ᔫᓂ 2020                                                                   
ᒪᓕᒋᐊᓕᒃ 1: ᐃᖅᑲᓇᐃᔭᕐᕕᖕᒥ ᐊᑦᑕᓇᖅᑐᒥ ᖃᐅᔨᓴᕐᓂᖅ  
ᐅᓗᕆᐊᓇᖅᑐᓂᒃ ᕿᓂᕐᓗᑎ ᐊᒻᒪ ᓇᓗᓇᐃᕐᓗᒋᑦ ᐊᐅᓚᑦᑎᓂᕐᒧᑦ ᖃᓄᐃᓕᐅᕈᑎᒃᓴᓂᒃ

ᓯᕗᓪᓕᖅᐹᖅ ᖃᓄᐃᓕᐅᕆᐊᖃᖅᑕᐃᐅᑦ ᓄᕙᒡᔪᐊᕐᓇᖅ-19-ᒧᑦ (COVID-19) ᐅᓗᕆᐊᓇᙱᑦᑐᒦᓐᓂᕐᒥᑦ ᐸᕐᓇᐅᑎᓕᐅᕐᑎᓪᓗ ᐅᓇ ᐃᖅᑲᓇᐃᔭᕐᕕᖕᒥᓐ ᐅᓗᕆᐊᓇᙱᑦᑐᒦᓐᓂᕐᒧᑦ ᖃᐅᔨᓴᕈᑎᑦ ᑕᑕᑎᕐᐸᓪᓕᐊᓗᒍ. ᐃᑲᔪᕈᑎᒋᓇᔭᕋᕕᐅᒃ ᐊᔾᔨᒌᙱᑦᑐᓂᒃ ᖁᐊᕐᓵᕐᓇᕋᔭᖅᑐᓂᒃ ᓴᓇᕝᕕᒋᔭᕐᓂ ᓇᓗᓇᐃᕐᓯᓂᕐᒥ, ᐊᒻᒪᓗ ᐅᓗᕆᐊᓇᙱᑦᑐᒥ ᐊᐅᓚᑦᑎᓂᕐᒧᑦ ᖃᐅᓄᐃᓕᐅᕈᑎᓂ ᒥᒃᖠᕚᓪᓕᕋᓱᒡᓗᑎᒃ ᐅᓗᕆᐊᓇᙱᓐᓂᐅᔪᑦ. ᐊᑐᕐᓗᒋᑦ ᐱᐊᓂᒃᑕᑎᑦ ᖃᐅᔨᓴᕈᑏᑦ ᐸᕐᓇᐅᓯᐅᖅᐸᓪᓕᐊᓂᕐᓄᑦ. 

ᑎᑎᕋᕐᕕᒋᔭᐃᑦ ᐱᐊᓂᒃᑯᕕᐅ

ᐅᓇ ᑕᑕᑎᕆᐊᓕᒃ ᐱᓯᒪᔭᕆᐊᖃᖅᑕᓯ ᐊᒻᒪ ᑐᓂᔭᕆᐊᖃᙱᑦᑐᖅ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᑕᑕᑎᕐᓯᒪᔭᐃᑦ ᖃᐅᔨᒪᔭᕐᓃᑎᓪᓗᒍ, ᐅᓗᕆᐊᓇᖅᑐᖃᕐᓂᕐᐸᑦ ᓴᓇᕝᕕᖕᓂ ᓄᑖᙳᕆᐊᖃᑦᑕᕐᓗᒍ, ᐊᒻᒪᓗ ᐋᖅᑭᒃᓱᐃᓗᑎ ᕿᒥᕐᕈᐊᕐᕕᒋᖃᑦᑕᕐᓂᐊᕐᑕᕐᓂᒃ. ᓴᓇᕝᕕᖕᒥ ᖃᐅᔨᓴᓇᒥᑦ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᖅᑎᐅᔪᑦ ᑕᑯᔪᒪᓇᔭᖅᑐᑦ ᐱᐊᓂᒃᓯᒪᔭᕐᓂᒃ ᑕᑕᑎᕆᓯᒪᔪᒥᒃ.


ᒪᓕᒋᐊᓕᒃ 2: ᐃᖅᑲᓇᐃᔭᖅᑐᒧᑦ ᖁᐊᕐᓵᕐᓇᖅᑐᓂᒃ ᖃᐅᔨᓴᕐᓂᖅ  
ᐃᖅᑲᓇᐃᔭᖅᑎᒋᔭᑎ ᐱᓕᕆᖃᑕᐅᑎᓪᓗᒋᑦ

ᖃᐅᔨᒪᓕᕈᕕᑦ ᐅᓗᕆᐊᓇᖅᑐᓂᒃ ᓴᓇᕝᕕᒋᔭᕐᓂᒃ, ᐅᖃᓪᓚᖃᑎᒋᓗᒋᑦ ᐃᖅᑲᓇᐃᔭᖅᑎᑦ ᖃᓄᐃᓕᐅᕐᓂᕐᓂᒃ ᑕᒪᒃᑯᐊ ᐊᐅᓚᑕᐅᔪᓐᓇᕐᓂᖏᓐᓂᒃ. ᑐᓂᓗᒋᑦ ᐃᖅᑲᓇᐃᔭᖅᑎᑎ ᑕᒪᕐᒥ ᐆᒥᖓ ᐃᖅᑲᓇᐃᔭᖅᑐᒧᑦ ᖁᐊᕐᓵᕐᓇᖅᑐᓂᒃ ᖃᐅᔨᓴᕈᑎᑦ ᐊᒻᒪᓗ ᓇᓗᓇᐃᕐᓯᖁᓗᒋ ᐊᓯᖏᓐᓂᒃ ᖁᐊᕐᓇᓵᕐᓇᖅᑐᓂᒃ ᑕᑯᓯᒪᔭᖏᓐᓂᒃ ᐃᖅᑲᓇᐃᔭᕐᕕᖏᓐᓂᒃ. ᐊᑐᓂ ᐃᖅᑲᓇᐃᔭᖅᑎᐅᔪᖅ ᑕᑕᑎᕆᔭᕆᐊᖃᖅᑐᑦ ᐱᓕᕆᐊᕆᕙᒃᑕᖏᓐᓄᑦ. ᐅᓇ ᑕᑕᑎᕆᐊᓕᒃ ᐊᐱᖅᑯᑎᐅᔪᓐᓇᖅᑐᓂᒃ ᐃᓚᖃᕐᒥᔪᖅ ᐃᖅᑲᓇᐃᔭᖅᑎᒋᔭᑎ ᐊᐱᕐᓱᕈᓐᓇᖁᓪᓗᒋᑦ ᑕᒪᐅᖔᖓᓪᓚᕆᒃᑐᓂᒃ. ᐃᖅᑲᓇᐃᔭᖅᑎᐅᔪᑦ ᓇᓗᓇᐃᒃᑯᑎᖃᕆᐊᖃᕐᓂᐊᕐᑐᑦ ᐱᐊᓂᒃᓯᒪᔭᕐᓂᒃ ᐃᖅᑲᓇᐃᔭᕐᕕᖕᒥᓐ ᖁᐊᕐᓵᕐᓇᖅᑐᒦᓐᓂᕐᒧᑦ ᖃᐅᔨᓴᕈᑎᓂᒃ, ᑕᐃᒪᓕ ᐊᑐᐃᓐᓇᐅᔭᕆᐊᖃᕐᓂᐊᖅᑐᖅ.

ᐱᐊᓂᒃᓯᒪᔪᑦ ᑕᑕᑎᕆᐊᓖᑦ ᐱᐅᒻᒪᕆᒃᑐᓂᒃ ᑐᓴᒐᒃᓴᖃᕐᓂᐊᖅᑐᑦ ᐸᕐᓇᐅᓯᐅᕐᐸᓪᓕᐊᓂᕐᓄᑦ.ᐊᐱᖅᑯᑎᒋᔭᐅᔪᓂᒃ ᑐᑭᓯᓯᒪᓇᓱᒡᓗᑎᑦ ᐊᒻᒪ ᐃᓱᒫᓘᑎᒋᔭᐅᔪᓂᒃ ᐃᖅᑲᓇᐃᔭᖅᑎᓄᑦ, ᐊᒻᒪᓗ ᐋᖅᑭᒋᐊᕈᑎᒋᓗᒋᑦ ᐊᑐᓕᕐᑎᓪᓗᒋᓪᓗ ᐅᕘᓇ ᓴᖅᑭᔮᕐᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᓄᑦ. ᐱᓕᕆᔨᐅᓕᖅᑳᖃᑦᑕᖅᑐᑦ ᐃᓱᒪᒋᔭᖏᑦ ᐋᖅᑭᒃᓱᐃᕙᓪᓕᐊᓂᕐᒥᑦ ᐸᕐᓇᐅᑎᓂ ᐱᐅᓂᕐᓴᐅᑎᑦᑎᓇᔭᖅᑐᑦ.

ᐃᖅᑲᓇᐃᔭᖅᑎᐅᔪᑦ ᐱᐊᓂᒃᓯᐊᓂᓚᐅᕈᑎᒃ ᖃᐅᔨᓴᕈᑎᕕᓂᕐᓂᒃ (ᐃᖅᑲᓇᐃᔭᕐᕕᐅᔪᒥᑦ ᖁᕝᕙᓯᓐᓂᖓᓄᑦ ᐊᑦᑕᓇᕈᑕᐅᔪᓐᓇᖅᑐᓂᑦ ᖃᐅᔨᓴᐃᓂᕐᒥᑦ), ᓄᑖᒥ ᐱᐊᓂᒃᓯᔭᕆᐊᖃᙱᑦᑐᑦ ᑭᓯᐊᓂᓕ ᕿᒥᕐᕈᐊᖃᑦᑕᕐᓗᑎ ᐱᐊᓂᖕᓂᑯᖏᓐᓂᒃ ᐊᒻᒪᓗ ᓄᑖᙳᕆᐊᖅᐸᒡᓗᒍ ᐊᓯᙳᖅᑐᖃᕐᓂᕌᖓᑦ. ᖃᐅᔨᑎᑦᑎᖃᑦᑕᕆᐊᖃᖅᑐᑦ ᑲᒪᔨᒋᔭᖏᓐᓂᒃ ᓄᑖᙳᕆᐊᖅᑎᑦᑎᓐᓂᕈᑎᒃ ᖃᐅᔨᓴᕈᑎᕕᓂᕐᓂᒃ.

ᑕᑕᑎᕆᐊᖃᖅᑐᑦ ᐱᐊᓂᒃᐸᑕ

ᐅᑯᐊ ᑕᑕᑎᕆᐊᓖ ᐱᓯᒪᔭᕆᐊᖃᖅᑕᓯ ᐊᒻᒪ ᑐᓂᔭᕆᐊᖃᙱᑦᑐᖅ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᐃᖅᑲᓇᐃᔭᖅᑎᑎ ᐱᓯᒪᔭᕆᐊᖃᖅᑐᑦ ᑖᒃᑯᓂᖓ ᖃᐅᔨᓴᕈᑎᕕᓂᐅᔪᓂᑦ ᑎᑎᖃᓄᑦ ᐃᓂᒋᔭᖏᓐᓂᒃ, ᑭᓯᐊᓂᓕ ᑲᒪᔨᐅᔪᑦ ᕿᒥᕐᕈᐊᕆᐊᖃᕋᔭᖅᑐᑦ ᑕᑕᑎᕐᓯᒪᔪᓂᒃ, ᑐᓴᒐᒃᓴᓂᒃ ᑲᑎᕐᓱᐃᓗᑎᒃ ᐊᒻᒪᓗ ᐃᓱᒫᓘᑎᖏᓐᓂᒃ ᐃᓚᓕᐅᔾᔨᖢᑎᒃ ᑲᒻᐸᓂᕕᑦ ᐃᖅᑲᓇᐃᔭᕐᕕᖕᒥᓐ ᖁᐊᕐᓵᕐᓇᖅᑐᒦᓐᓂᕐᒧᑦ ᖃᐅᔨᓴᕈᑎᓂᒃ ᐊᒻᒪᓗ ᓴᖅᑭᔮᕐᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᓂᒃ. ᐃᖅᑲᓇᐃᔭᖅᑎᑎᑦ ᖃᐅᔨᒪᑎᓪᓗᒋ ᑕᒪᑐᒧᖓ ᐃᓚᐅᔭᕆᐊᖃᕐᓂᖏᓐᓂᑦ ᐊᒻᒪᓗ ᐅᔾᔨᕐᓱᕐᓗᑎᒃ ᐊᓯᙳᕈᑎᐅᓇᔭᖅᑐᓂᒃ ᐅᓗᕆᐊᓇᖅᑐᓂᒃ. ᕿᒥᕐᕈᐊᖃᑦᑕᕐᓗᓂᒋᑦ ᖃᑯᒍᙳᕌᖓᑦ ᐊᒻᒪᓗ ᐊᓯᔾᓯᕐᓯᓗᑎᒃ ᑕᐃᒪᐃᑦᑕᕆᐊᖃᕈᑎᒃ. ᓴᓇᕝᕕᐅᔪᒥ ᖃᐅᔨᓴᖅᑎᓪᓗᒋᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᑯᔪᒪᓇᔭᖅᑐᑦ ᖁᐊᕐᓵᕐᓇᖅᑐᓂᒃ ᖃᐅᔨᓴᕈᑎᓂᒃ ᐱᐊᓂᒃᑕᐅᓯᒪᔪᓂᒃ ᐃᖅᑲᓇᐃᔭᖅᑎᓄᑦ.

ᐃᑲᔪᖅᑕᐅᒃᑲᓐᓂᕆᐊᖃᖅᐲ?

ᐃᖅᑲᓇᐃᔭᕐᕕᖕᒥᓐ ᖁᐊᕐᓵᕐᓇᖅᑐᒦᓐᓂᕐᒧᑦ ᖃᐅᔨᓴᕈᑎᑦ ᖃᐅᔨᒪᔾᔪᑎᒋᓛᕆᓇᔭᕐᒪᒋᑦ ᐱᐊᓂᓯᓇᓱᒃᑎᓪᓗᒋᑦ ᐃᖅᑲᓇᐃᔭᖅᑎᐅᑉ ᖁᐊᕐᓵᕐᓇᖅᑐᓂᒃ ᖃᐅᔨᓴᕈᑎᖏᓐᓂᒃ. ᐃᖅᑲᓇᐃᔭᖅᑎᒋᔭᑎ ᐅᖃᓪᓚᖃᑎᒋ.ᒋᑦ ᐅᓗᕆᐊᓇᖅᑐᓂᒃ, ᖁᐊᕐᓵᕐᓇᖅᑐᓂᒃ ᐊᒻᒪᓗ ᐊᓯᙳᖅᑐᓂᒃ ᓴᓇᕝᕕᒋᔭᕐᓂ ᑕᑕᑎᕆᓕᓚᐅᙱᓐᓂᖏᓐᓂᒃ ᐆᒥᖓ ᑕᑕᑎᕆᐊᓕᖕᒥᑦ.


ᒪᓕᒋᐊᓕᒃ 3: ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᐃᓂᖅ  
ᖃᐅᔨᒪᕕᒌᑦ ᐅᓗᕆᐊᓇᖅᑐᑦ ᐊᒻᒪ ᖁᐊᕐᓵᓇᖅᑐᑦ? ᐸᕐᓇᐅᓯᐅᕆᐊᓕᕐᓂᖅ...

                   

ᐅᓇ ᓴᖅᑭᔮᕐᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎ ᐊᑐᖁᔭᐅᓯᒪᔪᖅ ᐅᕘᓇ ᐃᓚᖓ 88 ᐅᕙᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᖁᔭᓂᒃ ᐅᕙᓂ   ᓄᓇᕗᑦ (ᒪᒃᐱᒐᓂᒃ 41-44) ᐊᒻᒪᓗ ᐅᕙᓂ   ᐅᕙᓂ ᓄᓇᑦᓯᐊᖅ (ᒪᒃᐱᒐᓂᒃ 58-62)   . ᐅᓇ ᓴᖅᑭᔮᕐᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎ ᐃᓕᖕᓄᑦ ᑎᑎᕋᕐᓯᒪᔪᓄᑦ ᐅᓗᕆᐊᓇᙱᑦᑐᓄᑦ ᐸᕐᓇᐅᑎᓂᒃ ᐱᓕᕆᐊᕆᔭᕐᓄᑦ ᐅᕝᕙᓘᓐᓃᑦ ᑲᑐᔾᔨᖃᑎᒌᖕᓄᑦ. ᐃᓚᖃᕆᐊᖃᖅᑐᖅ ᐃᕝᕕᑦ ᖁᐊᕐᓵᕐᓇᖅᑐᓄᑦ ᐊᒻᒪ ᐅᓗᕆᐊᓇᖅᑐᓄᑦ ᖃᐅᔨᓴᕈᑎᖕᓂᑦ, ᖃᓄᐃᓕᐅᕈᑎᒋᔪᒪᔭᖕᓂᒡᓗ ᒥᒃᖠᕚᓪᓕᖅᑎᑦᑎᓇᓱᒡᓗᑎᑦ ᐅᓗᕆᐊᓇᖅᑐᓂᒃ, ᐊᔪᕈᓐᓃᕐᓴᕈᑎᒃᓴᑎᑦ ᐃᖅᑲᓇᐃᔭᖅᑎᓄᑦ, ᐊᒻᒪᓗ ᖃᓄᐃᓕᐅᖅᐸᓪᓕᐊᒍᑎᒃᓴᑎᑦ ᕿᒥᕐᕈᐊᖃᑦᑕᕐᓂᕐᒥ ᐊᒻᒪ ᓄᑖᙳᕆᐊᖅᑎᑦᑎᕙᖕᓂᕐᒥᑦ ᐸᕐᓇᐅᑎᓂᒃ.

ᐃᑲᔪᖅᑕᐅᔪᒪᕖ?

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓄᕈᓘᔭᖅᑐᓂᒃ ᑎᑎᖃᖁᑎᖃᕐᒪᑕ ᐃᓕᖕᓄᑦ ᐃᑲᔫᑎᐅᔪᓐᓇᖅᑐᓂ ᐸᕐᓇᐅᓯᐅᖅᐸᓪᓕᐊᑎᓪᓗᑎ. ᒪᑯᓇᙵᑦ ᓇᓗᓇᐃᕐᓯᕙᓪᓕᐊᓂᕐᒥᑦ ᒪᐅᖓ ᓇᓗᓇᐃᔭᕐᓯᒪᑦᑎᐊᖅᑐᓂᒃ ᑐᑭᒧᐊᕈᑎᓂᒃ; ᐃᑲᔪᕈᑎᒃᓴᐃᑦ ᐃᓕᖕᓂ ᐃᑲᔪᕈᓐᓇᖅᑐᑦ ᓇᓗᓇᐃᕐᓯᓂᕐᓂᒃ ᑕᒻᒪᕐᓯᒪᙱᑦᑐᓂᒃ ᐱᓕᕆᐊᖃᖅᐸᓪᓕᐊᓂᕐᓂᑦ ᐃᖅᑲᓇᐃᔭᖅᑎᑎᑦ ᐅᓗᕆᐊᓇᙱᑦᑐᒦᖁᓪᓗᒋᑦ.
ᐸᕐᓇᐅᑎᒋᔭᐃᑦ ᐋᖅᑭᒃᓯᒪᔭᕆᐊᖃᖅᑐᖅ ᐱᓕᕆᐊᕆᔭᕐᓄᑦ ᓈᒻᒪᓈᕐᓯᒪᓇᓱᒃᑐᒥᓐ. ᑎᑎᕋᕐᓯᒪᔭᕆᐊᖃᖅᖢᓂ ᑕᑭᔪᓐᓇᖅᖢᓂ ᐋᒃᑲᓘᓐᓃᑦ, ᓇᓗᓇᐃᔭᐃᓯᒪᓗᓂ ᐅᓗᕆᐊᓇᖅᑐᓕᒫᓂᒃ ᐊᒻᒪ ᖁᐊᕐᓵᕐᓇᖅᑐᓕᒫᓂᒃ ᐊᒻᒪᓗ ᓇᓗᓇᐃᔭᕐᓯᒪᓗᓂ ᖃᓄᖅ ᓇᖕᒥᓂᕆᔭᐃᑦ ᐸᕐᓇᓯᒪᓂᖓᓂᒃ ᑕᒪᒃᑯᐊ ᖁᐊᕐᓵᕐᓇᖅᑐᑦ ᐊᐅᓚᑕᐅᔪᓐᓇᕐᓂᖏᓐᓂᒃ.

ᐅᖃᖃᑎᖃᕈᓐᓇᖅᑐᑎᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᖅᑎᒥ ᐃᑲᔪᖅᑕᐅᔪᒪᒍᕕᑦ ᐸᕐᓇᐅᓯᐅᖅᐸᓪᓕᐊᑎᓪᓗᑎᑦ. ᓄᓇᕗᒥᑦ ᓇᖕᒥᓂᖅ ᐱᓕᕆᐊᖃᖅᑐᑦ ᐅᑯᓄᖓ ᖃᐅᔨᒋᐊᕈᓐᓇᖅᑐᑦ Covid-19@wscc.nu.ca , ᓄᓇᑦᓯᐊᕐᒥᑦ ᓇᖕᒥᓂᖅ ᐱᓕᕆᐊᖃᖅᑐᑦ ᐅᑯᓄᖓ ᖃᐅᔨᒋᐊᕈᓐᓇᖅᑐᑦ Covid-19@wscc.nt.ca , ᐅᖄᓚᓗᓯᓘᓐᓃ ᐅᕗᖓ 1 (800) 661-0792.


ᒪᓕᒋᐊᓕᒃ 4: ᐸᕐᓇᐅᑎᑎ ᐊᑐᓕᕐᑎᓪᓗᒋᑦ  
ᓴᓇᓂᖅ, ᑭᓱᓕᐅᕐᓂᖅ ᐊᒻᒪ ᐊᑐᓕᖅᑎᑦᑎᓂᖅ ᐊᓯᔾᔨᕈᑎᓂᒃ ᓴᓇᕝᕕᒋᒋᔭᕐᓂᒃ ᐅᓗᕆᐊᓇᙱᓐᓂᕐᓴᐅᑎᓐᓇᓱᒡᓗᒍ ᓴᓇᕝᕕᒋᔭᐃᑦ

                 

ᓴᖅᑭᔮᕐᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᓂᒃ ᑎᑎᕋᕐᓯᒪᔭᑎᒃ ᐊᑐᓕᖅᑎᑉᐸᓪᓕᐊᓗᒋᑦ. ᓇᓗᓇᐃᕐᓯᓯᒪᕕ ᓴᐴᓕᑕᖃᕆᐊᖃᕐᓂᕐᓂᑦ ᓴᐳᑎᓯᒪᓇᓱᒡᓗᒋᑦ ᐃᖅᑲᓇᐃᔭᖅᑎᒋᔭᑏ? ᐋᖅᑭᒃᓱᕐᓗᒍ. ᐃᖅᑲᓇᐃᔭᖅᑎᑎᓐ ᓇᓗᓇᐃᔭᕐᓯᒪᑦᑎᐊᖅᑐᓂᒃ ᒪᓕᒋᐊᖃᖅᐸ ᓴᓗᒻᒪᕐᓴᐃᓂᕐᒧᑦ ᐊᒻᒪ ᓱᕈᐃᔭᐃᑦᑎᐊᕐᓂᕐᒨ? ᑎᑎᕋᕐᓗᒋᑦ, ᐊᒻᒪ ᑐᓴᖅᑎᓪᓗᒋᑦ ᐃᖅᑲᓇᐃᔭᖅᑎᑎᓐ. ᐃᖅᑲᓇᐃᔭᖅᑎᒋᔭᑎᑦ ᓄᑖᒥ ᐱᓕᕆᕝᕕᖃᓕᕐᐹᓐ? ᐱᓕᕆᔾᔪᑎᖃᖅᑎᓪᓗᒋᑦ ᐊᒻᒪ ᐊᔪᕈᓐᓃᕐᓴᕐᓯᒪᓗᒋᑦ ᐅᓗᕆᐊᓇᖅᑐᒦᖁᓇᒋᑦ ᑕᕝᕙᓂ ᓴᓇᕝᕕᒋᓕᖅᑕᖓᓂ.

ᐃᑲᔪᖅᑕᐅᔪᒪᕖ?

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓄᕐᑐᓂᒃ ᐊᔪᕈᓐᓃᕐᓴᕈᑎᒃᓴᖃᕐᒪᑕ ᑐᕌᖓᔪᓂᒃ ᐃᖅᑲᓇᐃᔭᖅᑎᑦᑎᔨᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ. ᑕᒪᒃᑯᐊ ᐱᓕᕆᔾᔪᑎᒃᓴᐅᔪᑦ ᐊᑐᐃᓐᓇᖃᕈᑎᐅᔪᑦ ᑐᓴᒐᒃᓴᓂᒃ, ᐃᑲᔪᕈᑎᖃᖅᖢᑎᒃ ᐃᖅᑲᐃᑎᑦᑎᔾᔪᑎᓂᒃ ᐊᒻᒪᓗ ᐊᑐᖅᑕᐅᔭᕆᐊᓕᖕᓂᒃ ᑐᑭᒧᐊᕈᑎᓂᒃ ᐅᓗᕆᐊᓇᙱᑦᑐᒥ ᓴᓇᔪᓐᓇᕐᓂᕐᒥᑦ ᓄᕙᒡᔪᐊᕐᓇᖅ-19 ᑕᖃᖅᑎᓪᓗᒍ.
ᑕᒪᓐᓇ ᐱᓕᕆᓂᖅ ᐱᐊᓂᒃᐸᑦ, ᓇᖕᒥᓂᖅ ᐱᓕᕆᐊᕆᔭᐃᑦ ᒪᑐᐃᕈᓐᓇᕐᓯᓇᔭᖅᑐᖅ ᐊᖏᖅᑕᐅᒍᓂ ᒪᓕᒡᓗᑎᒃ ᓇᓃᓐᓃᕐᓄᑦ ᒪᑐᐃᕐᓂᕐᒧᑦ ᐸᕐᓇᐅᑎᓂᒃ ( ᓄᓇᕗᑦ | ᓄᓇᑦᓯᐊᖅ ). ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᖅᑎᓂᒃ ᓴᓇᕝᕕᖕᓂ ᖃᐅᔨᓴᖅᑐᖃᓕᕐᐸᑦ, ᑕᑯᔪᒪᓇᔭᖅᑐᑦ ᐋᖅᑭᒃᑕᕕᓂᕐᓂᑦ ᐊᓯᙳᕈᑎᓂ ᓇᓗᓇᐃᕐᓯᒪᔭᕐᓂ ᐅᕙᓂ ᓴᖅᑭᔮᕐᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᒋᔭᕐᓂ.


ᒪᓕᒋᐊᓕᒃ 5: ᐅᓪᓗᒥᒨᖓᐃᓐᓇᕐᓗᑎᑦ

ᐃᕝᕕᑦ ᐊᒻᒪ ᐃᖅᑲᓇᐃᔭᖅᑎᑎᑦ ᒪᓕᖃᑦᑕᕆᐊᖃᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᒐᒃᓴᖏᓐᓂᒃ ᐋᓐᓂᐊᖃᖅᑕᐃᓕᓂᕐᒧᑦ. ᐃᖅᑲᓇᐃᔭᖅᑎᑦᑎᔨᐅᔪᑦ ᐊᒻᒪ ᐃᖅᑲᓇᐃᔭᖅᑎᐅᔪᑦ ᐅᔾᔨᕐᓱᖃᑦᑕᕆᐊᖃᕐᒥᔪᑦ ᐅᓗᕆᐊᓇᕋᔭᖅᑐᓂᒃ ᐊᒻᒪᓗ ᓇᓕᐊᒃ ᓴᖅᑭᔮᕐᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᓃᑦᑐᑦ ᐊᑑᑎᖃᒋᑦᑐᓂᒃ. ᐃᓱᒪᒋᓗᒍ, ᐊᑐᓕᕐᑎᓪᓗᒍ ᐊᒻᒪ ᐱᐅᓯᕚᓪᓕᖅᑎᓪᓗᒍ.

ᑐᓴᒐᒃᓴᐃᑦ ᕿᓚᒥᐊᓗᒃ ᐊᓯᙳᖃᑦᑕᕐᒪᑕ. ᑕᐃᒪᓕ ᐱᒻᒪᕆᐅᕗᖅ ᖃᐅᔨᓴᖅᐸᓪᓕᐊᖃᑦᑕᕐᓂᕐᒥᑦ ᑐᓴᐅᒪᔾᔪᑎᐅᔪᑦ ᒐᕙᒪᒋᔭᔅᓯᓐᓂᖔᖅᑐᓂᒃ.

ᓄᓇᕗᑦ:
ᓄᓇᑦᓯᐊᖅ:
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᖃᓕᒫᒐᓕᐊᖏᓐᓂᒃ ᑐᓴᒐᒃᓴᑦ

ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᔪᓯᑲᑕᐃᓐᓇᖅᐳᑦ ᐱᐅᓯᕚᓪᓕᖅᑎᑦᑎᓇᓱᒃᖢᑎᒃ ᐃᑲᔫᑎᒃᓴᖏᓐᓂᒃ ᐃᖅᑲᓇᐃᔭᖅᑎᓄᑦ ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇᐅᑎᓪᓗᒍ.

ᐱᐊᓂᒃᓯᓯᒪᒍᕕᑦ ᐃᖅᑲᓇᐃᔭᕐᕕᖕᒥᓐ ᖁᐊᕐᓵᕐᓇᖅᑐᒦᓐᓂᕐᒧᑦ ᖃᐅᔨᓴᕈᑎᓂᒃ ᐊᒻᒪᓗ ᐃᖅᑲᓇᐃᔭᖅᑐᒧᑦ ᖁᐊᕐᓵᕐᓇᖅᑐᓂᒃ ᖃᐅᔨᓴᕈᑎᓂᒃ ᐊᑐᕐᓗᑎᑦ ᓯᕗᓪᓕᐅᓂᕐᓴᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐋᖅᑭᒃᐸᒌᕐᓯᒪᓂᑯᖏᓐᓂᒃ, ᐅᕝᕙᓘᓐᓃ ᐊᑐᕐᓂᕈᕕᑦ ᐊᔾᔨᒋᙱᑕᖓᓂᕐ ᖁᐊᕐᓵᕐᓇᖅᑐᒦᓐᓂᕐᒧᑦ ᖃᐅᔨᓴᕈᑎᓂᒃ, ᓄᑖᒥ ᑕᑕᑎᕆᒋᐊᖃᙱᑦᑐᑎᑦ. ᐃᖅᑲᐅᒪᒋᑦ ᕿᒥᕐᕈᐊᖃᑦᑕᕆᐊᖃᕐᓂᕐᓂᒃ ᐅᓗᕆᐊᓇᙱᑦᑐᒦᓐᓂᕐᒧᑦ ᐸᕐᓇᐅᑎᖕᓂᒃ ᐊᒻᒪᓗ ᓄᑖᙳᕆᐊᖅᑎᑉᐸᒡᓗᒋᑦ ᐊᓯᙳᖅᑐᖃᕐᓂᖅᐸᑦ.

ᐃᑲᔪᖅᑕᐅᔪᒪᒍᕕᑦ ᖃᓄᐃᓕᐅᖅᐸᓪᓕᐊᒋᐊᖃᕐᓂᕐᒥᑦ ᐱᓕᕆᐊᕆᔭᐃᑦ ᒪᑐᐃᒃᑲᓐᓂᕐᓂᐊᕐᓗᒍ ᐅᕝᕙᓘᓐᓃᑦ ᒫᓐᓇᓕᓴᕐᓂᒃ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᒋᐊᖃᕐᓂᕐᒥᑦ, ᐅᓇ ᖃᐅᔨᒋᐊᕐᕕᒋᓗᒍ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᖅᑎᒥ ᐅᓪᓗᒥ. ᖃᐅᔨᓴᖅᑎ ᖁᕕᐊᓱᑐᐃᓐᓇᕋᔭᖅᑐᖅ ᐃᓕᖕᓂ ᐃᑲᔪᕈᒪᓗᓂ ᕿᒥᕐᕈᐊᖃᑎᖃᓗᑎᒃ ᖃᐅᔨᓴᕈᑎᒋᔭᕐᓂᒃ ᐊᒻᒪ ᐸᕐᓇᐅᑎᓕᐊᕆᔪᒪᔭᕐᓂᒃ ᐊᒻᒪᓗ ᐃᑲᔪᕋᔭᖅᑐᖅ ᐱᐅᓯᕚᓪᓕᖅᑎᑦᑎᓂᕐᒥᒃ ᐸᕐᓇᐅᑎᒋᔭᕐᓂ. ᓄᓇᕗᒥᑦ ᓇᖕᒥᓂᖅ ᐱᓕᕆᐊᖃᖅᑐᑦ ᐅᑯᓄᖓ ᖃᐅᔨᒋᐊᕈᓐᓇᖅᑐᑦ Covid-19@wscc.nu.ca, ᓄᓇᑦᓯᐊᕐᒥᑦ ᓇᖕᒥᓂᖅ ᐱᓕᕆᐊᖃᖅᑐᑦ ᐅᑯᓄᖓ ᖃᐅᔨᒋᐊᕈᓐᓇᖅᑐᑦ Covid-19@wscc.nt.ca, ᐅᖄᓚᓗᓯᓘᓐᓃ ᐅᕗᖓ 1 (800) 661-0792.

ᐃᖅᑲᐅᒪᒋᑦᑎ, ᑕᒪᕐᒥ ᐃᖅᑲᓇᐃᔭᖅᑎᐅᔪᑦ ᐱᔪᓐᓇᐅᑎᖃᖅᑐᑦ ᐅᓗᕆᐊᓇᙱᑦᑐᒥ ᓴᓇᕝᕕᖃᕆᐊᖃᕐᓂᕐᒥᓐ. ᐃᖅᑲᓇᐃᔭᖅᑎᑦᑎᔨ ᐱᔭᒃᓴᖃᖅᑐᖅ ᑕᒪᐃᓐᓂᓕᒫᖅ ᐅᓗᕆᐊᓇᖅᑐᒦᒍᑎᓄᑦ ᐃᓱᒫᓘᑎᒋᔭᐅᔪᓂᒃ ᓴᓇᕝᕕᖕᒥᓐ, ᐊᒻᒪᓗ ᑕᒪᕐᒥᒃ ᐃᖅᑲᓇᐃᔭᖅᑎᐅᔪᑦ, ᑲᒪᔨᐅᔪᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᔨᐅᔪᑦ ᐱᓕᕆᕙᓪᓕᐊᓂᕐᒥᑦ ᐃᓚᐅᔭᕆᐊᖃᖅᖢᑎᒃ.


ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ  

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᕐᑐᑦ ᑲᓇᑕᐅᑉ ᐅᓪᓗᖓᓂ, ᐱᖓᔪᐊᑦ, ᔪᓚᐃ 1-ᒥᑦ ᐊᒻᒪ ᒪᑐᐃᒃᑲᓐᓂᕐᓗᑎᒃ ᑎᓴᒻᒥᖅ, ᓯᑕᒻᒥᖅ 2-ᒥᑦ 8:30 ᐅᓪᓛᒃᑯᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖃᓗᖕᓂᑦ ᑎᑎᕋᕐᕕᖓ ᒪᑐᓯᒪᓂᐊᕐᑐᖅ ᓄᓇᕗᑦ ᐅᓪᓗᖓᓂᒃ ᑎᓴᒻᒥᖅ, ᓯᑕᒻᒥᖅ 9-ᒥᑦ ᐊᒻᒪ ᒪᑐᐃᒃᑲᓐᓂᕐᓗᓂ ᑕᓪᓕᕐᒥᖅ, ᔪᓚᐃᑦ 10 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᐅᖃᐅᓯᖃᕈᒪᓐᓂᕈᔅᓯ ᐅᓗᕆᐊᓇᖅᑐᒥ ᐃᖅᑲᓇᐃᔭᕐᕕᐅᔪᓂᒃ, ᐊᑐᕐᓗᒍ ᖃᕋᓴᐅᔭᒃᑯᑦ ᓴᖅᑭᔮᒐᕗᑦ ᐅᖃᐅᓯᖃᕐᓂᖅ ᐅᓗᕆᐊᓇᖅᑐᓂᒃ ᐃᖅᑲᓇᐃᔭᕐᕕᖕᓂᒃ ᐱᔨᑦᑎᕋᐅᑎᑦ ᐅᕙᓂ WSCC Connect.

wscc.nt.ca   /  1.800.661.0792   *   wscc.nu.ca  /  1.877.404.4407