ᓯᑎᐱᕆ 2019                               
ᐃᓱᓕᒡᕕᒃᓴᐅᑖ: ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐊᑐᖅᑕᐅᓂᐊᕋᓱᒋᔭᐅᔪᓄᑦ ᐋᕿᒋᐊᖅᓯᓂᖅ
ᑐᓂᓯᒪᔭᕆᐊᖃᖅᑐᖅ ᐅᕙᓂ ᐅᓪᓗᕐᒥ ᑐᖔᓂᓪᓘᓐᓃᑦ ᓄᕕᐱᕆ 30, 2019

ᐃᓱᓕᕝᕕᒃᓴᖓ ᖃᓂᒡᓕᓕᕐᒪᑦ ᕿᓚᒥᐊᓗᒃ 2019-ᒥ ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐊᑐᖅᑕᐅᓂᐊᕋᓱᒋᔭᐅᔪᓄᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᖃᓂᒃ ᐊᐅᓪᓚᖅᑎᑦᑎᓯᒪᓕᕐᒪᑕ ᑕᒪᐃᓐᓄᑦ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥᑦ ᐃᖅᑲᐃᔭᖅᑎᑦᑎᔨᐅᔪᓄᑦ ᐃᖅᑲᐃᑎᑦᑎᒍᑎᓂᒃ ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐋᕿᒋᐊᕐᓯᓂᕐᒨᒐᔪᓂᒃ

ᓈᒻᒪᙱᓕᐅᕈᑎᖃᕈᒪᙱᒃᑯᔅᓯ, ᐅᓂᒃᑲᐅᓯᖃᕆᐊᖃᖅᐳᓯ ᐅᔾᔨᕐᓇᓗᐊᖅᑐᓂᒃ ᐊᓯᙳᖅᑐᓂᒃ (25%-ᒥ ᐅᖓᑖᓄᓪᓘᓐᓃᑦ) ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐊᑐᖅᑕᐅᓂᐊᕋᓱᒋᔭᔅᓯᓐᓂᒃ ᐅᓇ ᐊᓂᒍᓚᐅᖅᑎᓐᓇᒍ ᓄᕕᐱᕆ 30, 2019. ᐊᓯᙳᖅᑐᓂᒃ ᓇᓗᓇᐃᕐᓂᐊᕐᓗᓂ ᐅᓇ ᓇᓕᕐᓗᒍ Report Payroll.ᐊᑭᓕᐅᑎᓄᑦ ᐅᓂᒃᑳᑦ) ᐅᕙᓂ WSCC Connect.

ᐃᑲᔫᑎᒃᓴᖃᑦᑎᐊᖅᑐᖅ ᐅᕙᓂ WSCC Connect. ᐊᐱᖅᑯᑎᒃᓴᖃᕐᓂᕈᕕᑦ ᐊᓯᔾᔩᓂᕐᒥᑦ ᐃᖅᑲᓇᐃᔭᖅᑎᖁᑎᒃᐱᑦ ᐊᑭᓕᖅᑕᐅᔾᔪᑎᖏᓐᓂ, ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑎᒃᑯᑦ ᐅᖄᓚᕕᒋᓗᒋᑦ ᓄᓇᑦᓯᐊᕐᒥᑦ ᐅᕙᓂ 1-800-661-0792 ᐊᒻᒪ ᓄᓇᕗᒻᒥ ᐅᕙᓂ 1-877-404-4407.

ᐊᑭᓕᐅᑎᒃᓴᑦ ᖃᐅᓴᕈᑎᓄᑦ 101
ᐃᑲᔪᖅᑐᐃᓂᖅ ᐃᖅᑲᓇᐃᔭᖅᑏᑦ ᓴᐳᔾᔨᓯᒪᓂᕐᒧᑦ ᑮᓇᐅᔭᖁᑎᖏᓐᓂᒃ

ᒫᓃᑦᑐᑦ 4,000 ᐃᖅᑲᓇᐃᔭᖅᑎᐅᔪᑦ ᓄᓇᑦᓯᐊᕐᒥᑦ ᐊᒻᒪ ᓄᓇᕗᒥᑦ ᓴᐳᔾᔭᐅᓯᒪᔪᑦ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑎᒍᑦ. ᐅᓇ ᐊᖏᕈᑎ ᖃᓄᐃᑳᓪᓚᒍᑎᓄᑦ, ᑕᐃᒪᐃᖃᑦᑕᐃᓐᓇᖢᓂ ᓇᐅᑦᑎᐅᒃᑯᒫᓕᕆᔨᑎᒍᑦ, ᓴᐳᔾᔨᓯᒪᔪᖅ ᐃᖅᑲᓇᐃᔭᖅᑎᓕᒫᓂᒃ ᐃᖅᑲᖅᑐᐃᕕᒃᑰᖅᑎᑕᐅᑦᑕᐃᓕᓂᕐᒥᒃ ᐃᖅᑲᓇᐃᔭᕐᕕᒃᒥᑦ ᐋᓐᓂᕈᑎᓄᑦ ᐊᒻᒪᓗ ᐊᑭᑦᑐᕆᐊᓗᐊᖅᑎᑦᑕᐃᓕᓂᕐᒧᑦ ᖃᐅᔨᓴᕈᑎᖏᓐᓄᑦ ᐊᑭᓕᒐᒃᓴᕆᕙᒃᑕᖏᓐᓂᒃ ᓴᖅᑭᑦᑐᖃᑳᓪᓚᖕᓂᖅᐸᑦ ᐊᑭᑦᑐᕆᐊᖅᑎᑕᐅᑳᓪᓚᒃᑐᓂᒃ ᑮᓇᐅᔭᖅᑖᕈᑎᐅᓇᓱᒃᑐᓂᒃ.

ᐃᖅᑲᓇᐃᔭᖅᑎᑦᑎᔨᐅᔪᑦ ᐊᑭᓕᐅᑎᒃᓴᓂᒃ ᖃᐅᔨᓴᕈᑎᓄᑦ ᐊᑭᓕᖃᑦᑕᖅᑕᖏᑦ ᑲᑎᕐᓱᖅᑕᐅᕙᓪᓕᐊᔪᑦ ᐃᑲᔫᑎᒃᓴᒧᑦ ᑕᐃᔭᐅᔪᒧᑦ " ᐃᖅᑲᓇᐃᔭᖅᑏᑦ ᓴᐳᔾᔨᓯᒪᓂᕐᒧᑦ ᑮᓇᐅᔭᖁᑎᖏᓐᓄᑦ " . ᐅᓇ ᐃᑲᔫᑎᒃᓴᖅ ᐊᑐᖅᑕᐅᕙᒃᑐᖅ ᐃᑲᔫᑎᒃᓴᓂᒃ ᐊᑭᓕᐅᑎᒃᓴᓄᑦ ᐊᒻᒪᓗ ᐱᔨᑦᑎᕋᐅᑎᓕᕆᓂᕐᒧᑦ ᐃᖅᑲᓇᐃᔭᖅᑎᓂᒃ ᐋᓐᓂᖅᑐᕕᓂᕐᓂᒃ ᐃᖅᑲᓇᐃᔮᖏᓐᓂᒃ ᐊᒻᒪᓗ ᐃᑲᔪᖅᑐᐃᒍᑎᐅᓪᓗᓂ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᓄᐃᑦᑎᑦᑕᐃᓕᓂᕐᒧᑦ ᖃᓄᐃᓕᐅᕈᑎᖏᓐᓂᒃ. ᐊᕐᕌᒍᑕᒫᓐ ᖃᐅᔨᓴᕐᓂᕐᒧᑦ ᐊᑭᓕᐅᑎᒃᓴ ᓈᒻᒪᒋᐊᖃᕐᒪᑕ ᑮᓇᐅᔭᓕᐅᕐᓂᒃᑯᑦ ᐊᑭᓕᐅᑎᐅᔭᕆᐊᓕᖕᓂᒃ ᐊᒻᒪ ᓯᕗᓂᒃᓴᒥᑦ ᐊᑭᓕᒐᒃᓴᐅᓕᕐᓂᐊᖅᑐᓄᑦ ᐊᒃᑐᐊᔪᓂᒃ ᐃᖅᑲᓇᐃᔭᕐᕕᒃᒥᑦ ᐋᓐᓂᕈᑎᓄ ᖃᐅᔨᓴᕐᓂᐅᑉ ᐊᕐᕌᒍᖓᒎᖅᑐᓂᒃ, ᐃᓚᖃᖅᖢᓂ ᐋᓐᓂᐊᖃᖅᑕᐃᓕᓂᒃᑯᑦ ᑲᒪᒋᔭᖃᕐᓂᖅ, ᒪᒥᓴᖅᐸᓪᓕᐊᓂᕐᒧᑦ ᐊᒻᒪᓗ ᐃᖅᑲᓇᐃᔮᒥᑦ ᑮᓇᐅᔭᓕᐊᕆᔭᐅᓇᔭᖅᑐᓂᒃ ᐃᑲᔫᑎᒃᓴᖔᓄᑦ. 

ᑲᒪᔨᐅᓪᓗᑎᒃ ᑖᒃᑯᓂᖓ ᐃᑲᔫᑎᒃᓴᓂᒃ, ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᐅᓚᑦᓂᕐᒧᑦ ᑲᑎᒪᔨᑦ ᖃᐅᔨᓴᖃᑦᑕᖅᐳᑦ ᐊᒻᒪ ᓄᑖᙳᕆᐊᖅᑎᑦᑎᕙᒃᖢᑎᒃ ᐊᑭᓕᐅᑎᒃᓴᓂᒃ ᐊᕐᕌᒍᑕᒫᓐ ᐊᑭᓕᐅᑎᖃᕈᓐᓇᕋᓱᒃᖢᑎᒃ ᒫᓐᓇᓕᓴᕐᓂᒃ ᐊᒻᒪ ᓯᕗᓂᒃᓴᒥᑦ ᑮᓇᐅᔭᖅᑖᕋᓲᑎᓄᑦ, ᓈᒻᒪᒃᑐᓂᒃ ᖃᐅᔨᓴᕐᓂᕐᒧᑦ ᐊᑭᓕᐅᑎᐅᓇᔭᖅᑐᓂᒃ ᐃᖅᑲᓇᐃᔭᖅᑎᑦᑎᔨᓄᑦ ᐊᒻᒪᓗ ᑕᐃᒪᑎᒍᑦ, ᐱᑕᖃᖅᑎᑦᑏᓐᓇᕐᒥᒃ ᐃᖅᑲᓇᐃᔭᖅᑎᓄᑦ ᓴᐳᔾᔨᓯᒪᓂᕐᒧᑦ ᑮᓇᐅᔭᖁᑎᖏᓐᓂᒃ ᓯᕗᓂᒃᓴᒧᑦ.

ᖁᑦᑎᖕᓂᕐᓴᑦ ᑮᓇᐅᔭᖅᑖᕋᓱᒍᑎᑦ ᐊᑭᓕᒐᒃᓴᓄᑦ ᐊᒻᒪᓗ ᑮᓇᐅᔭᓕᐅᕈᑎᐅᑦᑎᐊᙱᓐᓂᖅ ᑐᑭᖃᖅᑐᖅ ᐃᖅᑲᓇᐃᔭᖅᑎᑦᑎᔪᑦ ᓂᕆᐅᒐᔭᕐᓂᖏᓐᓂᒃ ᖁᑦᑎᒃᓯᕚᓪᓕᕈᑎᓂᒃ ᖃᐅᔨᓴᕐᕈᑎᓄᑦ ᐊᑭᓕᐅᑎᒃᓴᐅᑎᑕᐅᔪᓂᒃ 2020-ᒥᑦ. ᐊᑐᖅᑕᐅᓪᓗᐊᑕᓲᑦ ᐊᑐᐃᓐᓇᐅᑎᑦᑎᓂᕐᒧᑦ ᖃᐅᔨᓴᕐᓂᕐᒧᑦ ᐊᑭᖓ ᐊᑭᐅᕗᖅ ᐃᖅᑲᓇᐃᔭᖅᑎᖁᑎᓕᑦ ᐊᑭᓖᓇᔭᕐᓂᖏᓐᓂ ᐊᑕᐅᓯᑐᐊᒥᒃ ᐊᑭᖃᕈᓂ ᑕᒪᒃᑭᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ, ᐊᒻᒪᓗ ᐊᑭᐅᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᖅᐸᒃᑕᖓᓐᓂ ᐱᒋᐊᕈᑕᐅᓪᓗᓂ ᐋᖅᑭᒃᓱᐃᑎᓪᓗᒋᑦ ᐃᓄᑐᐃᓐᓇᕐᓄᑦ ᐊᕕᒃᑐᖅᓯᒪᒃᑲᓐᓂᖅᑐᓂ ᐊᑭᐅᔪᓂᑦ. ᐃᖅᑲᓇᐃᔭᖅᑎᑦᑎᔨᐅᓪᓗᑎᑦ, ᐊᑭᓕᕐᓱᐃᖃᑦᑕᕋᕕᑦ ᐋᕿᒃᓯᒪᔪᓂᒃ ᐊᑭᓕᐅᑎᒃᓴᓂᒃ ᐱᓕᕆᕝᕕᖕᓄᑦ, ᐊᒻᒪᓗ ᐊᕐᕌᒍᒥᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᐅᕙᒃᑐᑦ ᐊᖏᑎᒋᓂᖏᑦᑎᒍᑦ.

ᐊᕐᕌᒍᑕᒫᓐ ᓄᕕᐱᕆᒥᑦ, ᑕᒪᕐᒥᒃ ᐃᖅᑲᓇᐃᔭᖅᑎᑦᑎᔨᐅᔪᑦ ᖃᐅᔨᑎᑕᐅᕙᒃᐳᑦ ᐃᒻᒥᒃᑰᖅᑐᓂᒃ ᐊᑭᓕᐅᑎᒋᓇᔭᖅᑕᖏᓐᓂᒃ ᐊᒻᒪᓗ ᐊᓯᔾᔨᖅᑕᐅᓂᑯᓂᒃ ᓇᓗᓇᐃᔭᕈᑎᓄᑦ ᐋᕿᒃᓯᒪᔪᓂᒃ ᐊᕐᕌᒍᒧᑦ ᐊᒡᒋᖅᑐᒧᑦ. ᐅᓇ ᑐᓴᒐᒃᓴᖅ ᐃᓚᒋᔭᐅᓂᐊᖅᑐᖅ 2020-ᒥᑦ ᐊᕐᕌᒍᒧᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᓂᒃ ᐅᓂᒃᑳᓕᐊᓂᒃ ᓇᓗᓇᐃᖅᑕᐅᓯᒪᔪᓂᒃ ᐃᖅᑲᓇᐃᔭᖅᑎᑦᑎᔨᓂᒃ ᑎᑎᖃᒃᑯᕕᒃᑯᑦ ᐱᔭᐅᓂᐊᖅᑐᓂᒃ ᐊᒻᒪ ᐊᑐᐃᓐᓇᐅᒋᓪᓗᑎᒃ ᖃᕋᓴᐅᔭᒃᑯᑦ.

ᑕᑯᔪᓐᓇᖅᑕᓯ ᐅᕙᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ (WSCC) ᖃᐅᔨᓴᖅᑏᑦ ᒫᓐᓇᓕᓴᐃᑦ ᐊᒻᒪ ᐊᑐᖅᑕᐅᓯᒪᓂᑯᑦ ᐊᑭᓕᐅᑎᕕᓃᑦ ᐅᕗᖓ ᑕᑯᒋᐊᕐᓗᒍ WSCC Connect. ᑕᑯᔪᓐᓇᖅᑕᓯ ᐃᓕᖕᓅᖓᔪᒥᑦ ᐊᑭᓕᐅᑎᒃᓴᓂᒃ ᖃᐅᔨᓴᕈᑎᓄᑦ ᐊᑎᓕᐅᕐᓗᑎᒃ ᐅᕙᓂ ᐅᕝᕙᓘᓐᓃᑦ ᐊᑎᓕᐅᕐᓗᑎᒃ ᐅᕘᓇ WSCC Connect ᐊᒻᒪ ᓇᕿᓪᓗᒍ ᐅᓇ 'ᐅᕙᓐᓄᑦ ᐊᑭᓕᐅᑎᒃᓴᑦ ᖃᐅᔨᓴᕈᑎᓄ.'

ᖃᓄᖅ ᐊᒃᑐᐃᒍᑎᖃᕈᓐᓇᕐᓃᑦ ᐊᑭᓕᐅᑎᒃᓴᓂᒃ - ᐃᖅᑲᓇᐃᔭᖅᑎᑦᑎᔨᐅᑉ ᐊᑦᑕᓇᖅᑕᐃᓕᒪᓂᕐᒧᑦ ᖃᓄᐃᓕᐅᕈᑎᐅᔪᑦ ᐊᑑᑎᖃᖅᐳᑦ 

ᐅᓇ ᐋᓐᓂᖅᑐᖅᓯᐅᑎᓕᕆᓂᖅ ᐃᖏᕐᕋᑦᑎᐊᕐᓂᐊᖁᓪᓗᒍ, ᐱᒻᒪᕆᐊᓘᕗᖅ ᐃᕝᕕᑦ, ᐃᖅᑲᓇᐃᔭᖅᑎᑦᑎᔨᐅᓗᑎᑦ:
  • ᐊᑭᓕᐅᑎᒃᓴᑎᑦ ᓇᓗᓇᐃᖅᑕᐃᓯᒪᓗᑎᒃ ᐱᖁᔭᑎᒍᑦ ᐅᑯᓇᖓᑦ ᐃᖅᑲᓇᐃᔭᖅᑎᓄᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᐃᖁᔭᖓᓂᑦ.
  • ᐊᑎᓕᐅᕐᑕᐅᓯᒪᐃᓐᓇᕆᐊᒃᓴᖅ ᖃᐅᔨᒋᐊᖅᐸᒡᓗᑎᒃ.
  • ᐊᑭᓕᒐᒃᓴᑎᑦ ᐊᑭᓕᖅᐸᒡᓗᒋᑦ ᒪᓕᒡᓗᑎᑦ ᐊᑭᓕᐅᑎᒃᓴᓂᒃ ᖃᐅᔨᓴᕈᑎᓄᑦ ᐃᓕᖕᓅᖓᔪᓂᒃ.
ᐊᑭᓕᐅᑎᒃᓴᓂᒃ ᖃᐅᔨᓴᕈᑎᑦ ᓇᓗᓇᐃᒃᑯᑎᐅᕗᖅ ᐊᑦᑕᕐᓇᖅᑕᐃᓕᒪᓂᕐᒥᒃ ᐊᒻᒪ ᐃᖅᑲᓇᐃᔮᒧᑦ ᐅᑎᖅᑎᑦᑎᒐᓱᖕᓂᕐᒧᑦ ᖃᓄᐃᓕᐅᕐᓂᕐᒥᒃ ᐱᓕᕆᕝᕕᒃᒥᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᔨᐅᔪᓄᑦ. ᐊᓯᖏᑦᑎᑐᑦ ᓇᐅᑦᑎᐅᒃᑯᒫᓕᕆᔨᑎᑐᑦ, ᐱᓕᕆᕝᕕᐅᔪᑦ ᐱᓇᓱᐊᒐᖃᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᔾᔭᐃᕐᓯᒪᓂᕐᒥᒃ ᐊᒻᒪᓗ ᒥᒃᖠᕚᓪᓕᖅᑎᑦᑎᓯᒪᓂᖅ ᐋᓐᓂᕈᑎᓂᒃ ᐊᑦᑎᒃᐹᓪᓕᕈᑎᐅᓇᔭᕐᓂᖓᓂᒃ ᐊᑭᓕᐅᑎᒃᓴᓂᒃ ᖃᐊᔨᓴᕈᑎᓄᑦ. ᐱᓕᕆᕝᕕᐅᔪᑦ ᑕᑯᒍᑎᒃ ᑮᓇᐅᔭᖅᑖᕋᓲᑎᓄᑦ ᐊᑭᓕᐅᑎᒃᓴᑦ ᖁᕝᕙᖅᐹᓪᓕᕐᓂᖏᓐᓂᒃ ᑕᑯᓇᔭᕐᑐᑦ ᐊᑭᓕᐅᑎᖏᑦ ᖁᕝᕙᖅᐹᓪᓕᕐᓂᖏᓐᓂᒃ ᑖᔅᓱᒧᖓ. 

ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᑲᔪᕈᒪᔪᑦ ᐱᓕᕆᐊᕆᔭᕐᓂᒃ ᐱᐅᓯᕚᓪᓕᖅᑎᑦᑎᓂᕐᒥᒃ ᐊᑦᑕᓇᖅᑕᐃᓕᒪᑎᑦᑎᓂᕐᒥᒃ. ᒥᑭᒃᑲᓗᐊᖅᐸᑦ ᐊᖏᔪᐊᓘᒐᓗᐊᖅᐸᓪᓘᓐᓃᑦ ᐱᓕᕆᐊᕆᔭᐃᑦ ᐅᕝᕙᓘᓐᓃᑦ ᖃᓄᐃᑦᑐᒥᑦ ᐱᓕᕆᐊᖃᕐᓂᕆᔭᐃᑦ, ᐱᑕᖃᖅᑎᑦᑎᔭᕆᐊᖃᖅᐳᑎᑦ ᐊᒻᒪ ᑕᐃᒪᐃᑎᑦᑏᓐᓇᕐᓗᑦ ᐊᑦᑕᓇᙱᑦᑐᒥᒃ ᐃᖅᑲᓇᐃᔭᕐᕕᒃᒥᑦ ᐊᒻᒪᓗ ᐃᖅᑲᓇᐃᔭᖅᑎᓕᒫᑦ ᖃᐅᔨᒪᔭᕆᐊᖃᖅᖢᑎᒃ ᐊᒻᒪ ᑐᑭᓯᓯᒪᓗᑎᒃ ᐅᓇ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒪᒋᔭᖏᓐᓂᒃ ᐊᒃᑐᐊᔪᓂᒃ ᐃᖅᑲᓇᐃᔮᖏᓐᓄᑦ. ᐱᓕᕆᔾᔪᑎᕗᑦ, ᐃᑲᔫᑎᒋᕙᒃᑕᕗᑦ ᐊᒻᒪᓗ ᐊᑦᑕᓇᔾᔭᐃᕐᓯᒪᓂᕐᒧᑦ ᖃᐅᔨᓴᖅᑎᐅᔪᑦ ᐃᑲᔪᕈᓐᓇᖅᑐᑦ ᐃᓕᖕᓂᒃ ᐱᓕᕆᐊᒃᑯᑦ ᖃᓄᖅ ᐋᕿᒃᓱᐃᓂᕐᒥᒃ ᐊᒻᒪ ᑲᒪᒋᔭᖃᐃᓐᓇᕐᓂᕐᒥᒃ ᓴᙱᔪᒥᒃ ᐊᑦᑕᓇᖅᑕᐃᓕᓂᕐᒧᑦ ᖃᓄᐃᓕᐅᕈᑎᓂᒃ ᐊᒻᒪᓗ ᒪᓕᒍᓐᓇᕐᓗᑎ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᖁᔭᕐᒧᑦ. ᓇᓗᕈᔪᒃᑯᕕᑦ ᖃᓄᖅ ᐱᒋᐊᕋᔭᕆᐊᒃᓴᐃᑦ ᕿᒥᕐᕈᐊᕈᒪᓗᑎᑦ ᐅᕙᒍᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᓕᕆᐊᓄᑦ ᑐᑭᒧᐊᕈᑎ , ᐅᕙᑦᑎᓐᓄᑦ ᐅᖃᕈᓐᓇᖅᑐᓯ ᐅᕝᕙᓐᓘᓐᓃᑦ ᐅᑯᐊ ᖃᐃᖁᓗᒋ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖅᑲᓇᐃᔭᕐᕕᐅᔪᒧᑦ ᐆᒧᖓ ᓴᓇᕈᑎᖃᕐᕕᒃᒥᑦ ᐊᑦᑕᓇᖅᑕᐃᓕᒪᓂᕐᒧᑦ ᐅᖃᓪᓚᖕᓂᕐᒧᑦ ᖃᓄᑐᐃᓐᓇ ᐅᖃᐅᓯᕆᔭᐅᖁᔭᕐᓂᒃ.
ᖁᐊᖅᓵᕐᓇᖅᑐᓂᒃ ᐅᓂᒃᑲᐅᓕᐅᕐᓂᖅ 
ᐊᑐᖅᑐᒻᒪᕆᒃ ᑕᒪᐃᓐᓄᓕᒫᖅ ᐊᑦᑕᓇᖅᑕᐃᓕᒪᓂᕐᒧᑦ ᐱᓕᕆᐊᓄᑦ



ᖁᐊᖅᓵᕐᓇᖅᑐᖅ ᖃᓄᐃᑦᑐᑐᐃᓐᓇᐅᕗᖅ ᐋᓐᓂᕈᑎᐅᑐᐃᓐᓇᕆᐊᖃᕈᓂ ᑲᒪᒋᔭᐅᑦᑎᐊᙱᒃᑯᓂ ᐅᕝᕙᓘᓐᓃᑦ ᐊᐅᓚᑕᐅᑦᑎᐊᙱᒃᑯᓂ. ᑕᒪᕐᒥᓕᒫᖅ ᐃᖅᑲᓇᐃᔭᕐᕕᐅᕙᒃᑐᖅ ᖁᐊᖅᓵᕐᓇᖅᑐᖃᖅᑐᑦ. ᐃᖅᑲᓇᐃᔭᖅᑎᑦᑎᔨᐅᓪᓗᑎᒃ, ᐱᖁᔭᖅᑎᒍᑦ ᒪᓕᒋᐊᖃᖅᐳᑎᑦ ᐊᔪᕈᓐᓃᕐᓴᖅᑎᓪᓗᒋᑦ ᐃᖅᑲᓇᐃᔭᖅᑎᑎᑦ ᖃᓄᖅ ᖃᐅᔨᔪᓐᓇᕐᒪᖔᑦ ᐊᒻᒪ ᐊᐅᓚᑦᑎᔪᓐᓇᕐᒪᖔᑦ ᐃᖅᑲᓇᐃᔭᕐᕕᒃᒥᑦ ᖁᐊᖅᓵᕐᓇᖅᑐᑦ. ᐅᓇ ᐊᔪᕈᓐᓃᖅᓴᖅᑎᑦᑎᓂᒃᑰᕆᐊᖃᖅᑐᖅ ᐃᖅᑲᓇᐃᔭᖅᑎᓂᒃ ᖁᐊᖅᓵᕐᓇᖅᑐᓂᒃ ᐃᖅᑲᓇᐃᔭᖅᕕᒃᒥᑦ, ᐊᒻᒪᓗ ᐃᑲᔪᖅᐸᒡᓗᒋᑦ ᖁᐊᖅᓵᕐᓇᖅᑐᓂᒃ ᖃᐅᔨᔪᓐᓇᕐᓂᕐᒥᒃ ᐊᒻᒪ ᐅᓂᒃᑳᓕᐅᕈᓐᓇᕐᓂᕐᒥᒃ.

ᖃᓄᑐᐃᓐᓇᖅ ᐃᖅᑲᓇᐃᔭᕐᕕᒋᔭᐃᑦ ᖃᓄᐃᓕᖓᒐᓗᐊᖅᐸᑦ, ᑕᑯᔪᓐᓇᖅᑐᑎᑦ ᖁᐊᖅᓵᕐᓇᖅᑐᓂᒃ ᐅᑯᑎᒎᓇ 6-ᖑᔪᓂᒃ ᓇᓗᓇᐃᕐᓯᒪᔪᓂᒃ: 
  • ᐊᑦᑕᓇᖅᑕᐃᓕᒪᓂᕐᒧᑦ ᖁᐊᖅᓵᕐᓇᖅᑐᑦ: ᐱᑕᖃᙱᑦᑐᑦ ᐅᕝᕙᓘᓐᓃᑦ ᓈᒻᒪᙱᓗᐊᖅᑐᑦ ᓴᐴᑎᒋᔭᐅᔪᑦ ᐊᐅᓚᐅᑎᒐᓚᖕᓄᑦ, ᐅᓇᑕᓗᑲᑕᖕᓂᖅ, ᖁᐊᖅᓵᕐᓇᖅᑐᓂᒃ ᐱᓕᕆᐊᖃᖃᑦᑕᕐᓂᖅ ᐅᕝᕙᓘᓐᓃᑦ ᖃᓄᐃᓕᖓᓂᐅᔪᑦ, ᐃᖅᑲᓇᐃᔭᕐᓂᖅ ᖁᑦᑎᒃᑐᓂᒃ, ᒪᓕᒋᐊᓕᖕᓂᒃ ᒪᓕᙱᒥᐊᕐᓂᖅ, ᓄᖑᓪᓚᕐᓯᒪᔪᑦ ᓱᕋᒃᓯᒪᔪᓪᓘᓐᓃᑦ ᓴᓇᕐᕈᑏᑦ ᐅᕝᕙᓘᓐᓃᑦ ᓇᖕᒥᓂᖅ ᐱᕐᕈᓗᐊᕿᑦᑕᐃᓕᒍᑎᑦ ᓴᓇᔪᕐᓯᐅᑎᑦ (PPE);
  • ᐃᒃᐱᖕᓇᖅᑐᑦ ᖁᐊᖅᓵᕐᓇᖅᑐᑦ: ᓇᔭᒃᓴᓗᒃᑐᑦ, ᓂᐱᖃᓗᐊᕐᓂᖅ, ᓂᒡᓚᓱᓗᐊᕐᓂᖅ, ᐅᖅᑰᓂᕐᒧᑦ, ᖃᐅᒻᒪᖁᑎᓄᑦ, ᐅᖅᑰᓴᐅᑎᐅᒧᑦ;
  • ᐃᒪᕐᓄ ᐃᓚᐅᕐᓯᒪᔪᓄᑦ ᖁᐊᖅᓵᕐᓇᖅᑐᑦ: ᑎᓯᔪᑦ, ᐃᒪᐃᑦ ᐅᕝᕙᓘᓐᓃᑦ ᐳᔪᐃᑦ (ᒑᓯᕈᔪᐃᑦ); ᐊᓂᑦᑕᕆᐊᖃᖅᑐᑦ ᒪᑯᐊ ᐱᔪᐃᑦ, ᐃᑯᒪᐅᑉ ᐳᔪᖏᑦ ᐅᕝᕙᓘᓐᓃᑦ ᓄᓇᓯᐅᑎᒥᙶᖅᑐᑦ; ᑕᒪᕐᒥᒃ ᖁᐊᖅᓵᕐᓇᖅᑐᑦ ᐱᖁᑏᑦ ᓇᓗᓇᐃᕐᓯᒪᔪᒥᑦ ᐴᕐᓯᒪᔭᕆᐊᓖᑦ; ᐊᒻᒪ, ᐊᑐᐃᓐᓇᐅᔪᓐᓇᕐᓗᑎᒃ ᓴᖅᑭᑎᑦᑎᓂᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᒪᔾᔪᑎᒃᓴᑦ ᑎᑎᕋᕐᓯᒪᕝᕕᖏᑦ (SDS);
  • ᑎᒥᒧᐊᕈᓐᓇᖅᑐᑦ ᖁᐊᖅᓵᕐᓇᖅᑐᑦ: ᐊᐅᒃ, ᐹᒃᑎᐅᕆᐊ, ᐱᕈᖅᑐᑦ ᐱᕈᖅᑐᓂᒃ, ᓂᕐᔪᑏᑦ ᐊᓇᖏᓐᓂᒃ ᐅᕝᕙᓘᓐᓃᑦ ᓂᕐᔪᑎᕕᓂᕐᓂᒃ, ᕿᒃᑐᕆᐊᖅᑕᐅᓂᕐᒧᑦ ᐊᓇᙱᕐᓄᓪᓘᓐᓃᑦ, ᐱᕈᕐᓯᐊᓄᑦ;
  • ᓴᓇᓯᒪᔪᑦ ᐱᓕᕆᓂᕐᒧᑦ ᐊᑲᐅᓈᕋᓱᒃᖢᑎᒃ ᖁᐊᖅᓵᕐᓇᖅᑐᑦ: ᑐᓄᓱᖕᒧᑦ ᐱᐅᒍᓐᓃᕐᓇᖅᑐᑦ, ᐊᒃᓱᕈᖅᖢᓂ ᐱᓕᕆᐊᕆᔭᕆᐊᖃᕐᓂᕐᒧᑦ, ᐱᖁᑎᓂᒃ ᑭᐱᒃᓯᑲᑕᖃᑦᑕᕐᓂᕐᒧᑦ;
  • ᐃᓱᒪᓂᕐᓗ ᐃᓅᖃᑎᒌᖕᓂᕐᒧᓗ ᖁᐊᖅᓵᕐᓇᖅᑐᑦ: ᓲᖑᓴᓗᐊᕐᓂᖅ, ᐋᓐᓂᕐᓯᕆᓂᖅ ᐊᒻᒪ ᐸᒡᕕᓵᕆᓂᖅ, ᐃᒻᒥᓂᒃ ᐊᐅᓚᒍᓐᓇᙱᓐᓂᖅ/ᖃᓄᐃᓕᐅᕈᓐᓇᕐᓂᖅ, ᐱᓕᕆᐊᒃᓴᖃᖅᑎᑕᐅᓗᐊᕐᓂᕐᒧᑦ.
ᐃᖅᑲᓇᐃᔭᖅᑎᖁᑎᓕᐅᑉ ᐱᔭᒃᓴᕆᔭᖏᑦ

ᐃᖅᑲᓇᐃᔭᖅᑎᑦᑎᔨᐅᓪᓗᑎᑦ, ᐱᓕᕆᔾᔪᓯᖃᖅᑎᑦᑎᔭᕆᐊᖃᖅᐳᑎᑦ ᖃᓄᖅ ᓇᓗᓇᐃᕐᓯᔪᓐᓇᕐᓂᕐᒥᒃ ᐊᒻᒪ ᐊᐅᓚᑦᑎᔪᓐᓇᕐᓂᕐᒧᑦ ᖁᐊᖅᓵᕐᓇᖅᑐᓂᒃ. ᐅᓇ ᐃᓚᒋᔭᐅᓪᓗᐊᖅᑐᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᓄᑦ (OHS ᐱᓕᕆᐊᓄᑦ) ᐊᒻᒪ ᐃᓚᖃᕐᓗᓂ ᐅᑯᓂᖓ:
  1. ᐱᓕᕆᐊᖃᖅᓵᓕᕙᒡᓗᓯ ᐊᒻᒪ ᑕᒪᐅᓇᑦᑕᐃᓐᓇᖅ ᐱᓕᕆᐊᕆᕙᒡᓗᒍ ᒪᑯᐊ ᐃᖅᑲᓇᐃᔭᕐᕕᖕᓂᒃ ᖁᐊᖅᓵᕐᓇᖅᑐᓂᒃ ᖃᐅᔨᓴᕐᓂᐅᔪᑦ.
  2. ᖁᐊᖅᓵᕐᓇᖅᑐᓂᒃ ᖃᐅᔨᓴᖅᐸᓪᓕᐊᓂᒃᑯᑦ ᖃᓄᐃᓕᐅᕐᓂᖅ, ᐃᒪᓐᓇ ᐊᐱᕆᓯᒪᓂᖃᕆᐊᓕᖅᒃ: ᑭᓱᑦ ᓈᒻᒪᙱᓕᐅᕈᑎᒍᓐᓇᕐᒪᑕ? ᖃᓄᖅ ᓈᒻᒪᒍᓐᓃᕈᓐᓇᖅᐸ? ᓱᓇᐅᕙᑦ ᑕᐃᒪᐃᔾᔪᑕᐅᔪᓐᓇᖅᑐᑦ? ᖃᓄᖅ ᐅᓗᕆᐊᓇᖅᑐᖅ ᓴᖅᑭᓐᓇᔭᖅᑐᒃᓴᐅᕙ? ᓈᒻᒪᙱᓕᐅᕈᑎᓄᑦ ᖃᓄᐃᑳᓪᓚᒍᑎᐅᔪᓐᓇᖅᐸ? ᖃᓄᐃᓕᐅᕈᓐᓇᖅᐱᑕ ᒥᑭᓪᓕᑎᖅᐹᓪᓕᕈᒪᓗᒍ ᐊᑦᑕᓇᖅᑐᖅ?
    • ᐃᓱᒪᓕᐅᕆᕗᒍᓪᓗ ᐋᕿᒃᓯᓗᑎ ᑎᑎᕋᕐᕕᒃᓴᓂᒃ ᐃᖅᑲᓇᐃᔭᖅᑎᐅᔪᓄᑦ ᑭᐅᔾᔪᑎᒃᓴᖏᓐᓂᒃ ᐊᐱᖁᑎᓂᒃ ᑖᒃᑯᓂᖓ. ᑕᑯᔪᓐᓇᖅᑐᓯ ᖁᐊᖅᓵᕐᓇᖅᑐᓂᒃ ᖃᐅᔨᓴᕐᓂᕐᒧᑦ ᑕᑕᑎᕆᐊᓕᖕᓂᒃ ᐅᕙᓂ  ᑎᑎᕋᕐᕕᒃᓴᐅᔪᓐᓇᖅᑐᓂᒃ..
  3. ᐱᓕᕆᔾᔪᓯᖅ ᐱᑕᖃᕈᓐᓃᖅᑎᑦᑎᓂᕐᒥᒃ ᐅᕝᕙᓘᓐᓃᑦ ᐊᐅᓚᑦᑎᑦᑎᑦᑎᐊᕐᓂᕐᒥᒃ ᖁᐊᖅᓵᕐᓇᖅᑐᓂᒃ.
  4. ᖃᐅᔨᓴᖃᑦᑕᐃᓐᓇᖅᐸᒡᓗᑎᑦ ᖁᐊᖅᓵᕐᓇᖅᑐᓂᒃ ᐊᐅᓚᑦᑎᓂᕐᒥᒃ ᑕᒪᒃᑯᐊ ᐊᑑᑎᖃᕋᓗᐊᕆᐊᒃᓴᖏᓐᓄᑦ ᖁᐊᖅᓵᕐᓇᖅᑐᑦ ᐱᑕᖃᕈᓐᓃᕐᔫᒥᑎᒐᓱᒡᓗᒋᑦ.
ᐃᖅᑲᓇᐃᔭᖅᑎᖁᑎᓕᐅᑉ ᐱᔭᒃᓴᕆᔭᖏᑦ

ᐊᔪᕈᓐᓃᖅᓴᖅᑎᑦᑎᑎᓪᓗᑎᑦ ᐃᖅᑲᓇᐃᔭᖅᑎᓂᒃ, ᐅᑯᐊ ᐃᖅᑲᓇᐅᒪᔪᓐᓇᕐᓯᓗᒋᑦ ᖁᐊᖅᓵᕐᓇᖅᑐᓂᒃ ᓇᓗᓇᐃᕐᓯᒍᑎᐅᔪᓐᓇᖅᑐᑦ ᐃᒪᓐᓇ ᐃᖅᑲᓇᐃᔭᖅᑏᑦ ᐃᒪᐃᑎᓪᓗᒋᑦ "ᑕᑯᓗᒍ. ᐃᓱᒪᒋᓗᒍ. ᐱᓕᕆᐊᕆᓗᒍ." ᐃᖅᑲᐃᑎᑉᐸᒡᓗᒋᑦ ᐃᖅᑲᓇᐃᔭᖅᑎᐅᔪᑦ ᐱᓕᕆᐊᖃᖃᑕᐅᔭᕆᐊᖃᕐᓂᖏᓐᓂᒃ ᐃᖅᑲᓇᐃᔭᕐᕕᒃᒥᑦ ᐊᑦᑕᓇᖅᑕᐃᓕᒪᑎᑦᑎᓂᕐᒥᒃ. ᑕᑯᒍᑎᒃ ᖁᐊᖅᓵᕐᓇᖅᑐᒥᒃ, ᐃᒪᓐᓇᐅᒐᓗᐊᖅᐸᑦ ᑎᑎᕋᐅᑎ ᓇᑎᕐᒦᒃᑯᓂ ᖁᐊᐃᔾᔪᑎᒋᔭᐅᑐᐃᓐᓇᕆᐊᖃᕐᒪᑦ ᐅᕐᕈᔾᔪᑎᒋᔭᐅᓗᓂᓘᓐᓃᑦ, ᐅᕝᕙᓘᓐᓃᑦ ᐅᐊᔭᒥ ᓱᕋᒃᓯᒪᔪᖃᕐᓗᓂ, ᑕᐃᒪᓕ ᐱᔭᒃᓴᕆᕙᙵᑦ ᑕᐃᒪᐃᑦᑐᓂᒃ ᐱᓕᕆᐊᖃᑲᐅᑎᖃᕆᐊᒃᓴᖅ ᐅᕝᕙᓘᓐᓃᑦ ᖁᐊᖅᓵᕐᓇᖅᑐᖅ ᐱᑕᖃᕈᓐᓃᕐᑎᓪᓗᒍ ᐊᒻᒪᓗ ᐅᓂᒃᑲᐅᓯᕆᓗᒍ. ᑲᒪᒋᔭᖃᕐᓂᖅ ᑲᒪᒋᔭᖃᐃᓐᓇᕐᓂᕐᒥᒃ ᐃᖅᑲᓇᐃᔭᕐᕕᒃᒥᑦ ᐊᑦᑕᓇᙱᑦᑐᒥ ᐅᕙᒍᓕᒫᖅ ᑲᒪᒋᔭᕆᐊᖃᖅᐸᕗᑦ.

ᐊᑐᐃᓐᓇᐅᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᑲᔫᕈᑎᒃᓴᖏᑦ ᓇᖕᒥᓂᖅ ᐱᓕᕆᐊᕆᔭᕐᓄᑦ:
ᖃᖓᑐᐃᓐᓇᖅ ᐅᖃᕐᕕᒋᓗᒋᑦ WSCC ᐊᐱᖁᑎᒃᓴᖃᕈᔅᓯ ᖁᐊᖅᓵᕐᓇᖅᑐᓂᒃ ᓇᓗᓇᐃᕐᓯᔪᓐᓇᕐᓂᕐᒥᒃ ᐊᒻᒪ ᐅᓂᒃᑳᓕᐅᕈᑎᓂᒃ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂ (OHS) ᐱᓕᕆᐊᓄᑦ ᓇᖕᒥᓂᖅ ᐱᓕᕆᐊᕐᓅᖓᔪᓂᒃ.
  
ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᒡᓚᒡᕕᖏᑦ ᒪᑐᓯᒪᓛᖅᑐᑦ ᖁᔭᓕᓐᓇᐅᑉ ᐅᓪᓗᖓᓂ ᓇᒡᒐᔾᔭᐅ, ᐅᑐᐱᕆ 14-ᒥ, ᐊᒻᒪ ᒪᑐᐃᒃᑲᓐᓂᕐᓗᑎ ᐊᐃᑉᐱᐅᓕᖅᑲᑦ, ᐅᑎᐱᕆ 15-ᒥ 8:30 ᐅᓪᓗᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect
wscc.nt.ca   /  1.800.661.0792   *   wscc.nu.ca  /  1.877.404.4407