ᔮᓐᓄᐊᕆ 2019
ᓴᖅᑭᔮᖅᑎᑦᑎᓂᖅ ᑮᓇᐅᔭᖅᑖᕋᓱᐊᖅᑐᓄᑦ ᐊᑭᖏᓐᓄᑦ ᓇᐃᓈᖅᓯᔾᔪᑎ
ᓄᑖᖑᔪᑦ WSCC CONNECT−ᑯᑦ

ᐊᖏᒡᓕᒋᐊᖅᑎᑦᑎᕗᒍᑦ ᖃᕋᓴᐅᔭᑎᒍᑦ ᐱᔨᑦᑎᕋᕐᓂᑦᑎᓐᓂ! ᐃᖅᑲᓇᐃᔭᖅᑎᖁᑎᓖᑦ ᐊᑐᐃᓐᓇᖃᕈᓐᓇᖅᓯᕗᑦ ᑮᓇᐅᔭᖅᑖᕋᓱᐊᖅᑐᓄᑦ ᐊᑭᖏᓐᓄᑦ ᓇᐃᓈᖅᓯᔾᔪᑎ ᐅᕙᓂ WSCC Connect ᐱᔭᕆᐊᖃᑐᐊᕌᖓᑕ.

ᑮᓇᐅᔭᖅᑖᕋᓱᐊᖅᑐᓄᑦ ᐊᑭᖏᓐᓄᑦ ᓇᐃᓈᖅᓯᔾᔪᑎ ᑭᓲᖕᒪ? ᐅᓂᒃᑳᓕᐊᖑᕗᖅ ᓴᓇᔭᐅᓯᒪᓪᓚᕆᒃᑐᒥ ᐃᖅᑲᓇᐃᔭᖅᑎᖁᑎᓕᖕᓄᑦ ᑕᑯᒃᓴᐅᑎᑦᑎᔪᒥ ᑮᓇᐅᔭᓕᕆᓂᕐᒧᑦ ᐅᖃᐅᓯᒃᓴᓂ ᓇᓕᐊᑐᐃᓐᓇᕐᓄᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ−ᓇᒻᒪᒋᔭᖏᓐᓄᑦ ᐊᑭᓕᖅᑕᐅᔪᒪᔾᔪᑎᓄᑦ. ᓇᐃᒡᓕᒋᐊᖅᑎᑦᑎᓯᒪᕗᖅ ᐃᓅᓕᓴᕐᓂᕐᒧᑦ, ᐊᔪᕈᓐᓃᖅᓴᓂᕐᒧᑦ, ᐊᒻᒪ ᐅᑎᖅᑐᒃᓴᐅᑕᐅᒐᔪᒃᑐᒥ ᐊᑭᓂᑦ ᐊᑐᓂᒧᑦ ᐃᓄᑐᐃᓐᓇᕐᒧᑦ ᐊᑭᓕᖅᑕᐅᔪᒪᔾᔪᑎᓂᑦ, ᐊᒻᒪ ᑐᓂᓯᓪᓗᓂ ᑲᑎᓪᓗᒍ ᐃᖅᑲᓇᐃᔭᖅᑎᖁᑎᓕᖕᓄᑦ ᐊᑭᖓᓂᑦ.

ᖃᓄᐃᒻᒪᑦ ᑕᑯᒋᐊᓪᓗᐊᖅᐱᑦ ᑮᓇᐅᔭᖅᑖᕋᓱᐊᖅᑐᓄᑦ ᐊᑭᖏᓐᓄᑦᓇᐃᓈᖅᓯᔾᔪᑎᓂᑦ? ᐃᖅᑲᓇᐃᔭᕐᕕᐅᔪᑦ ᑕᑯᒋᐊᕈᓐᓇᕐᓂᐊᓕᖅᑐᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᐱᓕᕆᔾᔪᑎᖏᓐᓂᑦ, ᓇᓗᓇᐃᔭᐃᔪᓐᓇᓕᕐᓗᑎᒃ ᐊᑐᓕᖅᑕᐅᕙᑦᑐᓂᑦ ᐅᖃᐅᓯᐅᕙᑦᑐᑦ ᐱᓪᓗᒋᑦ ᐋᓐᓂᐸᑦᑐᑦ, ᐊᒻᒪ ᓯᕗᓪᓕᐅᔾᔨᕙᓪᓗᑎᒃ ᐃᑲᔪᕐᓂᒃᑯᑦ ᐃᖅᑲᓇᐃᔭᖅᑎᓂᑦ ᐅᑎᕈᓐᓇᖁᓪᓗᒋᑦ−ᐃᖅᑲᓇᐃᔮᖏᓐᓄᑦ. ᓯᕗᓂᐊᓂ, ᑮᓇᐅᔭᖅᑖᕋᓱᐊᖅᑐᓄᑦ ᐊᑭᖏᓐᓄᑦᓇᐃᓈᖅᓯᔾᔪᑎᑦ ᑎᑎᕋᕐᓯᒪᔪᑦ ᑎᑎᖅᑲᓂᐊᕐᕕᒃᑯᑦ ᐊᐅᓪᓚᖅᑎᑕᐅᕙᓚᐅᕋᓗᐊᕐᒪᑕ ᐃᖅᑲᓇᐃᔭᖅᑎᓄᑦ ᐊᕐᕌᒎᑉ ᐃᓗᐊᓂ ᓇᓗᓇᐃᕐᓯᒪᔪᓂ. ᖃᕋᓴᐅᔭᒃᑰᖔᓕᖅᑎᓪᓗᒍ, ᐃᖅᑲᓇᐃᔭᕐᕖᑦ ᒫᓐᓇᓂᓴᐅᓛᓂᑦ ᑎᑎᕋᕐᓯᒪᔪᓂᑦ ᑐᑭᓯᒋᐊᕈᑎᓂᑦ ᑕᑯᒋᐊᕈᓐᓇᕐᓂᐊᓕᖅᑐᑦ ᐊᑐᐃᓐᓇᐅᔪᓂᑦ, ᖃᖓᑐᐃᓐᓇᑦᑎᐊᒃᑯᑦ ᐱᔪᒪᓕᕈᑎᒃ, ᐊᒥᓱᐃᖅᓱᕐᓗᒍ ᐱᔪᒪᒑᖓᑎᒃ ᐊᒻᒪ ᐊᑐᕐᓗᒍ ᐃᑲᔪᐃᓂᕐᒧᑦ ᖃᐅᔨᓴᐃᓂᖓᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᑎᑎᖅᑲᖁᑎᖏᓐᓂ ᐊᒻᒪ ᕿᒥᕐᕈᓗᒍ ᐊᕐᕌᒍᒐᓴᓄᑦ. WSCC Connect−ᒧᑦ ᐱᓕᕆᔾᔪᑎᖃᖅᐲᑦ? ᐊᑎᓕᐅᖃᑕᐅᒋᑦ ᑕᐃᒪᐃᑦᑐᖅᑖᕐᓂᕐᒧᑦ ᐅᓪᓗᒥ!
ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ ᑐᓂᔭᐅᓯᒪᔭᕆᐊᓖᑦ ᕕᕈᐊᕆ 28-ᒥ
ᐃᓚᓕᐅᑎᓗᒍ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᓄᑖᙳᖅᑎᑕᐅᓯᒪᓂᖓ

ᑭᖑᕙᖓᑦᑕᐃᓕᒋᑦ: ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ (APR) ᐱᔭᕇᖅᑕᐅᔭᕆᐊᓕᒃ ᕕᕈᐊᕆ 28, 2019-ᒥᑦ ᐊᑭᓖᑎᑕᐅᒃᑲᓐᓂᕈᒪᙱᒃᑯᕕᑦ. ᑐᓂᓯᒋᐊᖃᖅᑐᑎᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.

ᐃᖅᑲᐅᒪᒋᑦ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᓚᖓ ᓴᖅᑭᑦᑕᐅᕐᖓᓚᐅᖅᑐᖅ ᐊᕐᕌᓂ ᒪᓕᒃᑕᐅᔭᕆᐊᓕᒃ ᐱᔭᕇᖅᓯᓂᕐᒧᑦ ᑐᓂᓂᐊᖅᑕᕐᓂ. ᐅᑯᐊ ᐃᑲᔫᑎᑦᓴᑦ ᖃᓄᖅ ᐅᐸᓗᖓᐃᔭᐃᒍᓐᓇᕐᒪᖔᑦᓯ.

ᖃᐅᔨᓴᖅᐸᓪᓗᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔾᔪᑎᓕᓐᓂᑦ ᑭᐅᔾᔪᑎᑦᓴᓂᑦ ᐱᒋᐊᓚᐅᖏᓂᕐᓂ: WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᐄ/ᐋᒃᑲ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ.

ᒪᓕᓪᓗᒋᑦ ᐊᑐᐊᒐᕗᑦ ᖃᓄᖅ ᐱᓕᕆᒋᐊᖃᕐᒪᖔᑦᓯ: ᑕᒪᕐᒥᑦᑎᐊᑦ ᐊᐱᖅᑯᑏᑦ ᓇᓗᓇᐃᔭᖅᓯᒪᓪᓗᑎ ᑭᓱᒥ ᑕᑯᓇᓱᒋᐊᖃᕐᒪᖔᖅᐱᑦ ᐃᓚᖓ 4-ᒦᑦᑐᖅ ᑕᐃᑲᓂ 
ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ .

ᐃᑲᔪᖅᑕ: ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᕗᑦ ᐃᓕᑦᓯᓐᓂᑦ ᐃᑲᔪᕈᓐᓇᖅᑐᑦ ᐊᐱᖅᑯᑎᓕᕆᑎᓪᓗᓯ ᓱᓕ ᓇᓗᕈᔪᒃᑯᑦᓯ. ᐅᖄᓚᒍᓐᓇᖅᑐᓯ ᐅᕙᑦᑎᓐᓄᑦ ᐅᕗᖓ 1-800-661-0792 ᐊᒻᒪ ᐅᖃᖃᑎᖃᕈᒪᓗᓯ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᑦᑎᓐᓂᑦ ᓴᐳᓐᓂᐊᕐᓂᕐᒧᑦ ᐱᔨᑦᑎᕋᕐᑎᑦ.

ᐱᓕᕆᔾᔪᑏᑦ ᖃᓄᖅ ᐋᖅᑭᑦᓯᒪᒋᐊᖃᕐᓂᖏᓐᓂᑦ ᐃᑲᔪᕆᐊᖃᕈᑦᓯ ᐅᑯᓅᓇ  WSCC Connect , ᑕᑯᓂᐊᕐᓗᒍ  WSCC Connect Help  ᒪᑉᐱᒐᖅ ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᖓᓯᑦᑐᒧᑦ ᐊᑭᓖᒋᐊᖃᖕᖏᑦᑐᑦ ᐅᖄᓚᕕᒋᓗᒋᑦ  1-844-238-5008.
ᑭᓱ ᓄᑖᖑᕙ
2019 ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓪᓗᖅᓯᐅᑎ - ᐊᑐᐃᓐᓇᐅᔪᖅ ᒫᓐᓇ!

ᐊᕐᕌᒍᑕᒫᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑎᒃᑯᑦ (WSCC) ᓴᖅᑮᓲᑦ ᐅᓪᓗᖅᓯᐅᑎᓂ ᓇᓗᓇᐃᕆᓪᓗᓂ ᕿᑲᓐᓇᐅᑉ ᐅᓪᓗᖏᓐᓂ ᐊᒻᒪ ᐱᒻᒪᕆᐅᔪᑦ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑎᒃᑯᓐᓂ (WSCC) ᐅᓪᓗᖁᑎᒋᔭᐅᔪᑦ ᐊᒻᒪ ᖃᓄᐃᓕᐅᕈᑕᐅᓂᐊᖅᑐᓂ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ. ᐊᑭᓐᓇᕐᒥᐅᑕᓂ ᐅᓪᓗᖅᓯᐅᑎᑖᕈᒪᒍᕕᑦ ᐃᖅᑲᓇᐃᔭᕐᕕᖕᓄᑦ, ᐃᕐᖐᓐᓈᖅᑕᐅᑎᒃᑯᑦ ᑎᑎᕋᕐᕕᐅᑕ!

           
       
ᐊᑭᖃᙱᑦᑐᖅ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᒐᒃᓴᖅ: ᐅᑭᐅᖅ ᓄᑖᖅ, ᓄᑖᑦ ᐅᓪᓗᐃᑦ

ᐅᑭᐅᖅ ᓄᑖᖅ, ᓄᑖᑦ ᐅᓪᓗᐃᑦ, ᓄᑖᑦ ᓄᓇᓖᑦ: ᖁᕕᐊᓱᒃᐳᒍᑦ ᓇᓗᓇᐃᖅᓯᔭᕆᐊᒃᓴᖅ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᕋᒃᓴᓂᑦ ᐃᓕᓯᒃᑲᓂᖅᓯᒪᒐᑦᑕ!

ᐃᓕᓴᕆᔭᐅᔾᔪᑎᓖᑦ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᑎᑦᑎᓂᕐᒥᑦ ᐃᓕᓴᐃᔩᑦ ᐊᐅᓪᓚᑲᑕᒃᑲᓂᕐᓂᐊᓕᕆᕗᑦ ᐅᑭᐅᖅᑕᖅᑐᒥ ᐊᑐᐃᓐᓇᐅᑎᑦᑎᒋᐊᖅᑐᓪᓗᑎᑦ ᐅᑭᐅᖅᑕᖅᑐᒥᐅᓂᑦ ᐊᑐᖅᑕᐅᒐᔪᑦᑐᓂᒃ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᑎᑦᑎᓂᕐᒥᑦ (ᐱᖃᓯᐅᑎᓪᓗᒍ ᐊᓂᖅᓵᖅᑎᑦᑎᓇᓱᓐᓂᕐᒥᑦ ᐊᒻᒪᓗ ᐊᓂᖅᓵᑎᑦᑎᓂᕐᒧᑦ ᓱᓇᒃᑯᑖᑦ ᐊᑐᖅᑕᐅᕙᑦᑐᓂ) − ᐊᑭᖃᙱᑦᑐᖅ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᔨᐅᔪᓄᑦ
.

ᐅᑯᐊ ᐅᓪᓗᐃᑦ−ᒪᕐᖁᖕᓄᑦ ᐃᓕᓐᓂᐊᕐᓂᐅᔪᑦ ᐱᓕᕆᐊᖑᓂᐊᖅᐳᑦ ᐅᑯᓇᓂ ᓄᓇᓕᐅᔪᓂᓗ ᓇᕿᓪᓗᒍ ᐅᓪᓗᖏᑦ ᐊᑖᓃᑦᑐᑦ ᐱᒋᐊᖅᐸᓪᓕᐊᓂᐊᖅᑎᓪᓗᑎᑦ ᐃᓚᐅᖃᑕᐅᓂᕐᒧᑦ:
ᐱᑕᖃᙱᓚᖅ ᐊᑭᓂᑦ ᐱᖃᑕᐅᓂᐊᖅᑐᓄᑦ ᑖᔅᓱᒥᖓ ᐃᓚᐅᓂᕐᒥᑦ ᐃᓕᓐᓂᐊᕋᔅᓴᒥ. ᐃᓚᐅᖃᑕᐅᔪᑦ ᓇᒻᒥᓂᖅ ᑲᒪᒋᔭᖃᕆᐊᖃᖅᑯᑦ ᐊᑭᖏᓐᓂᒃ ᐊᐅᓪᓚᕆᐊᖃᕐᓂᐊᕈᑎ ᐊᒻᒪᓗ ᑕᐃᑲᓂ ᐃᓕᓐᓂᐊᕐᓂᐅᔪᒥ. ᐃᖅᑲᐃᑎᑦᑎᒋᐊᕈᑏᑦ:
  • ᖃᑦᑏᓐᓇᐅᓛᑦ ᐱᖃᑕᐅᒍᓐᓇᖅᑯᑦ 12 ᐊᑐᓂ ᐃᓕᓐᓂᐊᕐᓂᐅᔪᓄᑦ. ᑖᓐᓇ ᐃᓕᓐᓂᐊᖅᑎᑦᑎᔨᐅᔪᖅ ᖃᐅᔨᒋᐊᕐᕕᖃᕐᓂᐊᖅᑯᖅ ᐊᑎᓕᐅᖃᑕᐅᔪᓕᒫᓂ ᐱᖃᑕᐅᒍᓐᓃᖅᑐᖃᕐᓂᐊᓂᖅᑲᑦ ᐅᕝᕙᓘᓐᓃᑦ ᐊᓯᐊᒍᖔᕆᐊᖃᖅᑐᖃᖅᑲᑦ.
     
  • ᑖᒃᑯᐊ ᐃᓕᓐᓂᐊᕐᓂᐅᔪᑦ ᑕᑕᑉᐸᑕ, ᒪᓕᑐᐃᓐᓇᕐᓗᒍ ᑕᒪᓐᓇ ᐊᑎᓕᐅᖃᑕᐅᓂᐅᔪᖅ ᐅᑕᖅᑭᖃᑕᐅᓂᐊᕐᓗᑎᑦ. ᖃᐅᔨᒃᑲᐃᓂᐊᖅᑯᒍᑦ ᐃᓕᓐᓂᒃ ᒪᑐᐃᖅᑐᖃᕐᓂᖅᑲᑦ ᐃᓂᒃᓴᒥᑦ.
     
  • ᖃᑦᑎᐅᓂᖏᑦ ᓈᒻᒪᒃᐸᑕ ᐱᖃᑕᐅᒍᒪᔪᑦ ᑕᐃᑲᓂ ᐅᑕᖅᑭᖃᑕᐅᔪᑦ, ᐃᓱᒪᔅᓴᕐᓯᐅᕐᓂᐊᖅᑯᒍᑦ ᐃᓚᓕᐅᔾᔨᑲᓐᓂᓂᕐᒥᑦ ᐃᓕᓐᓂᐊᕋᔅᓴᓂᒃ ᐃᕝᕕ ᓄᓇᓕᖓᓐᓂ ᐅᓪᓗ ᐅᐊᑦᑎᐊᕈᒃᑲᓂᖅᑎᓪᓗᒍ.
ᒫᓐᓇᐅᓂᖅᐹᒧᑦ ᐊᑎᓕᖅᑕᐅᓯᒪᔪᑦ ᓄᓇᓖᑦ, ᖃᐅᔨᒋᐊᕐᕕᒋᓗᒍ  ᖃᕋᓴᐅᔭᒃᑯᑦ ᐃᑭᐊᖅᑭᕕᕗᑦ . ᑕᑯᙱᑯᕕᐅᒃ ᓄᓇᓕᒋᔭᐃᑦ ᑎᑎᕋᖅᑕᐅᓯᒪᔪᓂᑦ, ᖃᐅᔨᒋᐊᕐᕕᒋᑎᒍᑦ ! ᐸᕐᓇᑐᐃᓐᓇᕆᐊᖃᖅᑯᒍᑦ ᐃᓕᓐᓄᑦ ᑐᐊᕕᕐᓇᖅᑐᓕᕆᓂᕐᒥᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕝᕙᓘᓐᓃᑦ ᐊᑎᓕᐅᖃᑕᐅᒍᒪᒍᕕᑦ ᐅᖄᓚᐅᑎᒃᑯᑦ, ᐊᑏ ᐅᖄᓚᕕᒋᑎᒍᑦ ᐅᕗᖓ 1-800-661-0792 ᐊᒻᒪᓗ ᐊᐱᕆᓗᑎᑦ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᕋᔅᓴᒥᒃ.
ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ
ᓇᐃᓴᐅᑎᑎᒍᑦ

           

ᖃᐅᔨᒪᕗᒍᑦ, ᖃᐅᔨᒪᕗᒍᑦ − ᓲᕐᓗ ᑐᓴᕐᓈᕈᒻᒥ ᓱᕋᒃᓯᒪᔪᑎᑐᑦ. ᐅᓗᕆᐊᓇᕐᓂᐅᔪᒥ ᐅᕙᑦᑎᓐᓂ ᐅᖃᐃᓐᓇᓗᐊᕌᓗᖕᓂᑦᑎᓐᓂ, ᓇᐅᓴᑎᓂᑦ ᐅᖃᓪᓚᒃᑎᑦᑎᖔᖅᐳᒍᑦ. ᐅᕙᓂ, ᓇᐅᓴᐅᓯᕆᓂᒃᑯᑦ ᐅᖃᓪᓚᒃᖢᓂ, ᓇᐅᑦᑎᖅᓱᓪᓗᐊᖅᐳᑎᑦ ᖁᐊᐃᔭᕿᓐᓂᓂᑦ, ᐹᓪᓚᖕᓂᓂᑦ, ᐊᒻᒪ ᑲᑕᖕᓂᓂᑦ ᑕᒪᑐᒪᓂ ᐊᕐᕌᒎᑉ ᐃᓚᖓᓐᓂ:

2017−ᒥ, 22.9%−ᖑᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᑮᓇᐅᔭᖅᑖᕋᓱᐊᖅᑐᓄᑦ ᐱᔾᔪᑎᖃᓚᐅᖅᐳᑦ ᖁᐊᐃᔭᕿᓐᓂᓂᑦ, ᐹᓪᓚᖕᓂᓂᑦ, ᐅᕝᕙᓘᓐᓃᑦ ᑲᑕᖕᓂᓂᑦ. ᐊᑕᐅᓯᐅᕗᖅ ᑕᓪᓕᒪᓂ.

ᑕᒪᓐᓇ ᑐᑭᖃᖅᐳᖅ ᐱᓚᐅᖅᐳᒍᑦ ᐊᑐᖅᑕᐅᓪᓗᐊᑕᓲᓂᑦ 1.79−ᓂ ᖁᐊᐃᔭᕿᓐᓂᓂ, ᐹᓪᓚᒃᑐᓂ, ᐊᒻᒪᓗ ᑲᑕᒃᑐᓂ ᑮᓇᐅᔭᖅᑖᕋᓱᐊᖅᑐᓄᑦ ᐊᑐᓂ ᐅᓪᓗᕐᒥ.

ᖄᖏᖅᓯᒪᓕᖅᑐᓄᑦ ᐊᕐᕌᒍᓄᑦ 5−ᓄᑦ, ᐊᑐᖅᑕᐅᓪᓗᐊᑕᓲᑦ ᖁᐊᐃᔭᕿᓐᓂᓂ, ᐹᓪᓚᒃᑐᑦ, ᐊᒻᒪᓗ ᑲᑕᒃᑐᑦ ᐊᑭᓕᖅᑕᐅᔪᒪᔾᔪᑎ ᐊᑭᖓ $7,699−ᖑᕗᖅ.

2017−ᒥ, ᐊᑭᓖᓚᐅᖅᐳᒍᑦ $4,100,000−ᐸᓗᖕᓂ 717−ᓄᑦ ᖁᐊᐃᔭᕿᓐᓂᕐᓄᑦ, ᐹᓪᓚᖕᓂᕐᓄᑦ, ᐊᒻᒪ ᑲᑕᖕᓂᕐᓄᑦ ᐋᓐᓂᕐᓂᐅᔪᓄᑦ. (!!!)



ᑕᐃᒫᒃ, ᖃᓄᐃᓐᓂᐊᖅᐱᑕ?

ᐊᑐᕐᓗᑎᑦ ᓈᒻᒪᒃᑐᓂ ᑲᒪᒋᔭᕆᐊᖃᖅᑕᓂᑦ! ᐃᓱᒪᒋᒍᒃ PPE−ᒋᔭᕐᓄᑦ − ᓇᖕᒥᓂᖅ ᐋᓐᓂᖅᑕᐃᓕᔾᔪᑎᑦ.

ᐃᖅᑲᐅᒪᒍᒃ ᐃᓗᐊᒍᑦ ᑲᒪᒋᔭᖃᕐᓂᐅᔪᒥᑦ ᐱᓕᕆᔾᔪᓯᐅᔪᒥ (IRS): ᑕᑯᒍᕕᑦ ᐊᑦᑕᕐᓇᕈᓐᓇᖅᑐᒥᑦ, ᐋᖅᑭᒋᐊᕈᒃ ᐅᕝᕙᓘᓐᓃᑦ ᐅᖃᐅᓯᕆᓗᒍ.

ᐃᖅᑲᐅᒪᒋᑦ, ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ ᖃᓄᐃᓐᓂᐅᔪᑦ ᓯᓚᒦᓐᓇ ᐱᓲᖑᙱᓚᑦ. ᐃᖅᑲᓇᐃᔭᕐᕕᒋᔭᕐᓂ ᐃᓂᒋᔭᕐᓂᑦ ᓴᓗᒪᑎᑦᑎᐊᕐᓗᒍ! ᓴᓗᒻᒪᖅᓴᐃᑦᑎᐊᕐᓂᖅ ᐃᓕᖕᓂᑦ ᓴᐳᔾᔨᔪᓐᓇᖅᐳᖅ ᐋᓐᓂᕐᓂᐅᔪᒥᑦ. ᐊᒻᒪ ᐃᑲᕐᕋᓂᒃ ᐊᓯᐅᔨᓂᐅᔪᒥ ᐃᖅᑲᓇᐃᔭᕐᓂᕐᒧᑦ. ᐊᒻᒪ ᐊᓯᐅᔨᓂᐅᔪᒥ ᑐᓂᓯᓂᕐᒧᑦ ᐊᑭᓕᖅᑕᐅᔪᒪᔾᔪᑎᖕᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ.
wscc.nt.ca   /  1.800.661.0792   *   wscc.nu.ca  /  1.877.404.4407