ᑎᓯᐱᕆ 2018
ᒫᓐᓇᕈᓗᒃ ᓴᖅᑭᓛᖅᑐᖅ: ᓄᑖᖑᔪᑦ WSCC CONNECT ᐱᔨᑦᑎᕋᐅᑏᑦ
ᓇᓪᓕᐅᒃᑯᒫᓕᕆᔨᓂᑦ ᐊᑭᓕᐅᑎᐅᕙᑦᑐᑦ ᐱᓪᓗᐊᑕᖏᑦ

ᔮᓐᓄᐊᕆᒥ 2019, ᓇᓪᓕᐅᒃᑯᒫᓕᕆᔨᓂᑦ ᐊᑭᓕᐅᑎᐅᕙᑦᑐᑦ ᐱᓪᓗᐊᑕᖏᓐᓂᑦ ᑕᑯᔪᓐᓇᕐᓯᓛᓕᖅᑕᑎᑦ ᖃᕋᑕᐅᔭᒃᑯᑦ! ᐅᐸᓪᓗᒋᑦ ᐃᑭᐊᖅᑭᕕᖓᑦ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᒃᑯᑦ ᐃᑭᐊᖅᑭᕕᖓᓐᓄᑦ (WSCC Connect) ᐱᓕᕆᔾᔪᑎᓕᐅᕐᓂᐊᕋᕕᐅᒃ ᐅᓂᒃᑳᓕᐊᕆᕙᑦᑕᐃᑦ ᐊᖑᒻᒪᑎᑦᓯᒪᔪᓂᑦ ᒫᓐᓇᒧᑦ ᑎᑎᕋᕐᓯᒪᓂᖏᑎᒍᑦ ᓇᓪᓕᐅᒃᑯᒫᓕᕆᔨᓂᑦ ᐊᑭᓕᐅᑎᐅᕙᑦᑐᑦ ᑐᑭᓯᒋᐊᕈᑎᖏᓐᓂᑦ ᖃᖓᑐᐃᓐᓇᒃᑯᑦ ᑕᑯᔪᒪᓕᕋᐃᒍᕕᒋᑦ ᑕᑯᓂᐊᕈᓐᓇᕐᓂᐊᕋᕕᒋᑦ.

ᐅᓂᒃᑳᓃ ᑎᑎᕋᕐᓯᒪᕙᑦᑐᑦ ᐊᑭᓕᐅᑎᐅᕙᑦᑐᑦ ᐃᓗᐊᓂ ᐊᑭᓕᕐᓱᐃᕕᐅᑉ ᐊᕐᕌᒎᑉ ᐊᑦᑐᐊᔪᑦ ᐊᑐᓂ ᓇᓗᓇᐃᕐᓯᒪᔪᑦ ᐃᖅᑲᓇᐃᔭᖅᑎᒻᒥᑦ ᐊᑭᓕᕐᓱᐃᔾᔪᑏᑦ, ᐱᑕᖃᖅᐸᑦ. ᐃᖅᑲᓇᐃᔭᕐᕕᐅᔪᑦ ᑕᑯᒋᐊᕈᓐᓇᕐᓂᐊᓕᖅᑐᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᐱᓕᕆᔾᔪᑎᖏᓐᓂᑦ, ᓇᓗᓇᐃᔭᐃᔪᓐᓇᓕᕐᓗᑎᒃ ᐊᑐᓕᖅᑕᐅᕙᑦᑐᓂᑦ ᐅᖃᐅᓯᐅᕙᑦᑐᑦ ᐱᓪᓗᒋᑦ ᐋᓐᓂᐸᑦᑐᑦ, ᐊᒻᒪ ᓯᕗᓪᓕᐅᔾᔨᕙᓪᓗᑎᒃ ᐃᑲᔪᕐᓂᒃᑯᑦ ᐃᖅᑲᓇᐃᔭᖅᑎᓂᑦ ᐅᑎᕈᓐᓇᖁᓪᓗᒋᑦ−ᐃᖅᑲᓇᐃᔮᖏᓐᓄᑦ.

ᓇᓪᓕᐅᒃᑯᒫᓕᕆᔨᓂᑦ ᐊᑭᓕᐅᑎᐅᕙᑦᑐᑦ ᐱᓪᓗᐊᑕᖏᑦ ᑎᑎᕋᕐᓯᒪᔪᑦ ᑎᑎᖅᑲᓂᐊᕐᕕᒃᑯᑦ ᐊᐅᓪᓚᖅᑎᑕᐅᕙᓚᐅᕋᓗᐊᕐᒪᑕ ᐃᖅᑲᓇᐃᔭᖅᑎᓄᑦ ᐊᕐᕌᒎᑉ ᐃᓗᐊᓂ ᓇᓗᓇᐃᕐᓯᒪᔪᓂ. ᖃᕋᑕᐅᔭᒃᑰᖔᓕᖅᑎᓪᓗᒍ, ᐃᖅᑲᓇᐃᔭᕐᕖᑦ ᒫᓐᓇᓂᓴᐅᓂᕐᓴᓂᑦ ᑎᑎᕋᕐᓯᒪᔪᓂᑦ ᑐᑭᓯᒋᐊᕈᑎᓂᑦ ᑕᑯᒋᐊᕈᓐᓇᕐᓂᐊᓕᖅᑐᑦ ᐊᑐᐃᓐᓇᐅᔪᓂᑦ, ᖃᖓᑐᐃᓐᓇᓯᐊᒃᑯᑦ ᑭᖒᒪᑦᓯᓕᕋᐃᒍᑎᒃ.

ᑐᓴᕐᓯᑐᐃᓐᓇᕆᑦᓯ ᑐᑭᓯᒋᐊᖅᑎᑕᐅᒃᑲᓐᓂᓛᕋᑦᓯ ᑕᖅᑭᐅᓛᖅᑐᒥ ᐅᖃᓕᒫᒐᑦᓴᓂ!


ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ
ᓇᖑᓗᑦᑕᐃᓕᒃᑭᑦ ᕿᑲᕐᕕᑎᑦ ᐅᓪᓗᐃᑦ ᐊᑕᐅᓯᕐᒧᑦ!

ᐊᕐᕌᒍ ᐊᓂᒍᕇᕐᒥᔪᖅ: ᐅᐃᒪᔮᕐᓂᐊᓕᕐᒥᒐᑦᑕ ᐊᒻᒪ ᑐᐊᕕᑲᑕᓪᓗᑕ ᕿᑲᕐᓇᐅᓕᕐᒥᑎᓪᓗᒍ ᐊᕐᕌᒍᒥ. ᐊᖏᕐᕋᐃᑦ ᐊᒻᒪ ᐃᖅᑲᓇᐃᔭᕐᕖᑦ ᑕᑯᒥᓇᓕᖅᑎᐸᓪᓕᐊᓪᓗᒍ, ᓂᐅᕕᕐᕕᓕᐊᑲᑕᑦᑐᓂ ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᐊᐅᓪᓚᑎᑦᓯᒋᐊᖅᑐᖅᑐᓂ, ᐊᒻᒪ ᓂᖅᑎᐅᖅᑐᓂ ᕿᑲᕐᓇᒥ ᓂᕆᔭᑦᓴᓂᑦ, ᓇᒧᑐᐃᓐᓇᑦᓯᐊᖅ ᑐᐊᕕᕋᕐᓇᓕᖅᐸᑦᑐᖅ.

ᑐᐊᕕᕋᓗᐊᕈᓐᓃᕆᑦ ᖃᐅᔨᓴᕈᓐᓃᕐᓗᑎᒃ ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ.

ᖃᐅᔨᒪᔪᐃᓐᓇᐅᔪᒍᑦ, ᐅᑭᐅᖅᑕᖅᑐᒥ ᑖᕐᓯᓴᕋᐃᓐᓂᕐᓴᐅᓲᖑᒻᒪᑦ. ᖃᓐᓂᑎᓪᓗᒍ ᑕᕐᕆᓯᒪᓕᓲᖑᒻᒪᑕ ᖁᐊᓴᐅᓂᖏᑦ ᐅᕝᕙᓘᓐᓃᑦ ᓂᓚᐅᓂᖏᑦ ᐊᑐᕆᐊᓂ.

ᖁᕕᐊᓱᑦᑐᐃᓐᓇᐅᒐᓱᓕᖅᑕ ᕿᑲᕐᓇᐅᓂᖓᓂ ᐋᓐᓂᑦᑕᐃᓕᒪᓗᑕ. ᓯᓚ ᒪᓕᓪᓗᒍ ᖃᓄᐃᑦᑑᓂᖓ ᓈᒻᒪᑦᑑᓐᓂᒃ ᑲᒻᒥᑦᓯᒪᕙᓪᓗᑕ ᐃᓯᒐᐅᔭᕐᓯᒪᓗᑕᓘᓐᓃᑦ, ᓯᕗᓂᕐᓄᑦ ᐸᕐᓇᐸᓪᓗᓯ ᐊᒻᒪ ᑐᐊᕕᖅᐸᖏᓪᓗᓯ, ᐊᒻᒪ ᖃᐅᔨᓴᖅᐸᓪᓗᓯ ᓇᒧᖕᖓᓕᕐᒪᖔᑦᓯ ᑕᐃᒪᖕᖓᓕᒫᖅ. ᐅᕙᑦᑎᓐᓂᑦ ᑐᓴᐅᒪᒌᖅᑐᓯ: ᕿᑲᕐᓇᐅᓂᖓ ᐊᑦᑕᓇᑦᑕᐃᓕᒪᓇᓱᐊᖅᐸᑦᑐᓂ ᓱᕙᓕᑭᐊᖑᖏᓯᐊᖅᑐᖅ (#worthit)
!


ᐅᖃᐅᓯᕆᒍ ᐊᑦᑕᕐᓇᖅᑐᓂ ᓴᓇᕕᐅᔪᓂ
ᐊᑦᑕᓇᔾᔭᐃᕐᓯᒪᓂᖅ ᑭᒃᑯᑐᐃᓐᓇᑦᓯᐊᓄᑦ ᐃᑉᐱᒋᔭᒐᐅᕗᖅ

ᐃᓗᐊᒍᑦ ᑲᒪᒋᔭᖃᕐᓂᐅᔪᒥᑦ ᐱᓕᕆᔾᔪᓯᐅᔪᒥ (IRS) ᐅᕙᑦᑎᓐᓄᑦ ᐅᖃᖅᐸᑦᑐᑦ ᐊᑦᑕᓇᔾᔭᐃᕐᓯᒪᓂᖅ ᑭᒃᑯᑐᐃᓐᓇᑦᓯᐊᓄᑦ ᐃᑉᐱᒋᔭᒐᐅᕗᖅ. ᐱᔭᑦᓴᕆᔭᕗᑦ ᐊᑐᓂ ᑭᒃᑯᑐᐃᓐᓇᑦᓯᐊᑦ ᐊᑦᑕᓇᖅᑐᒦᑦᑕᐃᓕᒪᑎᒋᐊᖃᕋᑦᑎᒍ, ᐊᖏᕐᕋᒥᐅᒐᓗᐊᖅ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᒻᒥ. ᒫᓂᓕ ᐅᑭᐅᖅᑕᖅᑐᒥ, ᓄᓇᓕᕗᑦ ᓄᓇᓕᕋᓛᖑᓂᕐᓴᐅᑎᓪᓗᒋᑦ, ᐱᒻᒪᕆᐅᓂᕐᓴᐅᕗᖅ ᐊᓯᑦᑎᓐᓂᑦ ᖃᐅᔨᓴᕐᓂᕐᓴᐅᖃᑦᑕᕆᐊᖃᕐᓂᕗᑦ.

ᖃᐅᔨᒐᐃᒍᑦᓯ ᐊᑦᑕᓇᖅᑐᓂᑦ ᖃᓄᐃᓕᐅᖅᑕᓂᑦ, ᖃᓄᐃᓕᖓᒍᑎᐅᔪᓂᑦ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᓐᓂ ᐊᑦᑕᓇᖅᑐᓂᑦ, ᐱᔪᓐᓇᐅᑎᖃᑦᓯᐊᖅᑐᑎᑦ ᐊᒻᒪ ᐃᑉᐱᒋᔭᖃᖅᑐᑎᑦ ᐅᖃᐅᓯᕆᔭᕆᐊᖃᖅᑐᒍ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑎᕐᓂᒃ ᐅᖃᐅᓯᖃᕆᐊᑐᒐᑎᒃ ᖃᕋᑕᐅᔭᒃᑯᑦ ᐅᖃᐅᓯᖃᕈᒪᔪᓄᑦ ᐱᔨᑦᓯᕋᕈᑎᖃᖅᑐᑦ, Report Unsafe Work, (ᐅᖃᐅᓯᖃᕐᓂᖅ ᐊᑦᑕᓇᖅᑐᓂᑦ ᐃᖅᑲᓇᐃᔭᕐᕕᓐᓂᑦ), ᐅᐸᑦᑕᐅᔪᓐᓇᖅᑐᑦ ᖃᖓᑐᐃᓐᓇᓯᐊᒃᑯᑦ ᐅᓪᓗᓕᒫᑦ ᐊᑐᐃᓐᓇᐃᑦ, ᐱᓇᓱᐊᕈᓯᓕᒫᖅ.

ᐳᐃᒍᖅᑕᐃᓕᒋᑦᓯ ᐃᖅᑲᓇᐃᔭᖅᑎᐅᓗᓯ, ᓯᕗᓪᓕᖅᐹᒥ ᐅᖃᐅᓯᕆᒋᐊᓕᑦᓯ ᖃᓄᐃᓕᖓᒍᑎᐅᔪᑦ ᐃᖅᑲᓇᐃᔭᕐᕕᓐᓂ ᖃᐅᔨᓴᖅᑎᓐᓄᑦ, ᐅᕝᕙᓘᓐᓃᑦ ᖃᐅᔨᓴᖅᑎᖏᓐᓄᑦ. ᐊᑕᐅᑦᓯᒃᑯᑦ, ᐃᕝᕕᓪᓗ ᐊᒻᒪ ᖃᐅᔨᓴᖅᑏᑦ ᖃᐅᔨᓴᕈᓐᓇᖅᑕᓯ ᐊᑦᑕᓇᖅᑐᖅ ᖃᓄᐃᓕᖓᒍᑎᐅᔪᖅ ᐊᒻᒪ ᐋᖅᑭᒐᓱᓪᓗᒍ. ᐅᖃᐅᓯᕆᔪᓐᓇᖅᑕᐃᑦ ᐅᕙᒍᑦ ᐃᑭᐊᖅᑭᕕᒃᑯᑦ ᐱᔨᑦᓯᕋᕈᑎᑦᑎᓐᓄᑦ ᖃᓄᐃᓕᖓᓂᐅᔪᖅ ᐱᐅᓯᕙᓪᓕᐊᖏᑉᐸᑦ; ᐃᑲᔪᕈᓐᓇᖅᑐᒍᑦ.
ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᖅ
ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑏᑦ: ᖃᓄᖅ

ᒫᓐᓇᒃᑯᑦ, ᐃᖅᑲᓇᐃᔭᕐᕖᑦ ᐱᓯᒪᔪᑦᓴᐅᓕᖅᑐᑦ ᑐᑭᓯᒋᐊᕈᑎᓂᑦ ᖃᓄᖅ ᑐᓂᓯᔪᓐᓇᕐᒪᖔᑕ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ ᐊᖅᑯᑎᒋᓪᓗᒍ WSCC Connect. ᐅᓪᓗᕐᓯᐅᑎᒍᑦ ᑐᓂᓯᔪᓐᓇᕐᕕᐅᔫᑉ ᐅᓂᒃᑳᓂᑦ ᕕᕝᕗᐊᕆ 28, 2019, ᑭᓯᐊᓂᑦᑕᐅᖅ ᑐᓂᓯᔪᓐᓇᓯᐊᖅᑐᓯ ᓯᕗᓂᑐᖃᖓᒍᑦ ᐃᒻᒪᖄ ᔮᓐᓄᐊᕆ 2, 2019 ᐊᑐᐃᓐᓇᐅᑉᐸᑕ. ᐃᖅᑲᐅᒪᓂᐊᖅᐳᑎᑦ, ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.

ᖃᐅᔨᒪᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᓚᖓ ᓴᖅᑭᑦᑕᐅᕐᖓᓚᐅᖅᑐᖅ ᐊᕐᕌᓂ ᒪᓕᒃᑕᐅᔭᕆᐊᓕᒃ ᐱᔭᕇᖅᓯᓂᕐᒧᑦ ᑐᓂᓂᐊᖅᑕᕐᓂ. ᐅᑯᐊ ᐃᑲᔫᑎᑦᓴᑦ ᖃᓄᖅ ᐅᐸᓗᖓᐃᔭᐃᒍᓐᓇᕐᒪᖔᑦᓯ.

ᖃᐅᔨᓴᖅᐸᓪᓗᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔾᔪᑎᓕᓐᓂᑦ ᑭᐅᔾᔪᑎᑦᓴᓂᑦ ᐱᒋᐊᓚᐅᖏᓂᕐᓂ: WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᐄ/ᐋᒃᑲ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ.

ᒪᓕᓪᓗᒋᑦ ᐊᑐᐊᒐᕗᑦ ᖃᓄᖅ ᐱᓕᕆᒋᐊᖃᕐᒪᖔᑦᓯ: ᑕᒪᕐᒥᑦᑎᐊᑦ ᐊᐱᖅᑯᑏᑦ ᓇᓗᓇᐃᔭᖅᓯᒪᓪᓗᑎ ᑭᓱᒥ ᑕᑯᓇᓱᒋᐊᖃᕐᒪᖔᖅᐱᑦ ᐃᓚᖓ 4-ᒦᑦᑐᖅ ᑕᐃᑲᓂ 
ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ .

ᐃᑲᔪᖅᑕ: ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᕗᑦ ᐃᓕᑦᓯᓐᓂᑦ ᐃᑲᔪᕈᓐᓇᖅᑐᑦ ᐊᐱᖅᑯᑎᓕᕆᑎᓪᓗᓯ ᓱᓕ ᓇᓗᕈᔪᒃᑯᑦᓯ. ᐅᖄᓚᒍᓐᓇᖅᑐᓯ ᐅᕙᑦᑎᓐᓄᑦ ᐅᕗᖓ 1-800-661-0792 ᐊᒻᒪ ᐅᖃᖃᑎᖃᕈᒪᓗᓯ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᑦᑎᓐᓂᑦ ᓴᐳᓐᓂᐊᕐᓂᕐᒧᑦ ᐱᔨᑦᑎᕋᕐᑎᑦ.
 
ᐱᓕᕆᔾᔪᑏᑦ ᖃᓄᖅ ᐋᖅᑭᑦᓯᒪᒋᐊᖃᕐᓂᖏᓐᓂᑦ ᐃᑲᔪᕆᐊᖃᕈᑦᓯ ᐅᑯᓅᓇ  WSCC Connect , ᑕᑯᓂᐊᕐᓗᒍ  WSCC Connect Help ᒪᑉᐱᒐᖅ  ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᖓᓯᑦᑐᒧᑦ ᐊᑭᓖᒋᐊᖃᖕᖏᑦᑐᑦ ᐅᖄᓚᕕᒋᓗᒋᑦ  1-844-238-5008.
ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ
ᑐᓂᓯᒪᒋᐊᓖᑦ ᑎᓯᐱᕆ 31, 2018

ᓇᖕᒥᓂᖃᖅᑎᐅᒍᕕ, ᑲᑐᔾᔨᖃᑎᒋᔭᐅᒍᕕ, ᑎᑎᕋᖅᓯᒪᒍᕕᑦ ᑐᑭᒧᐊᖅᑎᑦᑎᔨᐅᓪᓗᑎ, ᐅᕝᕙᓘᓐᓃᑦ ᓇᖕᒥᓂ−ᐃᖅᑲᓇᐃᔭᖅᑎᐅᒍᕕᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᑦᑕᐅᑎᒋᙱᑦᑐᑎᑦ ᐃᒡᕕᑦ ᐃᖅᑲᓇᐃᔮᖓᒍᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᓂᐊᓗᓂ, ᐊᑎᓕᐅᕆᐊᖃᖅᑐᑎ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒧᑦ, ᐊᔾᔨᒌᑦᑐᓂ ᐃᑲᔫᑎᓂ ᐊᑐᐃᓐᓇᐅᑎᑦᑎᓲᑦ ᐊᓯᖏᑎᑐᑦ ᓴᓇᔨᐅᔪᓂ ᐃᖅᑲᓇᐃᔭᕐᕕᖕᒥ ᐋᓐᓂᐊᕐᓇᑐᑖᑲᓪᓛᒃᑯᕕᑦ ᐊᒻᒪ ᐋᓐᓂᑳᓪᓚᒃᑯᕕᑦ.

ᓇᓪᓕᐅᒃᑯᒫᖅᑖᕈᓐᓇᖅᑐᑎᑦ ᑕᖅᑭᑐᐊᕐᒧᑦ ᐊᒻᒪ ᐊᕐᕌᒍᓕᒫᒧᑦ. ᓇᓪᓕᐅᒃᑯᒫᒃᓴᐃᑦ ᓄᑖᙳᖅᑎᔭᕆᐊᖃᖅᑕᐃ ᐊᕐᕌᒍᑕᒫᑦ, ᓇᓪᓕᐅᒃᑯᒫᖃᕐᓂᕆᔭᐃ ᑲᔪᓯᔾᔮᙱᒻᒪ 2019-ᒧᑦ. ᖃᐅᔨᒪᒋᐊᑦᑎᐊᕐᓗᑎ ᓇᓪᓕᐅᒃᑯᒫᖃᕐᓂᕐᒧᑦ ᓄᖅᑲᖓᑲᐃᓐᓇᔾᔪᑎᖃᙱᑦᑐᖅ, ᐊᑏ 2019-ᒧᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑐᓂᓯᒪᓂᐊᖅᐸᐃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄ ᖄᖏᓚᐅᖅᑎᓐᓇᒍ ᑎᓯᐱᕆ 31, 2018.

ᕿᒥᕐᕈᐊᓂᕐᒧᑦ ᐊᒻᒪ ᑕᑕᑎᕆᓂᕐᒧᑦ ᑖᔅᓱᒥᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ, ᓇᕿᑦᑎᓗᑎ  ᒪᐅᓇ. ᐊᐅᓪᓚᖅᑎᒋᐊᓖᑦ ᓇᓪᓕᐊᓐᓄᑐᐃᓐᓇᖅ ᐊᓪᓚᕕᒻᒧᑦ ᐅᕗᖓ:

ᓄᓇᑦᓯᐊᖅ
ᐃᕐᖐᓐᓈᖅᑕᐅᑖ: employer@wscc.nt.ca
ᓱᒃᑲᔪᒃᑯᑦ: 867-873-4596
ᐊᑭᖃᙱᑦᑐᖅ ᓱᒃᑲᔪᒃᑯᑦ: 1-866-277-3677

ᓄᓇᕗᑦ
ᐃᕐᖐᓐᓈᖅᑕᐅᑖ: employernu@wscc.nu.ca
ᓱᒃᑲᔪᒃᑯᑦ: 867-979-8501
ᐊᑭᖃᙱᑦᑐᖅ ᓱᒃᑲᔪᒃᑯᑦ: 1-866-979-8501
ᐊᑐᐊᒐᐃᑦ ᐊᓯᔾᔨᕐᓂᖏᑦ

ᐊᐅᓚᑦᑎᓂᕐᒧᑦ ᑲᑎᒪᔨᑦ ᖃᐅᔨᓴᓚᐅᖅᑐᑦ ᐊᒻᒪ ᓈᒻᒪᒋᓪᓗᒋᑦ ᐅᑯᐊ ᐊᑐᐊᒐᐃᑦ ᐊᒻᒪ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᑎᓯᐱᕆᒥ 2018 ᑲᑎᒪᑎᓪᓗᒋᑦ:
  • ᐊᑐᐊᒐᖅ 04.05, ᑭᒍᑎᓕᕆᔭᐅᓂᖅ
  • ᐊᑐᐊᒐᖅ 04.10, ᐃᖅᑲᓇᐃᔭᕐᕕᓐᓄᑦ ᐊᑭᓕᐅᑎᑦᓴᑦ ᐊᓯᐊᓄᑦ ᓴᖑᑎᑦᓯᔾᔪᑎᓄᑦ ᐊᒻᒪ ᑭᖑᕝᕕᐅᑎᓄᑦ
  • ᐊᑐᐊᒐᖅ 10.05, ᑮᓇᐅᔭᖃᖅᑎᑕᐅᓂᕐᒧᑦ ᐸᕐᓇᒍᑎ
ᑕᑯᒋᐊᕐᓗᒍ ᑖᓐᓇ WSCC Policy Manual (ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ Governance Council Directives (ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ) ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦ ᑐᑭᒧᐊᕈᑎᓂ.
ᕿᖓᓐᓇᒥ ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒡᓚᒡᕕᖏᑦ ᒪᑐᓯᒪᓂᐊᖅᑐᑦ ᖁᕕᐊᓱᒡᕕᐅᓂᖓᓂ ᐱᒋᐊᕐᓗᒍ 5:00-ᒥ ᐅᓐᓄᓴᒃᑯᑦ ᓯᑕᒻᒥᖅ, ᑎᓯᐱᕆ 20-ᒥ, ᐊᒻᒪᓗ ᒪᑐᐃᒃᑲᓐᓂᓛᖅᑐᑦ 8:30-ᒥ ᐅᓪᓛᒃᑯᑦ ᐱᖓᑦᓯᖅ, ᔮᓐᓄᐊᕆ 2, 2019-ᒥ.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᐅᖃᐅᓯᖃᕈᒪᔪᑦ ᐊᑦᑕᓇᖅᑐᓂᑦ ᐃᖅᑲᓇᐃᔮᕐᓴᓂᑦ, ᐊᑐᕈᓐᓇᖅᑕᓯ ᐃᑭᐊᖅᑭᕕᒃᑯᑦ ᐱᔨᑦᓯᕋᕈᑎᕗᑦ ᐅᕙᓂ WSCC Connect
.

ᐅᕙᑦᑎᓐᓂᓕᒫᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ, ᐊᑦᑕᓇᙱᑦᑐᒥ ᖁᕕᐊᓇᑦᑎᐊᖅᑐᒥ ᕿᑲᖁᔨᕗᒍᑦ, ᐱᓕᕆᖃᑎᒌᓛᕐᒥᒐᑦᑕ 2019-ᒥ.
wscc.nt.ca   /  1.800.661.0792   *   wscc.nu.ca  /  1.877.404.4407