ᕕᕝᕗᐊᕆ 2020                                                     
WSCC Connect: ᑭᓇ ᐊᑐᐃᓐᓇᖃᕐᐸ ᐱᓕᕆᐊᕆᔭᕐᓄ?
ᐅᐸᒡᓗᒍ ᐊᐅᓚᑦᑎᔾᔪᑎᓕᕆᔨᓂᒃ ᐊᒻᒪ ᑕᒪᐃᑎᒍ ᐊᑐᖃᑦᑕᑐᓄᑦ ᐃᓚᒋᔭᐅᔾᔪᑎᖃᖅᑐᑦ

WSCC Connect ᖃᕋᓴᐅᔭᒃᑯᑦ ᐱᓕᕆᐊᕆᔭᕗᑦ (e - Business) ᐃᖅᑲᓇᐃᔭᖅᑎᑦᑎᔨᐅᔪᑦ ᐊᑐᐃᓐᓇᖃᕈᓐᓇᕐᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓂᒃ ᖃᕋᓴᐅᔭᒃᑯᑦ. WSSC Connect ᒪᕐᕈᐃᓂᒃ ᐊᑐᖅᑎᖃᒡᒍᔪᑦ ᑖᒃᑯᓂᖓ ᐊᑐᖅᐸᒃᑐᓂᒃ ᐃᓚᒋᔭᐅᔾᔪᑎᖃᖅᑐᓂᒃ: ᐅᐸᒡᓗᒍ ᐊᐅᓚᑦᑎᔾᔪᑎᓕᕆᔨ ᐊᒻᒪᓗ ᑕᒪᐃᑎᒍ ᐊᑐᖃᑦᑕᑐᓄᑦ.

ᓯᕗᓪᓕᖅᐹᖅ ᐃᓄᒃ ᐃᒪᐃᒃᑯᓂ ᐃᓚᒋᐊᖅᑎᑦᑎᓂᖅ ᐃᖅᑲᓇᐃᔭᖅᑎᑦᑎᔨᒥ ᐅᕗᖓ WSCC Connect-ᒧ ᐃᒪᐃᑦᑐᙳᕋᔭᖅᑐᖅ ᐅᐸᒡᓗᒍ ᐊᐅᓚᑦᑎᔾᔪᑎᓕᕆᔨ ᐃᖅᑲᓇᐃᔭᖅᑎᑦᑎᔨᒧᑦ. ᐅᐸᒡᓗᒍ ᐊᐅᓚᑦᑎᔾᔪᑎᓕᕆᔨᓂᒃ ᐊᑐᐃᓐᓇᖃᖅᑐᑦ ᑕᒪᐃᓐᓂᓕᒫᖅ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᒋᔭᐅᔪᓂᒃ ᐊᒻᒪᓗ ᐊᐅᓚᑦᑎᔨᐅᔪᓐᓇᖅᖢᑎᒃ ᑭᒡᒐᖅᑐᐃᓗᑎᒃ ᐃᖅᑲᓇᐃᔭᖅᑎᑦᑎᔨᖏᓐᓂᒃ. ᑕᒪᐃᑎᒍ ᐊᑐᖃᑦᑕᑐᓄᑦ ᐅᑯᓂᖓ WSCC Connect-ᑯᓐᓂᒃ ᐊᑐᐃᓐᓇᖃᖅᑐᑦ ᐱᔨᑦᑎᕋᐅᑎᓂᒃ ᐊᑐᕈᓐᓇᖅᑎᑕᐅᔪᓂᒃ ᐅᐸᒡᓗᒍ ᐊᐅᓚᑦᑎᔾᔪᑎᓕᕆᔨᒧᑦ. 

ᑭᓇ ᐊᑐᐃᓐᓇᐅᑎᖃᕆᐊᖃᖅᐸ?

ᐃᖅᑲᓇᐃᔭᖅᑎᓕᒫᓐ ᐊᑐᕆᐊᖃᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᖏᓐᓂᒃ ᓇᖕᒥᓂᖅ ᐃᓚᒋᔭᐅᔾᔪᑎᖃᕆᐊᖃᖅᑐᑦ.
  • ᐊᐅᓚᑕᐅᔪᓂᒃ ᐊᒻᒪ ᐊᐅᓚᑦᑎᓂᕐᒧᑦ ᐃᖅᑲᓇᐃᔭᖅᑏᑦ - ᐃᖅᑲᓇᐃᔭᖅᑎᑦᑎᔨᐅᔪᑦ, ᐊᐅᓚᑦᑎᔨᐅᔪᑦ, ᐅᕝᕙᓘᓐᓃᑦ ᐃᖅᑲᓇᐃᔭᖅᑎᐅᔪᑦ ᐱᓕᕆᐊᖃᖅᑐᑦ ᐊᐅᓚᑦᑎᓂᕐᒨᖓᔪᓂᒃ ᐱᓕᕆᐊᕆᔭᕐᓄᑦ.
  • ᐊᑭᓕᒃᓴᓕᕆᔩᑦ ᐅᕝᕙᓘᓐᓃᑦ ᑭᓇᐅᔭᒃᓴᓕᕆᔩ - ᑭᓇᑐᐃᓐᓇᖅ ᐱᓕᕆᐊᖃᖅᐸᒃᑐᖅ ᐃᖅᑲᓇᐃᔭᖅᑎᑕᐅᔪᑦ ᐊᑭᓕᕐᓱᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᑎᐅᔪᖅ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᓄᑦ, ᐅᕝᕙᓘᓐᓃᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᒃᓴᓕᐅᕐᑎ.
  • ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᖅᑎᖏᑦ - ᐃᖅᑲᓇᐃᔭᖅᑎᐅᔪᑦ ᐱᓕᕆᖃᑎᖃᖅᑐᑦ ᐃᕝᕕᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᖏᓐᓂᒃ, ᐅᕝᕙᓘᓐᓃᑦ ᑲᒪᒋᔭᖃᖅᑐᑦ ᐱᓕᕆᕝᕕᖕᓂᒃ ᐅᓗᕆᐊᓇᙱᑦᑐᓕᕆᓂᕐᒧᑦ ᐱᓕᕆᐊᖃᖅᑐᓂᒃ. 
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖃᖅᑐᑦ ᐃᖅᑲᓇᐃᔭᖅᑎᑦᑎᔨᐅᔪᖅ ᖃᓄᖅ ᐊᖏᑎᒋᒐᓗᐊᕐᐸᑦ ᐱᓕᕆᐊᖓ, ᐊᒻᒪᓗ ᖃᐅᔨᒪᓪᓗᑕ ᐃᓛᓐᓂ ᐊᑕᐅᓯᖅ ᐊᔾᔨᒌᙱᑦᑐᓂᒃ ᐱᓕᕆᐊᖃᕋᔭᕐᓂᖓᓂᒃ ᒥᑭᑦᑐᒥᒃ ᐱᓕᕆᐊᒥᑦ. ᖃᓄᑎᒋ ᐊᖏᑎᒋᒐᓗᐊᕐᐸᑦ ᒥᑭᒃᑲᓗᐊᕐᐸᓪᓘᓐᓃᑦ ᐱᓕᕆᐊᕆᔭᐃᑦ, ᑕᐃᒪᓕ ᐃᓕᖕᓂ ᐃᑲᔪᕈᓐᓇᑦᑎᐊᖅᑐᑦ ᐱᔪᓐᓇᐅᑎᖃᕈᓐᓇᖅᑐᑦ ᐃᓚᒋᔭᐅᔾᔪᑎᓂᒃ ᐊᒻᒪᓗ ᐃᓚᒋᔭᐅᓕᒃᑲᓐᓂᖅᑐᑦ ᓇᓗᓇᐃᕐᑕᐅᓯᒪᓪᓗᑎᒃ ᑕᒪᒃᑯᐊ ᖃᕋᓴᐅᔭᒃᑯᑦ ᐃᑲᔫᑎᒃᓴᐅᔪᓐᓇᖅᑐᑦ ᓄᖅᑲᑐᐃᓐᓇᙱᑦᑐᓐᓇᖁᓪᓗᒋᑦ. ᐃᓚᖏᑦ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᐅᔪᑦ ᒪᓕᒐᓕᕆᓂᒃᑯᑦ ᐊᑐᖅᑕᐅᔭᕆᐊᖃᖅᑐᑦ ᐱᓕᕆᐊᕆᔭᐃᑦ ᐊᐅᓚᑎᑦᑐᓐᓇᕐᓂᐊᕈᕕᐅᒃ. ᐱᐅᓯᕚᓪᓕᖅᑎᑦᑏᓐᓇᐅᕋᓱᒃᑐᒍᑦ ᐊᒻᒪ ᐃᓚᒋᐊᕐᓯᕙᒃᖢᑕ ᓄᑖᓂᒃ ᐱᔨᑦᑎᕋᐅᑎᓂᒃ ᐅᕗᖓ WSCC Connect, ᐊᒻᒪᓗ ᑕᐃᒪᐃᓕᐅᕐᑎᓪᓗᑕ, ᐃᓚᒋᔭᐅᔾᔪᑎᖃᕐᑐᑦ ᐱᒻᒪᕆᐅᓂᕐᓴᐅᕙᓪᓕᐊᓂᐊᕐᑐᑦ.

ᖃᐅᔨᒋᐊᒃᑲᓐᓂᕈᒪᒍᔅᓯ, ᕿᒥᕐᕈᐊᕈᓐᓇᕐᑕᓯ ᕿᒥᕐᕈᐅᕈᑎᕕᓂᕐᐳᑦ ᐅᑯᓂᖓ ᐃᓚᒋᔭᐅᔪᓄᑦ ᐊᐱᖅᑯᑎᐅᕙᒃᑐᑦ ᐅᕗᖓᓘᓐᓃᑦ ᖃᐅᔨᒋᐊᕐᓗᑎᑦ (877) 404-4407.

ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᐋᓐᓂᕐᓂᕐᓄᑦ
ᒫᓐᓇᕈᓗᒃ ᓴᖅᑭᓛᖅᑐᖅ: ᐅᓂᒃᑳᓕᐅᕐᓂᖅ ᖃᕋᓴᐅᔭᒃᑯᑦ ᐊᑐᕐᓗᑎᒃ WSCC Connect

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖁᕕᐊᓱᒃᑐᑦ ᑐᓴᖅᑎᑦᑎᓂᕐᒥᒃ ᐃᖅᑲᓇᐃᔭᖅᑎᑦᑎᔨᐅᔪᑦ ᖃᓂᑦᑐᒃᑯᑦ ᑕᑕᑎᕆᔪᓐᓇᕐᓯᓂᐊᕐᑐᑦ ᐅᑯᓂᖓ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᐋᓐᓂᕐᓂᕐᓄᑦ ᖃᕋᓴᐅᔭᒃᑯᑦ ᐅᕘᓇ ᖃᕋᓴᐅᔭᒃᑯᑦ ᐱᓕᕆᕝᕕᒃᑎᒍᑦ (e-Business). ᐅᓇ ᓄᑖᖅ ᐱᔨᑦᑎᕋᐅᑎ ᐱᒋᐊᖅᑕᐅᓛᕐᑐᖅ ᐄᐳᕈᓪ 2020-ᒥᑦ.

ᑖᔅᓱᒥᖓ ᐊᓯᔾᔨᕈᑎᐅᓂᐊᕐᑐᒥ ᐱᒻᒪᕆᐅᕗᖅ ᐃᖅᑲᓇᐃᔭᖅᑎᑦᑎᔨᐅᔪᑦ ᐅᑯᓄᖓ WSCC Connect-ᒧᑦ ᐃᓚᒋᔭᐅᔾᔪᑎᖏ ᐋᕿᒃᓯᒪᑦᑎᐊᕋᓗᐊᕆᐊᒃᓴᖏᓐᓂᒃ ᑭᖑᕙᓯᙱᓪᓗᑎᒃ. ᐃᖅᑲᓇᐃᔭᖅᑎᑦᑎᔨᐅᔪᑦ ᓇᓗᓇᐃᓯᓯᒪᔭᕆᐊᖃᖅᑐᑦ ᑕᒪᐃᓐᓂᒃ ᐃᖅᑲᓇᐃᔭᖅᑎᓂᒃ ᐊᑐᖃᑦᑕᖅᑐᓂᒃ WSCC Connect ᐱᔨᑦᑎᕋᐅᑎᖏᓐᓂᒃ, ᐊᒻᒪᓗ ᐃᓚᒋᔭᐅᔾᔪᑎᓕᐅᖅᑎᑕᐅᓗᑎᒃ. ᑕᒪᒃᑯᐊ ᐊᓯᙳᖅᑕᐅᔪᑦ ᐱᒋᐊᖅᑕᐅᒃᐸᑕ, ᑲᒪᔨᒋᔭᓯ ᐊᒻᒪ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᐅᔪᑦ ᐱᔭᕆᐊᖃᕐᓂᐊᖅᑐᑦ ᐃᓚᒋᔭᐅᔾᔪᑎᒥ ᐱᕐᕈᓗᐊᕿᔪᖃᕐᓂᕐᐸᑦ ᐊᒻᒪ ᐋᓐᓂᕐᑐᕕᓂᕐᒥᒃ ᐅᓂᒃᑳᓕᐅᕐᕕᒃᓴᓂᒃ ᐊᑐᐃᓐᓇᖃᕈᓐᓇᖁᓪᓗᒋᑦ.

ᐅᓂᒃᑳᓕᐅᕈᑎᐅᕙᒃᑐᑦ ᐊᓯᔾᔨᔾᔮᙱᑦᑐᑦ

ᑕᒪᕐᒥᒃ ᐃᖅᑲᓇᐃᔭᖅᑎᑦᑎᔨᐅᔪᑦ ᐊᐅᓚᑦᑎᔪᑦ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ ᐅᓂᒃᑳᓕᐅᖃᑦᑕᕆᐊᖃᖅᑐᑦ ᐃᖅᑲᓇᐃᔭᕐᕕᖕᒥ ᖃᓄᐃᓕᒍᑎᓂᒃ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ, ᐅᕝᕙᓘᓐᓃᑦ ᐊᑭᓕᒐᒃᓴᖅᑖᖅᑎᑕᐅᓗᑎᒃ ᓇᓗᓇᐃᕐᑕᐅᓯᒪᔪᑎᒍᑎ ᐅᕙᓂ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᕐᓂ.
  • ᓄᓇᑦᓯᐊᕐᒥ ᐊᒻᒪᓗ ᓄᓇᕗᑦ ᐅᔭᕋᖕᓂᐊᕐᓂᕐᒧᑦ ᒪᓕᒐᓕᐊᖑᔪᑦ ᐱᔭᕆᐊᖃᖅᑎᑦᑎᕗᑦ:
    • ᐅᓂᒃᑳᖑᔭᕆᐊᓕᖕᓂᑦ ᖃᓄᐃᓐᓂᐅᔪᓂ ᐃᕐᙲᓐᓇᑲᐅᑎᒋ ᐅᓂᒃᑳᓕᐊᖑᔭᕆᐊᖃᖅᐳᖅ ᐅᖄᓚᐅᑎᒃᑯᑦ ᐃᓚᖃᕐᓗᓂ ᐅᓂᒃᑳᓕᐊᖑᔪᒥ ᑐᓂᔭᐅᔪᒥ ᐃᓗᐊᓂ ᐃᑲᕐᕋᑦ 24−ᓄᑦ.
      • ᐋᓐᓂᖅᑐᖃᖅᑎᓪᓗᒍ ᐱᒻᒪᕆᐅᔪᒥ ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᑐᖁᓂᕐᒧᑦ.
    • ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥᑦ ᐅᓂᒃᑳᕆᔭᐅᓗᑎᒃ ᐃᓗᐊᓂ ᐃᑲᕐᕋᑦ 72−ᓂᑦ.
      • ᖃᓄᐃᓐᓂᐅᔪᖅ ᐃᓚᖃᖅᑐᒥ ᐊᑦᑕᕆᔭᐅᔪᓂ ᐱᑎᑦᑎᑐᐃᓐᓇᕆᐊᓕᖕᓂ ᐊᖏᔪᒥ ᐋᓐᓂᕐᓂᐅᔪᒥᑦ ᑐᖁᓂᕐᒥᓪᓘᓐᓃᑦ.
  • ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᑦ ᐱᔭᕆᐊᖃᖅᑎᑦᑎᕗᑦ ᐋᓐᓂᕐᓂᐅᔪᓂᑦ ᐅᓂᒃᑳᓕᐊᖑᓂᖏᓐᓂ ᐱᖓᓱᓄᑦ ᐃᖅᑲᓇᐃᔭᕐᓂᕐᒧᑦ ᐅᓪᓗᓂᑦ.
  • ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ ᐱᔭᕆᐊᖃᖅᑎᑦᑎᕗᑦ ᐅᓗᕆᐊᓇᖅᑐᓂ ᖃᓄᐃᓐᓂᐅᔪᓂᑦ ᐅᕝᕙᓘᓐᓃᑦ ᐱᕐᕈᓗᐊᕿᓂᐅᔫᑉ ᐱᑎᑦᑎᔪᒥᒃ ᐱᓪᓚᕆᐅᔪᒥ ᑎᒥᒧᑦ ᐋᓐᓂᕐᓂᐅᔪᒥᑦ ᐅᓂᒃᑳᕆᔭᐅᓗᓂ ᐊᔪᕐᓇᕈᓐᓃᑐᐊᕈᓂ.
    • ᐱᕐᕈᓗᐊᕿᓂᐅᔪᖅ ᑎᒥᒃᑯᑦ ᐋᓐᓂᕐᔪᐊᖅᓯᒪᓗᓂ ᑎᒥᒥᒍᑦ ᐅᖃᐅᓯᖃᖅᐳᖅ ᐋᓐᓂᕐᓂᐅᔪᒥᑦ ᐃᓅᔪᓐᓃᖅᑎᑦᑎᔪᓐᓇᖅᑐᒥ, ᐅᕝᕙᓘᓐᓃᑦ ᐋᓐᓂᖅᑐᖅ ᐋᓐᓂᐊᕐᕕᖕᒦᑦᑕᕆᐊᖃᕐᓗᓂ ᐃᑲᕐᕋᓂᒃ 24-ᓂᒃ ᐅᖓᑖᓂᓘᓐᓃᑦ.
ᖃᐅᔨᒋᐊᒃᑲᓐᓂᕐᕕᒃᓴᖅ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓕᖕᓂ ᐃᑲᔪᕈᓐᓇᕐᑐᑦ ᐊᐱᖁᑎᖃᕈᔅᓯ ᐃᓱᒫᓘᑎᖃᕈᔅᓯᓘᓐᓃᑦ ᐃᓚᒋᔭᐅᓕᖅᑎᑦᑎᒃᑲᓐᓂᕋᓱᖕᓂᒃᑯᑦ ᐅᕗᖓ WSCC Connect-ᒧᑦ ᐅᕝᕙᓘᓐᓃ ᓄᑖᓂᒃ ᐱᔨᑦᑎᕋᐅᑎᓂᒃ ᐊᑐᕋᓱᓕᕈᕕᑦ. ᖃᐅᔨᒪᑎᑦᑎᓂᐊᕐᑐᒍᑦ ᐃᖅᑲᓇᐃᔭᖅᑎᑦᑎᔨᐅᔪᓂᒃ ᓄᑖᙳᕆᐊᖅᑕᐅᕙᓪᓕᐊᔪᓂᒃ ᐱᓇᓱᐊᕈᓯᕐᓂ ᐊᒡᒋᖅᑐᓂᒃ ᑐᓴᕈᑎᒃᓴᒃᑲᓐᓂᕐᓂᒃ.

ᐅᑯᓄᖓ ᐅᖄᓚᒍᒪᒍᕕᑦ WSCC Connect ᐃᑲᔪᕐᕕᖓᓄᑦ, ᐅᖄᓚᓗᑎ ᐊᑭᖃᙱᑦᑐᒧᑦ ᐅᕗᖓ:  (844) 238-5008.
ᐃᑲᔫᑎᒃᓴᓄᑦ ᓴᖅᑭᑎᑦᑎᒍᑎ - ᓄᑖᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᖅ
ᐋᓐᓂᐊᖅᑖᕐᓇᖅᑐᑦ ᐊᒻᒪ ᓄᕙᖕᓂᖅ ᐃᖅᑲᓇᐃᔭᕐᕕᖕᒥᑦ



ᑐᓴᒐᒃᓴᑎᒍᑦ ᐊᒻᒪ ᑐᓴᐅᒪᔾᔪᑎᓕᕆᓂᒃᑯᑦ ᑐᓴᑲᑕᕈᓘᔭᕐᓯᒪᒐᑦᑕ ᐋᓐᓂᐊᒥᑦ ᑯᕉᓇᕙᐃᐅᕋᔅᒥᑦ (Coronavirus) ᑕᖅᑭᐅᑉ ᐃᓗᐊᓂ. ᐊᐃᑦᑐᕐᓯᑦᑕᐃᓕᓂᖅ ᓄᕙᖕᓂᕐᒥᓐ ᐊᒻᒪ ᐆᓇᑲᑕᖕᓂᐊᓗᖕᒥ ᐱᒻᒪᕆᐅᖏᓐᓇᐅᔭᕐᐳᖅ. ᐃᓚᖏ ᐊᐃᑦᑐᕐᓯᒍᑎᐅᕙᒃᑐᑦ ᓄᕙᖕᓂᕐᒧᑦ ᐅᑯᓂᖓ ᐃᓚᖃᕐᑐᑦ: ᖁᐃᕐᓱᑲᑕᖕᓂᖅ, ᑕᒋᐅᒃᓴᑲᑕᖕᓂᖅ, ᑎᒎᑎᓂᖅ ᐋᓐᓂᐊᕐᑐᒥᓐ, ᐊᒻᒪᓗ ᐊᒃᑐᖅᑕᐅᓯᒪᔪᓂᒃ ᐊᒃᑐᕐᓯᑲᑕᖕᓂᖅ ᐊᒻᒪ ᐃᔨᖕᓂ ᐊᒃᑐᕐᓯᓕᕐᓗᑎᑦ, ᕿᖓᕐᓂᒃ ᐅᕝᕙᓘᓐᓃᑦ ᖃᓂᕐᓂᒃ. ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᑎᑦᑎᓚᐅᕐᒪᑕ ᓄᑖᖅ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᖅ , ᐋᓐᓂᐊᖅᑖᕐᓇᖅᑐᑦ ᐊᒻᒪ ᓄᕙᖕᓂᖅ ᐃᖅᑲᓇᐃᔭᕐᕕᖕᒥᑦ, ᐃᑲᔪᕈᑎᐅᓗᓂ ᐱᒻᒪᕆᐅᓂᖓᓂᒃ ᖁᐊᕐᓵᕐᓇᙱᑦᑐᒦᒋᐊᖃᕐᓂᕐᒧᑦ ᖃᓄᐃᓕᐅᕆᐊᖃᕐᓂᕐᒥᓐ ᑕᒪᒃᑯᐊ ᐊᐃᑦᑑᑎᒋᑦᑕᐃᓕᒪᓗᒋᑦ ᐋᓐᓂᐊᕐᑖᕐᓇᖅᑐᑦ ᐃᖅᑲᓇᐃᔭᕐᕕᖕᒥᓐ.

ᐃᖅᑲᓇᐃᔭᖅᑎᑦᑎᔨᐅᔫᑉ ᐊᒻᒪ ᑲᒪᔨᐅᔫᑉ ᐱᓕᕆᐊᒃᓴᖏᑦ

ᐅᐊᓴᖃᑦᑕᕐᓂᖅ ᐊᒡᒐᖕᓂ ᐊᔪᕐᓇᙱᓛᖑᕙᒃᑐᖅ ᐊᒻᒪᓗ ᐊᑐᒻᒪᕆᓛᖑᓪᓗᓂ ᐊᐃᑦᑐᕐᓗᒃᑎᑦᑎᑦᑕᐃᓕᓂᕐᒥᑦ ᐋᓐᓂᐊᕆᔭᐅᔪᓂᒃ. ᐃᖅᑲᓇᐃᔭᖅᑎᑦᑎᔨᐅᔪᑦ ᐃᒪᐃᖁᔭᐅᔪᑦ ᐃᖅᑲᓇᐃᔭᖅᑎᐅᔪᑦ ᐅᐊᓴᕐᕕᖃᕈᓐᓇᕐᓗᑎᒃ (ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ (OHS ᒪᓕᒃᑕᐅᔭᕆᐊᓖᑦ) - ᐃᓚᖓ 5, ᐃᓚᒃᑲᓐᓂᖓ 76). ᐊᒻᒪᒃᑲᓐᓂᖅ, ᐃᓕᓐᓂᐊᕐᓯᒪᓂᖅ ᐊᒻᒪ ᐊᔪᕈᓐᓃᕐᓴᕐᓯᒪᑎᑦᑎᓂᖅ ᐃᖅᑲᓇᐃᔭᖅᑎᓂᒃ ᓄᖃᖓᑎᑦᑎᒍᓐᓇᖅᑐᖅ ᐊᐃᑦᑐᕐᓗᒃᓯᕙᖕᓂᕐᒥᓐ ᐋᓐᓂᐊᒥᑦ ᐃᖅᑲᓇᐃᔭᕐᕕᖕᒥᑦ, ᐊᒻᒪᓗ ᐃᖅᑲᓇᐃᔭᖅᑎᑦᑎᔨᐅᔪᑦ ᑲᒪᔨᐅᔪᓪᓗ ᑕᐃᒪᐃᑎᑦᑎᔭᕆᐊᖃᖅᖢᑎᒃ (ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ (OHS ᒪᓕᒃᑕᐅᔭᕆᐊᓖᑦ) - ᐃᓚᖓ 3, ᐃᓚᒃᑲᓐᓂᖓ 12(c)). ᑲᒪᔨᐅᔪᑦ ᐊᔪᕈᓐᓃᖅᑎᑦᑎᔭᕆᐊᖃᖅᑐᑦ ᐃᖅᑲᓇᐃᔭᖅᑎᓂᒃ ᐱᒻᒪᕆᐅᓂᖓᓂᒃ ᐋᓐᓂᐊᕈᑎ ᐊᖏᕐᕋᕐᓯᒪᔭᕆᐊᖃᕐᓂᕐᒥᓐ, ᑕᒪᓐᓇ ᐊᐃᑦᑐᕐᓗᓯᙱᔾᔪᑎᐅᔪᓐᓇᕐᒪᓐ.

ᐊᑦᑕᓇᖅᑐᒥ ᖃᐅᔨᓴᕐᓂᖅ

ᐊᐱᖁᑎᖃᕐᐸᒡᓗᓯ ᐅᓗᕆᐊᓇᕈᑎᐅᔪᑦ ᐱᑕᖃᙱᓐᓂᕐᓴᐅᔪᓐᓇᖁᓪᓗᒋᑦ ᐃᖅᑲᓇᐃᔭᖅᑎᑦᑎᔨᓄᑦ, ᐊᒻᒪ ᑐᓴᐅᒪᑎᑦᑎᓗᑎᒃ ᐅᓗᕆᐊᓇᙱᔾᔪᑎᒋᔭᕐᓂᒃ ᐱᓕᕆᓂᒃᑯᑦ:
  • ᑭᓇ ᐊᐃᑦᑐᕐᓗᖅᑕᐅᑐᐃᓐᓇᕆᐊᖃᕐᒪᑦ ᐋᓐᓂᐊᕐᓇᖅᑐᓂᒃ ᐃᖅᑲᓇᐃᔭᕐᕕᖕᒥᑦ ᐊᒻᒪ ᖃᓄᖅ ᐊᑯᑦᑐᓂᖃᖃᑦᑕᕐᒪᓐ?
  • ᐃᖅᑲᓇᐃᔭᖃᑎᒌᖑᔪᓯ ᖃᓄᑎᒋ ᖃᓂᒌᑲᑕᖃᑦᑕᖅᐱᓯ ᐱᓕᕆᓪᓗᓯ?
  • ᐃᖅᑲᓇᐃᔭᖅᑏᑦ ᓴᓇᕝᕕᖕᒥ ᐊᖏᕐᕋᖃᖅᐹᓐ ᐅᕝᕙᓘᓐᓃᑦ ᐃᖅᑲᓇᐃᔭᖅᑏᑦ ᐃᒡᓗᖏᓐᓂᒃ?
  • ᐃᖅᑲᓇᐃᔭᖅᑎᒥᓐ ᐋᓐᓂᐊᖅᑐᒥ ᐊᐅᓪᓚᖅᓯᒪᔪᖃᓵᓚᐅᕐᐹ?
  • ᐊᒡᒐᖕᓄᑦ ᐅᐊᓴᕐᕕᖃᖅᐸ ᐅᕝᕙᓘᓐᓃᑦ ᐊᒡᒐᖕᓄᑦ ᓴᓗᒻᒪᓴᕐᕕᖃᖅᐸ ᓴᓇᕝᕕᒋᔭᐅᔪᒦ?
ᐅᖃᓪᓚᖃᑎᒋᓗᒋᑦ ᐃᖅᑲᓇᐃᔭᖅᑎᑎᑦ ᓄᕙᖕᓂᐅᑉ ᐊᐅᑦᑐᕐᓗᖕᓇᕐᓂᖓᓂᒃ. ᖃᕋᓴᐅᔭᒃᑯᑦ ᐅᓇ ᓴᕿᑎᓪᓗᒍ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᑖᖅ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᖅ, ᐋᓐᓂᐊᖅᑖᕐᓇᖅᑐᑦ ᐊᒻᒪ ᓄᕙᖕᓂᖅ ᐃᖅᑲᓇᐃᔭᕐᕕᖕᒥᑦ, ᓴᖅᑭᔮᒐᖓ ᐃᖅᑲᓇᐃᔭᕐᕕᖕᒥᓐ, ᐊᒻᒪᓗ ᕿᒥᕐᕈᐊᕐᓗᒋᑦ ᖃᓄᐃᓕᐅᕈᑎᐅᔪᑦ ᐋᓐᓂᐊᕐᓇᖅᑐᓂᒃ ᐊᐃᑦᑐᕐᓯᑦᑕᐃᓕᓂᕐᒥᓐ. ᐃᖅᑲᓇᐃᔭᖅᑎᑎ ᐅᔾᔨᕈᓱᒃᑎᐊᕐᑎᓪᓗᒋ ᐃᖕᒥᖕᓂᒃ ᐋᓐᓂᐊᖃᖅᑕᐃᓕᒐᓱᖕᓂᖏᓐᓂᒃ, ᐊᒻᒪᓗ ᐊᐅᑦᑐᕐᓗᒃᑎᑦᑎᑦᑕᐃᓕᒪᓗᑎᑦ ᐃᖅᑲᓇᐃᔭᕐᕕᒋᔭᐅᔪᒥᓐ.

ᐊᐱᖁᑎᒃᓴᖃᕈᔅᓯ ᐃᓱᒫᓘᑎᖃᕈᔅᓯᓘᓐᓃᑦ ᐊᐅᑦᑐᕐᓗᒃᓯᑐᐃᓐᓇᕆᐊᖃᕐᓂᕐᒥᑦ ᓄᕙᖕᓂᒃᑯᑦ ᐃᖅᑲᓇᐃᔭᕐᕕᖕᒥᑦ, ᐅᕙᑦᑎᓐᓄᑦ ᐅᖃᕈᓐᓇᖅᑐᓯ ᐅᓪᓗᒥ. ᑕᑯᔪᓐᓇᕐᑕᓯ ᑕᒪᒃᑭᕐᓯᒪᔪᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᖅ, ᐅᓇ ᑕᑯᒋᐊᕐᓗᒍ ᖃᕋᓴᐅᔭᒃᑯᑦ ᓴᖅᑭᔮᒐᕗᑦ .
wscc.nt.ca   /  1.800.661.0792   *   wscc.nu.ca  /  1.877.404.4407