Los Koom Peb Pab Neeg Ua Hauj Lwm!

Lub Koom Haum Saib Xyuas Kev Huv, Kev Kis Mob, Thiab Kev Tiv Thaiv Kab Mob tab tom txais ib tug neeg rau txoj hauj lwm ua Tus Neeg Pab Tus Kwv Kho Mob (Public Health Nurse) part-time.

Lub Hlis Kawm Thiab Paub Txog Kev Noj Qab Nyob Zoo Los Ntawm Txoj Kev Xav 

Lub 5 hlis ntuj yog ib lub sijhawm tshwj tseg los txhawb kev paub txog thiab muab kev kawm rau cov pej xeem txog kev puas siab puas ntsws los ntawm txoj kev xav, qhov tseeb tias nyob zoo li cas thaum muaj cov mob los ntawm kev puas siab puas ntsws los ntawm txoj kev xav, thiab cov tswv yim tsim tawm los tswj cov kev mob no thiaj noj tau qab nyob tau zoo.

Koj puas paub:

• 1 ntawm 5 tus neeg muaj hnub nyoog uas nyob rau lub teb chaws Asmesliskas tau ntsib ib txoj kev puas siab puas ntsws los ntawm txoj kev xav nyob ib lub xyoo twg 
• 1 ntawm 6 tus neeg hluas yuav ntsib ib lub sijhawm muaj kev nyuaj siab 
• 1 ntawm 20 tus neeg nyob rau lub teb chaws Asmesliskas tau nyob nrog ib txoj kev puas siab puas ntsws los ntawm txoj kev xav, xws li schizophrenia (pom thiab hnov tej yam luag tej tsis pom thiab hnov nrog tus yam ntxwv txawv), bipolar disorder (tej tsam zoo tej tsam phem), lossis muaj kev nyuaj siab loj heev 

Kawm txog qhov tseeb ntawm txoj kev puas siab puas ntsws los ntawm txoj kev xav ntawm no 

Lub Hlis Kawm Thiab Paub Txog Kev Pab Muaj Muab Rau Ib Tug Neeg Tau Ntsib Kev Phem Lossis Kev Ntshai Rhau Los 

Kev pab muab rau tus neeg tau ntsib kev phem lossis kev ntshai rhau los hloov qhov tsom xam los ntawm txoj kev xav, “Ua cas koj coj zoo li ko?” mus rau “Yog muaj abtsis tau tshwm sim rau koj?” Txoj kev yuav muab kev pab rau ib tug neeg tau ntsib kev phem lossis kev ntshai rhau los lees paub tias cov koom haum saib xyuas kev noj qab haus huv thiab cov neeg ua haujlwm muab kev pab yuav tau muaj kev paub thiab pom txog txhua yam uas tau tshwm sim nyob rau ib tug neeg muaj mob lub neej – yav tag rhau los thiab nyob rau lub sijhawm no – thiaj yuav muab tau kev pab uas pab tau tus neeg kom rov zoo. Txoj kev yuav xyaum siv kev pab muaj muab rau ib tug neeg tau ntsib kev phem lossis kev ntshai rhau los kuj yuav pab tau txoj kev koom tes los ntawm tus neeg muaj mob, kev pom zoo los ntawm tus neeg muaj mob los txais kev pab, thiab kev rov qab noj qab haus huv, nrog rau txoj kev noj qab haus huv rau cov kwv kho mob thiab cov neeg ua haujlwm muab kev pab rau tus neeg muaj mob. Nws kwj yuav pab txo tej nqi ntawm tej yam kev pab uas yog cheem tau yuav tsis tau siv thiab them nyiaj ntau siv txoj kev kho mob thiab kev nrhiav neeg los saib xyuas thiab nrhiav kev pab rau tus neeg muaj mob.

Kev pab muaj muab rau ib tug neeg tau ntsib kev phem lossis kev ntshai rhau los xav kom sawv daws:

• Paub txog txoj kev ib yam kev phem lossis kev ntshai uas tau tshwm sim rau ib tug neeg loj npaum cas thiab to taub cov kev taug muaj rau txoj kev yuav kho tau kom rov zoo 
• Paub txog cov xeeb ceem muaj thaum ib tug neeg muaj mob, ib tsev neeg, thiab cov neeg ua haujlwm tau ntsib kev phem lossis kev ntshai rhau los lawm 
• Muab cov kev kawm thiab paub txog cov kev phem lossis kev ntshai tau ntsib rhau los ntawm ib tug neeg tso nyob rau cov kev cai, cov txheej txheem siv, thiab kev siv thaum muab kev pab
• tas zog cheem kom txhob rov qab muaj kev ntshai lossis ua tus neeg muaj mob rov qab mob dua.

Kev Kawm Thiab Paub Txog Tus Kab Mob Kis Los Ntawm Tus Kab Zuam Tom (Lyme Disease)

• Pib lub xyoo 2016 mus txog ntua lub xyoo 2020, lub xeev Wisconsin muaj txog ntawm 3,519 tus neeg kuaj tau muaj tus kab mob kis los ntawm tus kab zuam tom (Lyme disease) nyob rau txhua xyoo.
• Ib tug kab zuam yuav tau tom thiab nyob rau ntawm ib tug neeg txog qhov tsawg 24 xuab moo thiaj yuav kis tau tus mob Lyme disease rau tus neeg. Nws yog ib qho tseem ceeb heev tshem ib tug kab zuam saib li saib tau thaum pom nyob rau ib tug neeg thiaj cheem tau txoj kev kis kab mob. 
• Tus Kab Mob Kis Los Ntawm Tus Kab Zuam Tom (Lyme Disease) yog ib hom kab mob uas yuav cheem tau tsis mob thiab muaj tshuab pab kho kom rov zoo. Mus saib tau rau ntawm qhov chaw DHS Tick Bite Prevention Page yog xav paub ntxiv.