐊᕆ 1, 2025, ᑕᐃᒪᓗ ᑲᔪᓂᐊᕐᒪᑕ ᐃᑲᔫᓯᐊᒃᓴᑎᑦ. ᐱᓇᔪᒃᓗᑎᑦ ᐅᕝᕙᓘᓐᓃᑦ ᓄᑖᖑᕆᐊᖅᑎᓪᓗᒍ ᐃᓄᖕᒨᖓᔪᑦ ᐊᑐᕈᓐᓇᖅᑕᖏᑦ ᐊᑭᓕᐅᑎᒃᓴᐃᑦ, ᐱᔭᕇᕐᓗᒍ ᐅᓇ ᑕᑕᑎᕆᐊᓕᒃ, ᓄᑖᖑᖅᑎᓯᒪᔪᖅ 2025-ᒧᑦ. 

ᔮᓐᓄᐊᕆ 1, 2025 – ᐊᕐᕌᒍᑕᒫᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᑦ ᐅᓂᒃᑳᖏᑦ ᑐᓂᔭᐅᖃᑦᑕᖅᑐᑦ ᑭᒃᑯᑐᐃᓐᓇᓄᑦ ᒪᑐᐃᖓᕗᑦ

(ᐃᓱᓕᕕᖃᖅᑐᑦ ᕕᕝᕗᐊᕆ 28, 2025)

ᐃᖅᑲᓇᐃᔭᖅᑎᑦᑎᓲᑦ ᑐᓂᓯᓗᑎᒃ ᐊᕐᕌᒍᑕᒫᖅᓯᐅᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ (APR) ᐱᒋᐊᖅᓵᓕᓗᑎᒃ ᔮᓐᓄᐊᕆ 1, 2025. ᐱᑎᑕᐅᓂᐊᖅᑐᑎᑦ ᐊᕐᕌᒍᑕᒫᖅᓯᐅᑎᑦ ᐃᖅᑲᓇᐃᔭᖅᑎᒥᖕᓄᑦ ᐊᑭᓕᐅᑎᑦ ᐅᓂᒃᑳᖓ ᑲᑎᖓᔪᑦ ᑎᑎᖃᒃᑯᕕᒃᑯᑦ ᖁᓛᓂ ᑎᓯᐱᕆ ᑐᓐᓂᖁᑎᒃᓴᕐᓂᒃ ᐊᔪᕆᖅᓲᔾᔨᑦᑎᐊᖅᓯᒪᓗᑎᒃ. ᖃᐅᔨᒪᓂᐊᖅᐳᑎᑦ ᐱᑎᑦ 2025 ᐃᖅᑲᓇᐃᔭᖅᑎᖕᓄᑦ ᐊᑭᓕᐅᑎᑦ ᓇᓚᐅᑖᖅᓯᒪᔪᑦ ᐊᑐᖅᓯᓂᐊᖅᑐᑦ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᐅᓂᒃᑳᓕᐅᕐᕕᒋᔭᕐᓂᑦ. ᐱᒋᐊᕐᓗᑎᒃ ᔮᓐᓄᐊᕆ 1, 2025, ᓄᓇᑦᓯᐊᖅ ᐊᒻᒪᓗ ᓄᓇᕗᑦ ᐱᖃᖅᑐᑦ ᐊᔾᔨᒌᓐᖏᑦᑐᓂᒃ ᐊᕐᕌᒍᑉ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᖅ (YMIR) ᐊᑭᑐᑎᒋᓂᖓ. ᑐᓂᓯᒋᐊᖃᖅᑐᑎᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓂᐊᓐᖏᓐᓇᕕᑦ ᑭᖑᕙᕈᕕᑦ ᐅᓂᒃᑳᓕᐅᕐᕕᒋᔭᕆᐊᓂᖕᓄᑦ 15%-ᒥᒃ ᐊᕐᕌᓂᐅᓚᐅᖅᑐᖅ ᖃᐅᔨᓴᖅᑕᐅᓯᒪᔪᑦ, ᑐᓂᓗᒋᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐊᑦ ᑕᐃᑲᓂ ᐅᕝᕙᓘᓐᓃᑦ ᑎᑭᐅᑎᓚᐅᓐᖏᓂᖓᓂ ᕕᕝᕗᐊᕆ 28, 2025. ᑐᓂᓯᓗᑎᑦ ᐃᕝᕕᑦ ᐅᓂᒃᑳᓕᐊᖓᓂᒃ ᐅᕘᓇ WSCC Connect.

ᐊᒡᓚᒡᕕᑦ ᒪᑐᓯᒪᓂᖏᑦ

ᑕᒪᕐᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᑐᓯᒪᓂᐊᖅᑐᑦ ᓇᒡᒐᔾᔭᐅ, ᓄᕕᐱᕆ 11, ᐊᒻᒪᓗ ᒪᑐᐃᒃᑲᓐᓂᕐᓗᑎᒃ ᐊᐃᑉᐱᖅ, ᓄᕕᐱᕆ 12, ᑕᐃᑲᓂ 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407