ᔮᓐᓄᐊᕆ 2025


ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ: ᖁᐊᔭᕿᓐᓃᑦ, ᓈᓐᓂᑦ, ᐊᒻᒪᓗ ᐃᔪᒃᑲᕐᓃᑦ

ᐊᓪᓗᖅᑕᑎᑦ ᐅᔾᔨᕆᒋᐊᕐᔫᒥᓪᓗᒋᑦ!

ᓯᐊᕆᓯᒪᔪᑦ, ᓈᓯᒪᔪᑦ, ᑲᑕᒃᓯᒪᔪᓪᓗ ᓴᓇᕝᕕᖕᓂᑦ ᐊᑦᑕᕐᓇᓛᖑᖃᑕᐅᓯᒪᔪᑦ ᓄᓇᑦᓯᐊᕐᒥᑦ ᐊᒻᒪᓗ ᓄᓇᕘᑦᒥᑦ. ᐋᓐᓂᕈᑕᐅᒐᔪᓲᑦ ᑕᒪᒃᑯᓄᖓ ᐅᓗᕆᐊᓇᖅᑐᓄᑦ ᐃᓚᖃᖅᑐᑦ ᐅᒡᒍᐊᖅᓯᓂᕐᒥᑦ, ᐋᓐᓂᖅᓯᒪᓂᕐᒥᑦ, ᐊᒻᒪᓗ ᓇᐱᓂᕐᒥᑦ.


ᑕᒪᕐᒥᑲᓴᑦᑎᐊᖅ ᓯᐊᕆᓯᒪᔪᑦ, ᓈᓯᒪᔪᑦ, ᐅᕝᕙᓗᓐᓃᑦ ᑲᑕᒃᓯᒪᔪᑦ ᐅᑭᐅᖅᑕᖅᑐᒥᑦ ᐃᖅᑲᓇᐃᔭᖅᑏᑦ ᕿᑲᐃᓐᓇᕆᐊᖃᓕᓲᑦ ᐅᑭᐅᒃᑯᑦ ᑕᖅᑭᓂᑦ. ᓂᒡᓚᓱᖕᓂᖅ ᐊᒻᒪᓗ ᐅᑭᐅᖑᓂᖓᓂ ᓯᓚᕗᑦ ᐋᕿᒃᓱᐃᖃᑦᑕᕐᒪᑎᒃ ᖁᐊᓴᕐᒥᑦ, ᒪᓂᕋᐅᙱᑦᑐᒥᑦ ᐱᓱᒡᕕᖕᓂᑦ ᐃᖅᑲᓇᐃᔭᕐᕕᐅᑉ ᖃᓂᒋᔭᖓᓂ – ᐅᓗᕆᐊᓇᓪᓚᕆᓕᓲᖅ ᖁᐊᔭᕿᓐᓂᕐᒧᑦ ᐊᒻᒪᓗ ᑲᑕᖕᓂᕐᒧᑦ!


ᐳᐃᒍᖅᑕᐃᓕᒋᑦ! ᖁᐊᔭᕿᓐᓃᑦ, ᓈᓐᓂᑦ, ᐊᒻᒪᓗ ᐃᔪᒃᑲᕐᓃᑦ ᐃᒡᓘᑉ ᐃᓗᐊᓂᑦᑕᐅᖅ ᖃᖓᑐᐃᓐᓇᒃᑯᑦ ᐱᕐᕈᓗᐊᕿᓱᖑᖕᒥᔪᐃᑦ ᐊᕐᕌᖑᓕᒫᑦ. ᑯᕕᓂᑯᐃᑦ ᖁᐃᑦᑖᕐᓇᖅᓯᑎᑦᑎᑐᐃᓐᓇᕆᐊᓖᑦ. ᐸᓗᖅᓗᐃᔭᐅᑏᑦ ᖃᓱᐃᖓᔪᐃᑦ ᐅᕝᕙᓗᓐᓃᑦ ᑭᓴᖅᓯᒪᖏᑦᑐᐃᑦ ᓈᓐᓇᖅᓯᖃᑦᑕᕐᒥᔪᐃᑦ. ᓴᓂᕈᓗᔮᓗᐃᑦ ᓇᑏᑦ, ᐅᓕᒃᓯᒪᙱᑎᓪᓗᒋᑦ ᑲᐃᕗᑦ ᐅᐋᔭᑯᑕᑦ, ᐊᒻᒪᓗ ᐊᒧᓯᒪᑎᓪᓗᒋ ᐊᒧᔭᖅᑐᑦ ᐊᓪᓕᖅᐹᑦ ᓈᔾᔪᑕᐅᓪᓗᐋᑕᓲᖑᖕᒥᖕᒪᑕ. 


ᑐᑭᓯᒋᐊᒃᑲᓐᓂᕈᒪᒍᕕᑦ ᐋᓐᓂᑦᑕᐃᓕᓂᐅᑉ ᒥᑦᓵᓄᑦ ᖁᐊᔭᕿᓐᓂᒃᑯᑦ, ᓈᓐᓂᒃᑯᑦ, ᐹᓪᓚᓐᓂᒃᑯᓪᓘᓐᓃᑦ, ᖃᐅᔨᒋᐊᕈᓐᓇᕐᑕᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᐃᑭᐊᖅᑭᕕᑦᑎᓐᓂ.

ᖁᓕᑦᑎᐊᒥᑦ ᐅᓗᕆᐊᓇᖅᑐᖅ – ᑲᑕᒐᔭᑦᑐᑦ ᓯᑯᐃᑦ ᐊᒻᒪ ᐊᐳᑎ:

ᐊᐳᑏᔭᐃᓂᖅ ᐊᒻᒪ ᓂᓚᐃᔭᐃᓂᖅ ᐃᓪᓘᑉ ᖄᖓᓂ? ᖃᐅᔨᒪᑦᑎᐊᓂᐊᖅᑲᑎᑦ ᐊᑐᕐᓗᑎ ᑖᒃᑯᓂᖓᓪᓗᐊᖅ ᓇᒻᒥᓂᖅ ᐋᓐᓂᖅᑕᐃᓕᒪᔾᔪᑏᑦ, ᐱᖃᓯᐅᑎᓪᓗᑎ ᐃᔪᒃᑲᔭᐃᒃᑯᑏᑦ ᐃᖅᑲᓇᐃᔭᕈᕕᑦ ᖁᕝᕙᓯᑦᑐᓂᑦ. 


ᑲᑎᖅᓱᖅᓯᒪᔪᓂᑦ ᓂᓚᖃᓕᖅᓯᒪᔪᑦ ᐊᒻᒪ ᐊᐱᓯᒪᔪᑦ ᐃᓪᓗᐃᑦ ᐊᒻᒪ ᓴᓇᓯᒪᔪᑦ ᖁᓛᒍᑦ ᐊᑦᑕᓇᕈᑎᐅᔪᑦ. ᓂᓚᐃᑦ ᑲᑕᒐᖅᑐᑦ ᐊᒻᒪ ᐊᐳᑏᑦ ᓴᖅᑭᑎᑦᑎᔪᓐᓇᖅᑐᑦ ᐱᒻᒪᕆᐅᔪᒥᑦ ᐅᕝᕙᓘᓐᓃᑦ ᐃᓅᒍᓐᓃᖅᑐᒥᑦ ᐋᓐᓂᖅᑐᖃᕐᓗᓂ ᐃᖅᑲᓇᐃᔭᖅᑎᒧᑦ ᐅᕝᕙᓘᓐᓃᑦ ᓴᓂᐊᒍᑦ ᐱᓱᑦᑐᒥᑦ.

ᐊᕐᕌᒍᑕᒫᑦ ᐊᑭᓖᔾᔪᑎᓄᑦ ᐅᓂᒃᑳᓕᐅᕐᓂᖅ

ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᖅ ᑲᑎᖅᓱᖅᓯᒪᔪᑦ ᐃᓕᖕᓄᑦ ᓇᒃᓯᐅᔾᔭᐅᓚᐅᖅᑐᖅ; ᑭᓯᐊᓂ, ᓂᕆᐅᓂᐊᖅᐳᓯ ᑭᖑᕙᖓᔪᓂᒃ ᑲᓇᑕᒥ ᑎᑎᖅᑲᓂᐊᖅᑏᑦ ᐊᐅᓚᓂᕆᔭᖏᑦ ᐅᑎᖅᐸᓪᓕᐊᓕᓵᕐᒪᑕ. 


ᐊᑏᖓᐃ ᐃᖅᑲᐅᒪᓂᐊᖅᐳᑎᑦ ᑖᓐᓇ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᖅ ᑐᓂᔭᐅᓯᒪᒋᐊᓕᒃ ᑕᒡᕙᓂ ᑐᖔᓂᓘᓐᓃᑦ ᕕᕝᕗᐊᕆ 28, 2025, ᐊᒻᒪᓗ ᑭᖑᕙᓂᕐᒧᑦ ᐊᑭᓕᕆᐊᓖᑦ ᑐᕌᖓᕋᔭᖅᑐᑦ ᓂᓯᓂᓐᓂᕈᕕᑦ ᑭᖑᕙᖓᔪᒥᑦ.


ᐱᒋᐊᕐᓂᐊᕐᓗᒍ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᖅ ᒫᓐᓇᐅᔪᖅ, ᑕᑯᓗᒍ ᖃᕋᔭᐅᓴᒃᑯᑦ ᑐᓴᐅᒪᑎᑦᑎᔾᔪᑎ ᓇᒃᓯᐅᔾᔭᐅᔪᖅ ᐊᑎᓕᐅᖅᓯᒪᔪᓄᑦ ᑎᓯᐱᕆᐅᑉ ᕿᑎᐊᓂ.


ᓇᒃᓯᐅᔾᔭᐅᓂᐊᕐᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᒃᑯᑦ ᑎᑎᖅᑲᓂᑦ, ᓲᕐᓗ SafetyNet, ᐊᒻᒪᓗ ᐊᓯᖏᑦ ᐱᒻᒪᕆᐅᔪᑦ ᖃᕋᓴᐅᔭᒃᑯᑦ ᑐᓴᐅᑎᑦᑎᔾᔪᑎᓂᑦ, ᐊᑎᓕᐅᕆᐊᖃᖅᑐᑎᑦ. ᖃᐅᔨᒪᔭᖃᕈᕕᑦ ᑎᑭᑕᐅᓯᒪᙱᑦᑐᒥᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᖅ ᖃᕋᓴᐅᔭᒃᑯᑦ ᑐᓴᐅᑎᑦᑎᔾᔪᑎᓂᑦ ᑭᓯᐊᓂ ᐱᑖᕆᐊᓕᐅᒐᓗᐊᑦ, ᐊᑎᓕᐅᕈᓐᓇᖅᑐᑦ ᐊᑐᕐᓗᑎᑦ ᖃᕋᓴᐅᔭᒃᑯᑦ ᐊᑎᓕᐅᕐᓂᕐᒧᑦ ᑎᑎᕋᕆᐊᓕᒃ ᑎᑭᐅᔾᔭᐅᖃᑦᑕᕐᓂᐊᕐᒪᑕ ᖃᕋᓴᐅᔭᒃᑯᑦ ᑐᓴᐅᑎᑦᑎᔾᔪᑎᓂᑦ ᓯᕗᓂᒃᓴᒥᑦ.


ᐅᑎᓕᐅᖅᑕᐅᓂᖅ ᖃᕆᓴᐅᔭᒃᑯᑦ ᓇᓕᖅᑲᖅᑖᕐᓃᑦ 

ᐱᓗᒋᑦ ᐅᓂᒃᑳᑦ ᑭᓚᒥᐅᓂᖅᓴᒃᑯᑦ! ᖃᕋᓴᐅᔭᒃᑯ ᐅᓂᒃᑳᑦ ᓱᑲᓛᖑᔪᑦ ᐱᖃᑦᑕᕐᓗᒋᑦ ᐃᕝᕕᑦ ᐃᖅᑲᓇᐃᔭᖅᑎᑦᑎᔪᒧᑦ ᑕᖅᑭᑕᒫᑦ ᐅᓂᒃᑳᖏᓐᓂ. ᐊᐅᓚᓗᒋᑦ ᐊᑭᓕᐅᑎᑎᑦ ᖃᓄᑐᐃᓐᓈᕋᔅᓴᐅᔪᓂᑦ ᐱᔭᔅᓴᐅᓂᖏᓐᓄᑦ ᐅᓂᒃᑳᑦ 24 ᐃᑲᕐᕋᐃᑦ ᐅᓪᓗᕐᒥᑦ, 7 ᐅᓪᓗᐃᑦ ᐱᓇᓱᐊᕈᓯᕐᒥᑦ. ᕿᒥᕐᕈᔪᓐᓇᖅᑕᑎᑦ ᐅᕝᕙᓘᓐᓃᑦ ᖃᕋᓴᐅᔭᒨᕐᓗᒋᑦ ᐅᓂᒃᑳᑦ ᐅᓂᒃᑳᖑᖃᑦᑕᖅᓯᒪᔪᑦ ᑎᑭᓯᒪᔪᓄᑦ ᐱᖓᓱᓄᑦ ᐊᕐᕌᒍᓄᑦ.


ᐃᖅᑲᓇᐃᔭᖅᑎᑦᑎᔪᑦ, ᐊᑎᓕᐅᓚᐅᖅᑎᓐᓇᑎᑦ, ᖃᐅᔨᒋᐊᕐᕕᒋᓗᒋᑦ WSCC Connect ᐱᔭᔅᓴᐅᓂᖓ ᐊᐅᓚᑦᑎᔨᐅᓪᓗᓂ ᑖᓐᓇ ᐊᑐᖃᑦᑕᖅᑐᖅ ᐅᓪᓗᒥᒨᖓᑎᑕᐅᖏᓐᓇᓂᐊᕐᖓᑕ. ᐱᑦᑎᐊᖅᓯᒪᔪᑦ ᖃᕋᓴᐅᔭᒃᑯᑦ ᑐᕌᕈᑏᑦ ᐱᒻᒪᕆᐅᔪᑦ ᐱᔭᐅᓂᖏᓐᓄᑦ ᑐᓴᖅᑎᑦᑎᒍᑎᑦ ᐃᓕᓐᓂᑦ ᖃᐅᔨᑎᑦᑎᔪᓂᑦ ᐃᖅᑲᓇᐃᔭᖅᑎᑦᑎᔪᒧᑦ ᑕᖅᑭᑕᒫᑦ ᐅᓂᒃᑳᖏᑦ ᐊᑐᐃᓐᓇᐅᑎᐊᕐᓗᑎ ᕿᒥᕐᕈᔭᐅᓗᑎ. 


ᖃᐅᔨᒋᐊᕐᓗᒍ 3-ᐊᑐᖅᑕᐅᔪᓂᑦ ᐊᑐᒐᐃᑦ ᐊᒻᒪ ᐊᑎᓕᐅᕐᓗᑎᑦ ᐅᓪᓗᒥ!

ᐱᕋᔭᒃᑕᐅᓂᕐᒥᑦ ᐅᔾᔨᖅᓱᕐᓂᖅ

ᓇᒃᓯᐅᔾᔨᕕᐅᓯᒪᔪᒍᑦ ᐅᖃᐅᓯᖃᖅᑐᓂᑦ ᐊᖏᖅᑕᐅᓯᒪᕙᒌᖅᑐᓂᑦ ᑮᓇᐅᔭᕐᓂᒃ ᐲᖅᑕᐅᔪᓂᑦ ᓇᓗᓇᐅᒃᑯᑕᓕᓐᓂᒃ WSCC#593 ᐃᓚᖏᓐᓂᒃ ᐃᖅᑲᓇᐃᔭᖅᑎᓕᖁᑎᐅᑉ ᑮᓇᐅᔭᒃᑯᕕᖏᓐᓂᒃ. 


WSCC#593 ᑮᓇᐅᔭᑦ ᐲᖅᑕᐅᔪᑦ ᑲᓲᒪᖏᑦᑐᑦ ᐱᓕᕆᕝᕕᑦᑎᓐᓄᑦ. ᑖᒃᑯᐊ ᑮᓇᐅᔭᑦ ᐲᖅᑕᐅᔪᑦ ᐱᕋᔭᖕᓂᐅᑐᐃᓐᓇᕆᐊᓖᑦ, ᐊᒻᒪᓗ ᑕᐃᒪᐃᑕᐅᓯᒪᔪᑦ ᐅᖃᐅᓯᖃᕆᐊᓖᑦ ᐊᑲᐅᙱᓕᐅᕈᑕᐅᔪᒥᑦ ᑮᓇᐅᔭᒃᑯᕕᖓᓄᑦ ᐊᒻᒪᓗ ᓄᖅᑲᖅᑎᑕᐅᒋᐊᕐᓗᑎᑦ ᐊᖏᖅᑕᐅᓯᒪᙱᑦᑐᑦ ᐊᑭᓕᕈᑕᐅᔪᓂᑦ.


ᐊᑑᑎᖃᒃᑲᓐᓂᖅᑐᓂᑦ ᑐᑭᓯᒋᐊᕈᑎᒃᓴᓂᑦ ᖃᓄᖅ ᐊᓂᒍᐃᓂᕐᒥᑦ ᐊᖏᖅᑕᐅᓯᒪᙱᑦᑐᒥᑦ ᑮᓇᐅᔭᒃᑯᕕᖕᒥᑦ ᐊᑭᓕᕈᑕᐅᔪᓂᑦ ᑕᑯᔭᐅᔪᓐᓇᖅᑐᑦ ᐅᕙᓂ ᑮᓇᐅᔭᓕᕆᓂᕐᒧᑦ ᑭᒡᒐᖅᑐᐃᔩᑦ ᑲᓇᑕᒥ.

ᐊᑐᐊᒐᕐᓄᑦ ᑐᓴᒐᒃᓴᑦ

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᐊᓚᐅᕐᒪᑕ ᐊᒻᒪ ᐊᖏᓚᐅᖅᖢᑎ ᑕᒪᒃᑯᓂᖓ ᐊᑐᐊᒐᕐᓂᒃ ᑎᓯᐱᕆ 2024-ᒥ ᑲᑎᒪᑎᓪᓗᒋᑦ.


ᓄᑖᑦ ᐊᑐᐋᒐᐃᑦ:

  • 00.09, ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᑦᑕᕐᓇᔾᔭᐃᖅᓯᒪᓂᕐᒧᓪᓗ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᖅ
  • 04.00, ᐃᑲᔫᓯᐊᓄᑦ ᐊᑭᖏᑦ


ᐋᖅᑭᒋᐋᖅᑕᐅᓂᖏᑦ ᐊᑐᐋᒐᐃᑦ:

  • 09.01, ᐊᑦᑕᕐᓇᖅᑐᒦᑕᐃᓕᑎᑦᑎᔾᔪᑎᓄᑦ ᐱᔭᕆᐅᖅᓴᐅᑎᑦ
  • 09.05, ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᓂᖅ ᐊᒻᒪᓗ ᓯᕗᓪᓕᐅᑎᔭᕆᐋᖃᒃᑎᑕᐅᓗᑎᒃ ᐃᑲᔪᕋᓱᐋᖅᑎᑦ (ᓇᓗᓇᐃᕐᑕᐅᓯᒪᓇᓂ ᐊᓯᖑᕐᓂᖅ)


ᑕᑯᒋᐊᕐᓗᒍ ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᖁᑎᖏᓐᓂᒃ ᐊᒻᒪᓗ ᑖᓐᓇ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.

wscc.nt.ca 1.800.661.0792 | wscc.nu.ca 1.877.404.4407