Lub Koos Haum Saib Xyuas Kev Huv, Kev Kis Mob, Thiab Kev Tiv Thaiv Kab Mob tab tom txais ib tug neeg rau txoj hauj lwm ua Cov Neeg Pab Tus Kwv Kho Mob (Public Health Nurses) thiab ib tug neeg rau txoj hauj lwm ua Tus Neeg Soj Ntsuam Kev Huv Thiab Kev Nyab Xeeb Nyob Rau Lub Zej Lub Zos (Environmental Sanitarian).

Nrog hnub Valentine’s Day yuav los txog sai sai tom ntej no nws yog ib qho tseem ceeb uas koj tiv thaiv koj tus kheej thiab koj tus hlub ntawm tej yam kab mob uas sib kis tau (Mob kas cees). Kev mob kas cees yog ib yam yuav cheem tau kom txhob raug, thiab muaj kev tiv thais nrog rau kev kho. Npaj thiab xaiv cov kev pab cheem kev mob kas cees uas yuav pab tau koj!

Nyem daim duab mus teb cov lus nug kuaj seb koj puas yuav muaj feem tau kev mob kas cees.

Nyob Rau Lub Teb Chaws Meskas, Lub Ob Hlis Ntuj Yog Lub Hlis Kawm Txog Thiab Paub Txog Kev Tiv Thaiv Tus Kheej Ntawm Tus Mob Cancer 

Yuav Ua Cas Koj Thiaj Tiv Thaiv Tau Koj Tus Kheej Kom Txhob Muaj Tus Kab Mob Cancer?

Kev Kuaj Lub Cev

Kev kuaj koj lub cev tsis tu ncua yuav pab nrhiav tau tus kab mob cancer nyob rau lub xubntiag, lub tsev menyuam, thiab txoj nyuv tawm rooj ntxov, thaum kev muab tshuaj lossis siv tshuaj tua tus kab mob cancer tseem yuav pab tau rau qhov zoo tshaj. Txoj kev kuaj kab mob cancer nyob rau hauv lub ntsws yog ib yam pom zoo rau ib txhia neeg kuaj uas yuav feem ntau muaj kab mob cancer tau rau hauv lub ntsws.

Tshuaj Tiv Thaiv Kab Mob (Koob tshuaj txhaj)

Cov koob tshuaj txhaj tiv thaiv kab mob muaj feem yuav txo txoj kev tau ib tug kab mob cancer. Tus tshuaj txhaj tiv thaiv tus kab mob human papillomavirus (HPV) yuav pab tiv thaiv feem ntau cov kab mob cancer muaj nyob rau hauv lub tsev menyuam thiab ntau lwm yam hom kab mob cancer. Tus tshuaj txhaj tiv thaiv tus kab mob hepatitis B yuav pab txo qhov muaj kab mob cancer nyob rau hauv lub siab.  

Xaiv Txoj Kev Pab Koj Noj Qab Nyob Zoo

Koj yuav txo tau qhov yuav muaj kab mob cancer los ntawm txoj kev xaiv tej yam zoo rau koj xws li nyob rau qhov hnyav uas yuav tsis ua mob rau koj, tsis txhob haus luam yeeb, txhob haus dej cawv ntau, thiab tiv thaiv koj daim nqaij daim tawv.

Qhov Chaw Tau Cov Ntaub Ntawv Qhia: CDC

Check out our COVID-19 Data Dashboard which is updated every Friday afternoon.

Txhua hnub Thursday thaum tav su lub koos haum CDC muaj xov xwm qhia txog qhov siab ntawm tus kab mob COVID-19 rau txhua lub nroog nyob rau lub teb chaws meskas. 

Yog koj yuav tau txais ib txhaj tshuaj tiv thaiv tus kab mob COVID-19, thov tiv tauj rau tus kwv kho mob lossis mus rau ntawm tus website vaccines.gov mus nrhiav ib tug kwv kho mob nyob ze koj uas muab tau txhaj tshuaj tiv thaiv kab mob COVID-19 rau koj!