Nroog Sheboygan Kev Faib Ntawm Pej Xeem Kev Noj Qab Haus Huv

Qhov Xwm Txheej Hloov Tshiab

Lub Rau Hli Ntuj Hnub Tim 9, 2023

Español Hmong

Xov Xwm

Koom Nrog Peb Pab Neeg!

Pej Xeem Kev Noj Qab Haus Huv tamsim no xav txais ib tug Kws Kho Mob uas saib xyuas Pej Xeem Kev Noj Qab Haus Huv.

Ua Cov Ntaub Ntawv Ntawm No!

Lub caij ntuj sov twb los txog lawm! Saib hauv qab no yuav qhia txog cov ntsiab lus kev nyab xeev lub caij ntuj sov. Nyem rau ntawm txhua daim duab kom paub ntau ntxiv.

Lub Hli National Dairy

Keeb kwm tsim los ua khoom noj haus/mis nyuj nce qib nyob rau xyoo 1937, Lub Hli National Dairy no yog ua los nco txog cov txiaj ntsig ntawm kev noj qab haus huv uas siv mis nyuj nyob rau hauv cov khoom noj. Lawv muaj cov muaj cov as ham tseem ceeb-xws li calcium, potassium, vitamin D, thiab protein. Siv lawm yuav pab kom txhob muaj ntshav siab, mob pob txha, thiab lwm yam mob, tsis tas li xwb kuj pab peb tswj kom tsis txhob nyhav. Txhua hnub pib siv cov khoom noj muaj txiaj ntsig uas muab mis ua thiab koj yuav tsum pib kev noj qab haus huv lub caij ntuj sov no mus.

Lub Koos Haum Saib Xyuas Kev Ua Liaj Ua Teb (USDA) thiab lub Koos Haum Saib Xyuas Kev Noj Qab Haus Huv Thiab Tib Neeg (HSS) tau tshaj tawm 2020-2025 Txoj Cai Kev Noj Qab Haus Huv rau Neeg Asmeskas (DGA), uas txhawb nqa qhov tseem ceeb ntawm kev noj zaub mov txhua hnub yuav tsum noj kom muaj peb yam no xws li mis nyuj, yov kawm, thiab tshij.

Haus mis nyuj ntxiv txhua zaus thaum koj noj mov yog ib yam yooj yim thiab qab uas yuav pab tau 13 yam txiaj ntsig zoo rau koj lub cev.

Cov neeg uas noj tsis tau cov khoom muaj lavtom ces yuav tau noj cov khoom siv mis nyuj kom muaj cov lavtom tsawg zog lossis kom txhob muaj lavtom.

Cov neeg ua liaj ua teb tu tsiaj txhu lawv rau siab ntso thiab txaus siab hlo ua tib zoo tu lawv cov nyuj thiab vam khom kev pab ntawm cov kws kho tsiaj nrog qhia kom thiaj pab tau lawv cov nyuj loj hlob zoo thiab noj qab nyob zoo. Cov nyuj tau txais kev kuaj tas li, txhaj tshuaj tiv thaiv thiab kho mob.

Nrhiav cov ntaub ntawv kom paub ntau ntxiv thiab qee yam xuj zaub mov ntawm https://thedairyalliance.com/

Txaus Siab Rau Cov Neeg Ua Hauj Lwm Saib Xyuas Kev Noj Qab Haus Huv Hauv Zej Zog

Zej Zog Cov Neeg Ua Hauj Lwm Saib Xyuas Kev Noj Qab Haus Huv (CHWs) yog cov yuav ntau thawj txog kev saib xyuas noj qab haus huv thiab muaj lub luag haujlwm tseem ceeb ntawm kev pab txog kev noj qab haus huv tsis sib xws, pab nrhiav kom muaj kev pab cuam txog kev noj qab haus huv ntau dua tuaj, thiab nrhiav kev pab cuam kom zoo rau cov tib neeg. Yam kev pabcuam no yuav pab kom tsev neeg kawm tau thiab swm cov cwj pwm hloov no kom thiaj pab tau rau lawv txoj kev noj qab haus huv thiab thiaj nkag siab ntxiv txog cov teebmeem uas lawv ntsib hauv tsev kho mob. Thaum muab kev pabcuam ntau yam thiab muab cov ntau ntawv no txhais rau hom lus lawv nkag siab lawm CHWs tuaj yeem yuav qhib tau txoj hau kev pabcuam kom pab tau coob leej ntau tus txog lawv txoj kev noj qab haus huv kom zoo dua tuaj.

Lub luag hauj lwm ntawm CHWs yog los pab txhua leej txhua tus thiab lub zej zog kom thiaj yuav pab tau kev hloov pauv ntawm kev noj qab haus huv los ntawm:

Muab kev kawm txog kev co noj coj ua qhia kom yooj yim thiab to taub cov ntsiab lus thiaj yuav pab kom lawv nkag siab txog kev noj qab hauv huv thiab kev txaus siab rau tus kheej

Qhia thiab txhawb tsev neeg kom kawm thiaj paub thiab to taub txog cov ntsiab lus txog kev kho mob thiab tiv thaiv kab mob

Qhia txog txheej txheem kev noj qab haus huv thiab kev pabcuam ntawm cov tsev kho mob rau lub zej zog kom lawv paub siv thiab to taub thiaj li yuav tsis muaj kev tsis sib nkag siab

Nthuav kev pabcuam txog kev noj qab haus huv mus rau cov zej zog uas tsis tau kev pabcuam txaus

Qhia rau cov kws kho mob txog kev sib raug zoo ntawm tus neeg mob tsev neeg lub neej uas yuav cuam tshuam rau txoj kev kho mob

Tawm suab kom muaj cov kev pabcuam raws li lub zej zog xav tau, thiab txhawb kom cov tig neeg thiab zej zog los tawm suab seb lawv xav tau kev pabcuam dabtsi txog ntawm lawv kev noj qab haus huv

Ua tsaug rau Txawj Pov thiab Dalila, peb lub Nroog Sheboygan Cov Neeg Ua Hauj Lwm Saib Xyuas Kev Noj Qab Haus Huv Ob Hom Lus rau txhua qhov kev pabcuam koj tau pab rau lub zej zog!

Hu rau peb Cov Neeg Ua Hauj Lwm Saib Xyuas Kev Noj Qab Hauv Huv

Dalila Contreras 920-889-0622

dalila.contreras@sheboygancounty.com

CherPao Vang 920-889-0346

cherpao.vang@sheboygancounty.com

Pab rawv thiab nyiam peb hauv Fevbuv!

Txhawb Koj Lub Hlwb Kev Noj Qab Haus Huv

Thoob ntiaj teb, muaj ntau tshaj 55 lab tus tib neeg nyob nrog tus kab mob Alzheimer lossis yog tus kab mob hnov qab nco tsis tau thiab tsis paub dabtsi li lawm. Koom tes nrog lub Koos Haum Alzheimer xav thov kom nej hnav xim kob paj yeeb (purple) thiab pab qhia kom sawv daws paub txog tus kab mob no nyob rau Lub 6 Hli Ntuj no. Tib neeg yim coob paub txog tus Kab Mob Hnov Qab (Alzheimer) no ces peb yim yuav muaj ntau qhov kev uas peb txhawb nqa tau.

Hauv qab no yog 15 yam haujlwm uas tuaj yeem pab txhawb thiab tswj lub hlwb ua haujlwm:

Zaum Ntsiag To/ Mloog Nkauj Xav
Ua Si
Ua Phaib
Daim Ntawv Nrhiav Los Lus
Ua kom tiav jigsaw puzzles
Ua si sudoku
Ua si chess
Ua si checkers
Tua Cov Nkees tawm tswv yim
Tham Pem
Seev Cev
Mloog Nkauj
Kawm ib hom lus tshiab
Qoj ib ce
Xyaum mua

Ceev Hnub no cia thiab cuv npe ntawm no rau Nroog

Sheboygan Taug Kev Kom Kawg Alzheimer!

Cov Xwm Txheej Hauv Zos

Nroog Sheboygan Public Health zoo siab rau cov laj txheej yuav tshim sim nyob rau lub caij ntuj sov no!

Mus saib cov xwm txheej hauv zos

no peb yuav tuaj koom:

Juneteenth - Hnub Sunday, Lub Rau Hli Ntuj Hnub Tim 18th 12-5pmj ntawm Kiwanis Park

Family Fun Fest - Hnub Saturday, Lub Rau Hli Ntuj Hnub Tim 24th 10am-1pm ntawm Fountain Park

Sheboygan Pride - Hnub Saturday, Lub Rau Hli Ntuj Hnub Tim 24th 12-6pm ntawm City Green

UW Extension 175th Anniversary at the Farmers' Market - Hnub Wednesday, Lub Rau Hli Ntuj Hnub Tim 28th 7:30am-3pm ntawm Fountain Park

Hmoob Ncaws Npas - Hnub Saturday, Lub Xya Hli Ntuj Hnub Tim 15th & Hnub Sunday, Lub Xya Hli Ntuj Hnub Tim 16th ntawm Kiwanis Park

COVID-19

The National Public Health Emergency for COVID-19 xaus rau Lub Tsib Hlis Ntuj Hnub Tim 11, 2023.

Mus siab peb lub vev xaij COVID-19 kom paub ntau ntxiv txog qhov

ntawd txhais li cas rau Lub Nroog Sheboygan.

Paub txog cov ntaub ntawv tawm txog tus kab mob kis COVID-19:

Kev kho mob COVID dawb

Txhaj Tshuaj Tiv Thaiv Tus Kab Mob COVID-19

Yog koj yuav tau txais ib txhaj tshuaj tiv thaiv tus kab mob COVID-19, thov tiv tauj rau tus kwv kho mob lossis mus rau ntawm tus website vaccines.gov mus nrhiav ib tug kwv kho mob nyob ze koj uas muab tau txhaj tshuaj tiv thaiv kab mob COVID-19 rau koj!

Vaccines.gov