ᓯᑎᐱᕆ 2018
ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᒪᓕᒐᙳᖅᑎᑕᐅᓂᖓ
ᖃᓄᖅ ᑐᑭᖃᕐᒪᖔᖅ ᐃᒡᕕᑦ ᐃᖅᑲᓇᐃᔭᕐᕕᖓᓄᑦ



ᖃᓪᓕᕙᓪᓕᐊᓕᖅᑎᓪᓗᑕ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᒪᓕᒐᙳᖅᑎᑕᐅᓂᖓᓄᑦ ᑲᓇᑕᒥ, ᑕᒪᕐᒥ ᐃᖅᑲᓇᐃᔭᖅᑎᖁᑎᓖᑦ ᐊᒻᒪᓗ ᐃᖅᑲᓇᐃᔭᖅᑏᑦ ᐃᓱᒪᒃᓴᖅᓯᐅᖅᐸᓪᓕᐊᕆᐊᓖᑦ ᖃᓄᖅ ᑖᓐᓇ ᐊᒃᑐᐃᓂᖃᕐᓂᐊᕐᒪᖔᖅ ᐃᖅᑲᓇᐃᔭᕐᕕᖕᒥ ᐊᒻᒪᓗ ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒥ. ᓂᐅᖅᓯᓗᓂ ᐅᕝᕙᓘᓐᓃᑦ ᓱᐴᖅᑐᕐᓗᓂ ᐋᖓᔮᕐᓇᖅᑐᒥ ᐱᕈᖅᑐᕕᓂᕐᒥ ᕿᓚᒻᒥᐅᔪᒃᑯᑦ ᐊᒃᑐᐃᓂᖃᓲᖅ ᐃᓅᑉ ᐃᓱᒪᖓᓄᑦ ᐊᒻᒪᓗ ᑎᒥᖓᓄᑦ ᐊᔪᙱᓐᓂᕆᔭᖏᓐᓄᑦ. ᕿᓚᒻᒥᐅᔪᒃᑯᑦ ᐊᒃᑐᐃᓂᐅᔪᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᐅᑉ ᐊᑐᖅᑕᐅᓂᖓ ᐊᔾᔨᒌᖃᑦᑕᔾᔮᙱᑦᑐᑦ, ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᖅ ᐃᓱᒫᓘᑕᐅᔪᖅ ᑖᒃᑯᐊ ᐃᖅᑲᓇᐃᔭᖅᑏᑦ ᓱᓐᓂᐅᒪᑐᐃᓐᓇᕆᐊᓖᑦ ᐃᖅᑲᓇᐃᔭᖅᑎᓪᓗᒋᑦ, ᐊᒃᑐᐃᓂᖃᓕᕋᔭᖅᑐᖅ ᐊᔪᙱᓐᓂᕆᔭᖓᓂ ᐃᖅᑲᓇᐃᔭᑦᑎᐊᕈᓐᓇᕐᓂᕐᒧᑦ ᐊᑦᑕᓇᔾᔭᐃᖅᓯᒪᓗᑎ.

ᖃᓄᐃᑦᑐᒥ ᐃᖅᑲᓇᐃᔮᖃᕋᓗᐊᕈᕕᑦ ᐃᖅᑲᓇᐃᔭᕐᕕᖕᓂ, ᑖᓐᓇ ᐱᔭᕆᐊᑭᑦᑐᖅ: ᐱᓕᕆᔪᓐᓇᑦᑎᐊᖅᐲ ᐃᖅᑲᓇᐃᔭᕐᓂᕐᒧᑦ?
  • ᐃᖅᑲᓇᐃᔭᖅᑎᖁᑎᓖᑦ ᐱᔭᒃᓴᖃᖅᑐᑦ ᖃᐅᔨᒪᒋᐊᑦᑎᐊᕐᓗᑎ ᐃᖅᑲᓇᐃᔭᖅᑎᐅᔪᖅ ᐱᓕᕆᖏᓪᓗᓂ ᖃᓄᐃᑦᑐᑐᐃᓐᓇᕐᒥ ᐱᓕᕆᐊᒃᓴᕆᔭᒥᓂ ᐱᓕᕆᔪᓐᓇᙱᑦᑕᖓᓂ ᐊᑦᑕᓇᔾᔭᐃᖅᓯᒪᓗᓂ.
     
  • ᐃᖅᑲᓇᐃᔭᖅᑏᑦ ᐱᔭᒃᓴᖃᖅᑐᑦ ᑐᓴᐅᒪᑎᑦᑎᓂᕐᒥ ᐃᖅᑲᓇᐃᔭᕐᕕᒋᔭᒪᓂ ᖃᐅᔨᒪᔭᐅᔪᓂ ᑎᒥᒃᑯᑦ ᐅᕝᕙᓘᓐᓃᑦ ᐃᓱᒪᒃᑯᑦ ᓱᓐᓂᐅᒪᓂᐅᔪᓂ ᐊᒃᑐᐃᓂᖃᑐᐃᓐᓇᕆᐊᓕᖕᓂ ᐱᓕᕆᔪᓐᓇᕐᓂᖓᓂ ᐱᓕᕆᐊᒃᓴᕆᔭᒥᓂ ᐊᑦᑕᓇᔾᔭᐃᖅᓯᒪᓗᓂ.
ᐃᖅᑲᓇᐃᔭᖅᑎᐅᑉ ᐊᔪᙱᓐᓂᖓ ᐱᓕᕆᔪᓐᓇᕐᓂᕐᒧᑦ ᐱᓕᕆᐊᒃᓴᒥᓂ ᐊᑦᑕᓇᔾᔭᐃᖅᓯᒪᓗᓂ ᐅᓗᕆᐊᓇᖅᑐᒦᑉᐸ, ᐅᕝᕙᓘᓐᓃᑦ ᓱᓐᓂᐅᒪᒃᐸᑕ ᐱᔾᔪᑕᐅᓗᓂ ᑕᖃᓯᒪᓂᕐᒧᑦ, ᖃᓂᒪᓂᕐᒧᑦ, ᐃᒥᐊᓗᖕᒧᑦ, ᐋᖓᔮᕐᓇᖅᑐᓄᑦ, ᐅᕝᕙᓘᓐᓃᑦ ᖃᓄᐃᑦᑐᑐᐃᓐᓇᕐᒧᑦ ᖃᓄᐃᓐᓂᐅᔪᒧᑦ ᐅᓗᕆᐊᓇᕈᑕᐅᑐᐃᓐᓇᕆᐊᓕᖕᒥ ᐊᑦᑕᓇᔾᔭᐃᖅᓯᒪᒋᐊᖃᕐᓂᖏᓐᓄᑦ (ᐅᕝᕙᓘᓐᓃᑦ ᐊᓯᖕᒥᓄᑦ ᐃᖅᑲᓇᐃᔭᖃᑎᒥᓄᑦ ᐃᖅᑲᓇᐃᔭᕐᕕᖕᒥ), ᐃᖅᑲᓇᐃᔭᖅᑎᖁᑎᓕᒃ ᐱᔭᒃᓴᖃᖅᐳᖅ ᓴᐳᔾᔨᓯᒪᓂᕐᒥᑦ ᐃᖅᑲᓇᐃᔭᖅᑎᓕᒫᓂ ᐃᖅᑲᓇᐃᔭᕐᕕᖕᒥ ᖃᓄᐃᓐᓂᐅᑐᐃᓐᓇᕆᐊᓕᖕᒥ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑮᓯᒪᔪᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᓴᐅᒪᔾᔪᑎᒃᓴᓂ ᓱᓐᓂᐅᒪᓂᕐᒧᑦ, ᑐᕌᒐᖃᖅᖢᑎ ᐊᔾᔨᒌᙱᑦᑐᓂ ᓇᑭᙶᕐᓂᐅᔪᑦ  ᓱᓐᓂᐅᒪᓂᕐᒧᑦ:
  • ᓱᓐᓂᐅᒪᓂᖅ ᐃᖅᑲᓇᐃᔭᕐᕕᖕᒥ
  • ᐃᒥᐊᓗᖕᒥ ᐊᑐᕐᓂᕐᒧᑦ ᐊᒻᒪ ᐃᖅᑲᓇᐃᔮᖅ
  • ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐃᖅᑲᓇᐃᔭᕐᕕᖕᒥ
  • ᑕᖃᓯᒪᓂᖅ
  • ᐃᓅᓕᓴᐅᑎᑦ ᐊᒻᒪ ᖃᓂᒪᓂᖅ
ᑕᖅᑭᐅᓂᐊᖅᑐᒥ, ᐊᓯᖏᑦ ᐃᑲᔪᕈᑎᒃᓴᐃᑦ ᐊᑐᐃᓐᓇᐅᓂᐊᖅᑐᑦ ᐅᕙᓂ  http://www.wscc.nt.ca/iu/impairment-iu 
ᐅᕝᕙᓘᓐᓃᑦ   http://www.wscc.nu.ca/iu/impairment-iu ᒫᓐᓇᐅᔪᖅ, ᐊᐱᖅᑯᑎᒃᓴᖃᕐᓂᕈᕕᑦ ᐱᔾᔪᑎᒋᓗᐳ ᐃᖅᑲᓇᐃᔭᕐᕕᖕᒥ ᐱᔭᒃᓴᕆᔭᐅᔪᓂ ᐊᑖᒍᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓕᖕᓂ, ᐅᖄᓚᕕᐅᔪᓐᓇᖅᑐᒍ ᐅᕙᓂ  1-800-661-0792.
ᑲᓇᑕᒥ ᑎᑎᖅᑲᒃᑯᕕᓕᕆᔨᒃᑯᑦ ᓄᖅᑲᖓᑐᐃᓐᓇᕆᐊᖃᕐᓂᖏᑦ

ᑲᓇᑕᒥ ᑎᑎᖅᑲᒃᑯᕕᓕᕆᔨᒃᑯᑦ ᓄᖅᑲᖓᓚᐅᑲᖕᓂᖏᑦ ᐊᓯᔾᔩᓲᖅ ᖃᓄᖅ ᐱᓕᕆᓲᖑᒻᒪᖔᑦᑕ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓇᓱᐊᒐᖃᕐᒪᑕ ᐱᔨᑦᑎᕋᐅᑎᓂᒃ ᐊᒃᑐᐃᒍᑎᖃᖅᑎᑦᑎᓗᐊᕐᑕᐃᓕᒪᓗᑎᒃ ᑎᒍᒥᐊᕐᑎᓄᑦ.

ᐅᑯᐊ ᕿᒥᕐᕈᐊᕐᓗᒋ ᑎᑎᖃᒃᑯᕕᓕᕆᓂᒃᑯ ᐱᓕᕆᐊᕆᖃᑦᑕᕐᓂᐊᕐᑕᕗᑦ ᐃᖅᑲᓇᐃᔭᖅᑎᒋᔭᑦᑎᓐᓄᑦ, ᓴᓇᔨᓄᑦ, ᑮᓇᐅᔭᖅᑖᕋᓱᒃᑐᓄᑦ ᐊᒻᒪ ᐱᖁᑎᖃᖅᑎᑦᑎᔨᓄᑦ.


ᐊᐱᖅᑯᑎᒃᓴᖃᕐᓂᕈᕕᑦ, ᐊᑏ ᐊᑭᖃᙱᑦᑐᒧᑦ ᐅᖄᓚᕕᐅᑕ ᐅᕙᓂ 1-800-661-0792.
ᖃᐅᔨᒪᓚᐅᖅᐱᑦ?
ᑕᖅᑭᑕᒫᖅᓯᐅᑏᑦ ᑭᒡᓕᓯᓂᐊᖅᑕᐅᔪᑦ ᐋᒡᒌᓯᒧᑦ

ᑕᕿᑕᒫᓐ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓴᕿᑎᑦᑎᖃᑦᑕᖅᑐᑦ ᖃᐅᔨᓇᓱᒍᑎᓂᒃ ᐋᓐᓂᕐᑐᕕᓂᕐᓄᑦ ᑕᖅᑭᐅᓚᐅᕐᑐᒥᑦ ᐅᕙᑦᑎᓐᓂᒃ ᐃᖅᑲᐅᒪᔾᔪᑎᐅᓪᓗᓂ ᐊᑦᑕᓇᖅᑐᓂᒃ ᐊᑐᖅᑕᐃᓕᓂᖅ #worthit (ᐊᑑᑎᖃᕐᓂᖓᓂᒃ). ᒪᓕᖃᑦᑕᙱᒃᑯᕕᑦ ᐅᕙᑦᑎᓐᓂ ᕙᐃᔅᐳᒃᑯᑦ ᐊᒻᒪᓗ ᑐᐃᑐᒃᑯᑦ, ᑕᑯᒋᐊᒃᑭᑦ ᐊᑖᓃᑦᑐᑦ ᐋᒡᒌᓯᒧᑦ ᑭᒡᓕᓯᓂᐊᖅᓯᒪᔭᑦᑎᓐᓂ.



ᖃᐅᔨᒪᒋᐊᑦᑎᐊᕆᑦ. ᑭᒡᓕᓯᓂᐊᖅᑕᐅᓯᒪᔪᑦ ᖃᐅᔨᒪᒃᑭᑦ. ᐊᑦᑕᓇᔾᔭᐃᖅᓯᒪᑦᑎᐊᕆᑦ!

ᐃᓚᐅᖃᑕᐅᒋᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᓐᓂᐅᔪᓂ ᐅᕙᓂ ᕙᐃᔅᐳᒃ ( Facebook) ᐊᒻᒪᓗ ᑐᐃᑐ ( Twitter).
ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᑐᓴᐅᒪᔾᔪᑎ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᒥᕐᕈᔭᐅᓯᒪᔪᑦ ᐱᓕᕆᐊᒃᓴᑦ 2018/2019-ᒧᑦ

ᐃᖅᑲᓇᐃᔭᖅᑎᖁᑎᓖᑦ, ᐊᑏ ᖃᐅᔨᒪᒋᑦ ᓯᕗᒧᐊᖅᐸᓪᓕᐊᓂᖅ 2018/2019-ᒧᑦ, ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐱᓕᕆᐊᒃᓴᖓ ᕿᒥᕐᕈᔭᐅᕙᓪᓕᐊᔪᖅ ᐊᒻᒪᓗ ᓄᖅᑲᖓᑎᑕᐅᑲᐃᓐᓇᖅᑐᖅ ᕿᒥᕐᕈᔭᐅᓂᖓ ᐱᔭᕇᖅᑕᐅᓇᓱᓐᓂᖓᓂ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᖅᓱᖅᑐᑦ ᑲᔪᓯᓂᕆᑦᑎᐊᖅᑕᕐᓂ ᐋᖅᑭᒃᓱᐃᓂᕐᒥ ᐊᒻᒪᓗ ᑲᔪᓯᑎᑦᑎᓂᕐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᐊᖑᔪᓂ ᐊᒻᒪᓗ ᑲᔪᓰᓐᓇᕐᓂᐊᖅᑐᑦ ᐋᖅᑭᒃᓱᐃᓂᕐᒥ ᐃᑲᔪᕈᑎᒃᓴᐅᓂᐊᖅᑐᓂ ᐃᑲᔪᕐᓂᕐᒧᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖄᓚᕕᐅᑕ ᐅᕙᓂ 1-800-661-0792.
ᐃᖅᑲᓇᐃᔭᖅᑎᖁᑎᕕᑦ ᐊᑭᓕᖅᑕᐅᓂᖏᑦ ᖃᐅᔨᒋᐊᒃᑭᑦ
ᐱᕕᖃᖅᑎᑕᐅᓂᕐᒥᑦ ᐊᓯᔾᔩᓂᕐᒧᑦ ᒫᓐᓇᐅᔪᖅ

ᐃᖅᑲᓇᐃᔭᖅᑎᖁᑎᓖᑦ, ᒫᓐᓇ ᐱᐅᔪᖅ ᕿᒥᕐᕈᐊᕐᓂᕐᒥᑦ ᐃᖅᑲᓇᐃᔭᖅᑎᖁᑎᕕᑦ ᐊᑭᓕᖅᑕᐅᓂᖏᓐᓄᑦ ᓇᓚᐅᑦᑖᓚᐅᖅᑕᐃ 2017-ᒧᑦ. ᑕᒪᑐᒪ ᐱᓇᓱᐊᕈᓯᕐᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓇᒃᓯᐅᔾᔨᓚᐅᖅᑐᑦ ᐃᖅᑲᓇᐃᔭᖅᑎᖁᑎᒋᔭᐅᔪᑦ ᐊᑭᓕᖅᑕᐅᔾᔪᑎᖏᓐᓄᑦ ᐊᓯᔾᔨᕈᑕᐅᔪᓂ ᑕᒪᐃᓐᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ, ᓂᕆᐅᒋᓂᐊᖅᐸᑎᑦ ᐃᒡᕕᑦ ᑎᑎᖅᑲᓂᐊᕐᕕᖓᓂ.

ᐅᓂᒃᑳᓕᐅᖃᑦᑕᕐᓂᖅ ᐊᓯᔾᔨᕈᑕᐅᕐᔪᐊᖅᑐᓂ ᐃᖅᑲᓇᐃᔭᖅᑎᖁᑎᕕᑦ ᐊᑭᓕᖅᑕᐅᓂᖏᓐᓄᑦ ᓇᓚᐅᖅᑖᖅᓯᒪᔪᓐᓂ ᐊᕐᕌᒍᓕᒪ ᐃᓗᐊᓂ ᐱᐅᓂᖅᐹᖑᔪᖅ ᐊᑭᓕᒃᓴᖅᑖᕐᓂᐊᖏᓐᓇᕕᑦ ᐊᑦᑎᓗᐊᖅᑐᒥ ᓇᓚᐅᑦᑖᓂᕐᒧᑦ. ᐅᖃᐅᓯᖃᕐᓂᕐᒥᑦ ᐊᓯᔾᔨᕐᓂᐅᔪᓄᑦ, ᑕᑯᒋᐊᕐᓗᒍ  Report or Revise Payroll (ᐅᓂᒃᑳᓕᐅᕐᓂᖅ ᐅᓂᒃᑳᓕᐊᖅ ᐋᖅᑭᒋᐊᖅᓯᓂᕐᒥ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂ) ᖃᕆᓴᐅᔭᒃᑯᑦ−ᐱᔨᑦᑎᕋᕐᓂᖅ ᐅᕙᓂ WSCC Connect ᒪᓕᖁᔭᐅᔪᑦ ᒪᓕᒡᓗᒋᑦ.

ᐊᐱᖅᑯᑎᒃᓴᖃᕐᓂᕈᕕᑦ ᐊᓯᔾᔩᓂᕐᒥᑦ ᐃᖅᑲᓇᐃᔭᖅᑎᖁᑎᒃᐱᑦ ᐊᑭᓕᖅᑕᐅᔾᔪᑎᖏᓐᓂ, ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑎᒃᑯᑦ ᐅᖄᓚᕕᒋᓗᒋᑦ ᓄᓇᑦᓯᐊᕐᒥ ᐅᕙᓂ 1-800-661-0792 ᐊᒻᒪ ᓄᓇᕗᒻᒥ 1-877-404-4407.
ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᒡᓚᒡᕕᖏᑦ ᒪᑐᓯᒪᓛᖅᑐᑦ ᖁᔭᓕᓐᓇᐅᑉ ᐅᓪᓗᖓᓂ ᓇᒡᒐᔾᔭᐅ, ᐅᑐᐱᕆ 8-ᒥ, ᐊᒻᒪ ᒪᑐᐃᒃᑲᓐᓂᕐᓗᑎ ᐊᐃᑉᐱᐅᓕᖅᑲᑦ, ᐅᑎᐱᕆ 9-ᒥ 8:30 ᐅᓪᓗᓛᒃᑯᑦ.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ  WSCC Connect.
wscc.nt.ca   /  1.800.661.0792   *   wscc.nu.ca  /  1.877.404.4407