Spooky Symphony ap Tounen pou 13yèm ane Plezi ak Laperèz pou Timoun ak Fanmi

Konsè gratis an pèsòn pou fèt 30 Oktòb la

Pou paran, Halloween ka yon tèt fè mal. Tout kalite sirèt, mechanste ak enkyetid sekirite pafwa vle di paran ak moun k ap bay swen oblije pran gwo prekosyon ak pitit yo olye yo jwi fèstivite e sirèt yo. Se pa tout aktivite Halloween ki bay estrès. Lè konsa Spook Symphony ap vreman antre nan sèn nan.

13yèm konsè anyèl Trust la ap patwone, ke yo te menm pèsevere pandan pandemi an ak yon pèfòmans vityèl ap tounen an pèsòn 30 oktòb pou bay timoun, paran ak moun kap bay swen bon chans pou jwi jou fèt la san yo pa enkyete yo de okenn lòt distraksyon. Evènman an se yon pèfòmans gratis yon èdtan kote lajenès ka koute bèl mizik Greater Miami Youth Symphony ak Alhambra Orchestra ki pral jwe tèm fim Jurassic Park, Gladiator ak Avenger Saga, e ap gen anplis mizik Broadway tankou Wicked, e yon pyès dramatik ak tèm etranj tankou Dans Macabre.

Anseye Timoun yo Sou Sèks Depi yo Piti

Kijan pou kontinye pale sou sa

Ak kouran politik kap chanje an menm tan ak edikasyon seksyèl, èske w vle konte sèlman sou sistèm lekòl la pou pitit ou aprann enfòmasyon enpòtan konsa? Ou kwè pawòl kondisip li pandan yon pwomnad nan Everglades? Pou w pataje valè w sou sijè kontrasepsyon ak abstinans, fo w pale sou sa.  

Ekspè konseye paran pale onètman ak pitit yo sou seksyalite moun depi nan lekòl matènèl pou yo ka toujou yon sous enfòmasyon, ki pral fasilite pita dyalòg ki pi difisil epi ede adolesan yo pran bon desizyon pou byennèt ak sekirite yo. Swivan yon liv Ameriken Girl sou adolesans ki di jan pou reponn kote tibebe soti, men konsèy pou w abòde sijè sansib. Men, si w regrèt ou pat pale sou sijè delika sa yo pi bonè, li pa janm twò ta e li ka pozitif si w fè sa!

Patnè Trust ak Depatman Defans Pral Met Anplas Bon Jan Kalite Gadri Pou Fanmi Militè Yo

Yo itilize Inisyativ Thrive by 5 kòm modèl nan tout eta a pou ogmante opòtinite aprantisaj a ba laj

The Children's Trust ak Depatman Defans Ameriken (DoD anglè) pral asosye pou elaji aksè pou fanmi militè ki bezwen jwenn bon jan kalite gadri pou pitit yo. Inisyativ Trust's Thrive by 5 la kontinye ap yon modèl nan tout eta a anrapò ak devlopman timoun piti. Anpil founisè sèvis gadri Trust la finanse pral fè pati pwogram DoD a ki rele Military Child Care in Your Neighborhood Plus (MCCYN-Plus) (Gadri Timoun Militè Nan Katye w) ki bay fanmi militè gadri timoun ki andeyò enstalasyon militè Miami-Dade yo.

The Children's Trust rekonèt enpòtans devlopman sèvo bonè ak enpak li pou gen siksè pita nan lavi. Li envesti nan estrateji pou ede timoun piti ak preparasyon fizik, kognitif, sosyal ak emosyonèl pou yo kòmanse lekòl. Lè yo asosye ak The Trust, DoD ap ka konekte fanmi militè ak yon rezo founisè ki gen estanda ki pi wo kalite pase kondisyon minimòm pou ka sètifye.

Lidè Kominotè Selebre 20yèm Anivèsè Trust La, Lansman Expozisyon Historymiami

Plan pou selebre pandan tout ane a enpak The Trust nan tan pase, aktyèl ak fiti

Se yon gwo defi eseye rezume de deseni travay nan yon sèl evènman selebrasyon. Men, The Children's Trust abitye fè fas ak difikilte durab konsa epi rezoud yo. Le 10 Septanm, Trust la te òganize yon resepsyon espesyal pou selebre 20yèm anivèsè li ak lanse yon ekspozisyon Mize nan HistoryMiami ki rakonte istwa Trust la, pandan plizyè santèn timoun nan mize a tap jwe ak jwi Jounen Family Fun nan.

Se te yon seremoni apwopriye kote lidè kominote yo te reyini, tankou defansè timoun, ofisyèl eli ak lòt pèsonalite enpòtan nan istwa The Trust pou montre enpak òganizasyon an te genyen sou timoun ak fanmi Miami-Dade County.