ᐋᒌᓯ 2018
ᐊᑦᑕᓇᐃᖅᓯᒪᓂᕐᒧᑦ ᐃᕝᕕᑦ ᐊᒡᒐᖏᓐᓄᑦ ᑎᑭᑕᔅᓴᐅᔪᑦ
ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᖃᕆᓴᐅᔭᒃᑰᕈᑎᐊ

ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᕋᓴᐅᔭᕋᓛᓄᑦ, ᖃᐅᔨᒪᒋᔅᓯ: ᓄᑖᖑᓛᖑᔪᓂᑦ ᖃᕋᓴᐅᔭᕋᓛᓄᑦ, ᑕᓪᓕᒪᑦ ᓄᑖᑦ ᐃᓚᔭᐅᕋᑖᓚᐅᖅᑐᑦ, ᐱᖃᓯᐅᑎᓪᓗᑎ  ᖃᑦᑎᕆᔩᑦ, ᐅᐊᔭᓕᖕᓄᑦ ᓇᒧᙵᐅᔾᔭᐅᕈᓘᔭᕈᓐᓇᖅᑐᓂ ᐱᓕᕆᔾᔪᑕᐅᔪᓄᑦ, ᓇᔪᖅᑕᐅᔪᖅ ᐋᖅᑭᑦᑕᐅᓂᖓ ᐊᒻᒪ ᒪᑭᒪᑎᑕᐅᓂᖓ, ᑭᕕᔅᓯᔾᔪᑏᑦ, ᐊᒻᒪ  ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᕋᓴᐅᔭᕋᓛᓄᑦ  ᐃᖅᑲᓇᐃᔭᕐᕕᒻᒥ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᑐᑭᓯᒋᐊᕈᑏᑦ ᐱᔭᔅᓴᐅᓂᖅᓴᐅᓗᑎ ᐅᑭᐅᑕᖅᑐᒥᑦ ᐃᖅᑲᓇᐃᔭᖅᑎᑦᑎᔪᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ, ᐱᓗᐊᖅᑐᒥᑦ ᐅᖓᓯᑦᑐᒦᑦᑐᓄᑦ ᓄᓇᓕᓐᓄᑦ ᐃᕐᖏᓐᓈᕈᑎᐅᔪᖅ ᓄᖅᑲᑲᐃᓐᓇᖃᑦᑕᑎᓪᓗᒋᑦ.

ᓴᖅᑭᖅᑎᑕᐅᓯᒪᔪᑦ ᑲᑐᑎᔭᐅᓪᓗᓂ ᑲᓇᑕᒥ ᐱᓕᕆᕕᒻᒧᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS), ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᕋᓴᐅᔭᕋᓛᓄᑦ ᐋᖅᑭᑦᑕᐅᓯᒪᔪᖅ ᐅᖃᐅᓯᖏᑎᒍᑦ, ᐃᓕᓐᓄᑦ ᑐᓂᓯᔪᑦ ᓇᓗᓇᐃᔭᖅᓯᒪᔪᓂᑦ ᑐᑭᓯᒋᐊᕈᑎᓂᑦ, ᐅᖃᖅᑕᐅᓯᒪᔪᑦ ᐊᑦᑐᐊᓂᓕᓐᓄᑦ ᒪᓕᒐᕐᓄᑦ, ᐊᒻᒪ ᐱᖃᓯᐅᔾᔨᔪᑦ ᑎᑎᕋᖅᓯᒪᔪᓂᑦ ᑭᓱᓕᕆᔾᔪᑎᓂᑦ.

ᖃᕆᓴᐅᔭᒃᑰᕈᑎ ᐊᑐᐃᓐᓇᐅᕗᖅ ᐊᑭᖃᖏᓪᓗᓂ ᒥᓇᖅᑕᐅᔪᓐᓇᖅᑐᖅ ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ. ᐊᑕᐅᓯᐊᕐᓗᑎ ᒥᓇᕐᓗᒍ, ᐊᑐᕈᓐᓇᖅᑕᐃ ᖃᕆᓴᐅᔭᕐᒧᑦ ᐊᑦᑕᑕᐅᑏᑦ ᖃᓄᐃᑦᑑᒐᓗᐊᕈᓂ. ᓄᑖᑦ ᑐᑭᓯᒋᐊᕈᑏᑦ ᐊᑐᐃᓐᓇᐅᑎᓪᓗᒋᑦ ᖃᐅᔨᒃᑲᑕᐅᑦᑕᐅᑎᒋᔪᑎᑦ, ᑐᑭᖃᖅᑐᖅ, ᐱᔪᓐᓇᓂᐊᖅᑕᑎᑦ ᓄᑖᓄᑦ ᐅᕝᕙᓘᓐᓃᑦ ᐋᖅᑭᒋᐊᖅᓯᒪᔪᓂᑦ ᑐᑭᓯᒋᐊᕈᑎᓂᑦ ᐊᑦᑕᓇᐃᖅᓯᒪᓂᕐᒧᑦ ᑐᑭᓯᒋᐊᕈᑎᓂᑦ ᐊᑦᑐᑐᐃᓐᓇᕐᓗᒍ ᓇᕿᒐᖓ.

ᒥᓇᕐᓗᒍ ᑖᓐᓇ WSCC OHS App - Guide to OHS Legislation (ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᕆᓴᐅᔭᒃᑰᕈᑎᐊ - ᒪᓕᒋᐊᓕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑦ) ᑕᐃᑲᙵ App Store (ᖃᕆᓴᐅᔭᒃᑰᕈᑎᐅᑉ ᓂᐅᕕᕐᕕᖓᓂ) ᐅᕝᕙᓘᓐᓃᑦ Google Play (ᒎᒍᓪ ᐸᓚᐃ)
.
ᐊᐅᓚᑦᑎᓂᕐᒧᑦ ᑲᑎᒪᔨᑦ 101
ᑲᑎᒍᒃ ᕋᐃᔅᓱᓪ ᒪᑯᕼᐅᓂᐅᒃ, ᓄᓇᑦᓯᐊᒥ ᐃᖅᑲᓇᐃᔭᖅᑎᑦᑎᔪᒧᑦ ᑭᒡᒐᖅᑐᐃᔨ

ᓇᓗᓇᐃᖅᓯᒋᑦ ᐅᕙᑉᑎᓐᓄᑦ ᐱᓕᕆᐊᒃᓴᕆᔭᕐᓂᒃ ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓂᒃ.

ᑲᒪᒋᔭᕆᐊᖃᖅᑕᕋ ᐊᐅᓚᑦᑎᓂᕐᒧᑦ ᑲᑎᒪᔨᓂᑦ ᐃᖅᑲᓇᐃᔭᖅᑎᑦᑎᔪᒧᑦ ᑭᒡᒐᖅᑐᐃᔨ. ᑐᓂᓯᖃᑦᑕᖅᑐᖓ ᑐᓂᔭᐅᔪᓂᑦ ᐊᒻᒪ ᐃᓱᒪᒋᔭᐅᔪᓂᑦ ᐃᖅᑲᓇᐃᔭᖅᑎᑦᑎᔪᓄᑦ ᓄᓇᑦᓯᐊᒥᑦ ᐊᒻᒪᓗ ᓄᓇᕗᒻᒥ ᑐᓐᖓᓂᖃᖅᑐᓂ ᐅᕙᖓ ᐊᑐᖃᑦᑕᖅᓯᒪᓂᖓᓄᑦ ᐃᖅᑲᓇᐃᔭᖅᑎᑦᑎᔨᐅᓪᓗᖓ.

ᖃᓄᖅ ᐊᑯᓂᐅᑎᒋᔪᖅ ᐊᐅᓚᑦᑎᔨᒃᑯᑦ ᑲᑎᒪᔨᖏᓐᓂᒃ ᐃᓚᐅᖃᑕᐅᓕᖅᐱᑦ, ᐊᒻᒪᓗ ᓱᖕᒪᑦ ᐃᓚᐅᖃᑕᐅᔪᒪᓕᓚᐅᖅᐱᑦ?

ᐃᓚᒋᔭᐅᓯᒪᓕᖅᑐᖓ ᐊᐅᓚᑦᑎᓂᕐᒧᑦ ᑲᑎᒪᔨᓂᑦ ᑎᓴᒪᓂᑦ ᐊᕐᕌᒍᓂᑦ. ᕿᓚᓈᓚᐅᖅᑐᖓ ᓄᑖᒥᑦ ᐊᑐᓂᕐᒥᑦ ᐊᒻᒪ ᐊᔅᓱᕈᕈᑕᐅᔪᓂᑦ ᓴᖅᑭᑦᑎᒐᔭᖅᑕᖏᑦ. ᐃᓪᓗᓕᐅᕐᓂᕐᒥᑦ ᐱᓕᕆᖃᑦᑕᖅᓯᒪᓪᓗᖓ, ᐃᓱᒪᒋᓚᐅᖅᑕᕋ ᑐᓂᓯᓗᖓ ᐅᕙᖓ ᐊᑐᖃᑦᑕᖅᓯᒪᔭᖏᓐᓕᓂᑦ ᐊᒻᒪ ᐃᓱᒪᒋᔭᕐᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑯᓐᓄᑦ.

ᖃᓄᖅ ᐱᓕᕆᕝᕕᖕᒥ ᐊᑦᑕᓇᖅᑐᖃᖅᑕᐅᓕᒪᑎᑦᑎᓂᖅ ᑐᑭᖃᖅᐸ ᐃᓕᖕᓄᑦ?

ᐊᑦᑕᓇᐃᖅᓯᒪᓪᓗᓂ ᐃᖅᑲᓇᐃᔭᖅᑐᓂ ᐅᕙᓐᓄᑦ ᐱᒻᒪᕆᐅᔪᖅ (ᐃᓱᒪᒋᓪᓗᒍ ᓴᓇᕐᕈᑏᑦ ᐊᑐᖅᑕᐅᔪᑦ ᐅᕙᖓ ᐃᖅᑲᓇᐃᔭᕐᕕᖓᓂᑦ, ᐃᒻᒥᓂᒃ ᐋᓐᓂᕈᓐᓇᒻᒪᕆᑦᑐᖓ ᐊᒻᒪ/ᐅᕝᕙᓘᓐᓃᑦ ᐊᓯᓐᓂᑦ). ᐃᖅᑲᓇᐃᔭᕐᕕᒋᕙᑦᑕᕋ ᐊᕙᑎᖓ ᐊᑦᑕᓇᖅᑐᒦᑎᑦᑎᒍᓐᓇᖅᑐᖅ. ᐊᖏᕋᕈᒪᔪᖓ ᐋᓐᓂᖅᓯᒪᖏᓪᓗᖓ ᐅᓐᓄᑕᒫᑦ ᐊᒻᒪ ᐊᓯᒃᑲ ᑕᐃᒫᔅᓴᐃᓐᓇᖅ ᐱᖁᒻᒥᔭᒃᑲ. ᖃᐅᔨᒪᓗᒋᑦ ᐱᔪᓐᓇᐅᑎᑎᑦ ᐃᖅᑲᓇᐃᔭᖅᑎᐅᓪᓗᑎᑦ ᐱᒻᒪᕆᐅᒻᒥᔪᖅᑕᐅᖅ; ᒪᒃᑯᑦᑐᐃᑦ ᐃᖅᑲᓇᐃᔭᖃᑕᐅᓕᕋᑖᖅᑐᑦ ᐅᔾᔨᕈᓱᒋᐊᓖᑦ ᐱᔪᓐᓇᐅᑎᖏᓐᓂᑦ ᐃᖅᑲᓇᐃᔭᖅᑎᐅᓪᓗᑎᑦ ᐊᒻᒪ ᑲᒪᒋᔭᕆᐊᖃᖅᑕᖏᑦ ᐃᖅᑲᓇᐃᔭᖅᑎᑦᑎᔪᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ 7-ᓂᒃ ᐱᒻᒪᕆᐅᑎᑦᑎᖕᒪᑕ. ᓇᓗᓇᐃᖅᓯᔪᓐᓇᖅᐱᑦ ᐊᑕᐅᓯᕐᒥᒃ ᐊᒻᒪᓗ ᑐᑭᓯᑎᑦᑎᒋᐊᕐᓗᑎᑦ ᓱᖕᒪᑦ ᐱᒻᒪᕆᐅᖕᒪᖔᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᔨᒃᑯᑦ ᑲᑎᒪᔨᖏᑦ?

ᐃᓚᐅᑎᑦᑎᓂᖅ. ᐃᓚᐅᖃᑕᐅᓂᖏᒃᑯᑎ ᓄᓇᓕᐅᔪᖅ ᐱᔨᑦᑎᖅᑕᕗᑦ, ᑲᑐᔾᔨᖃᑎᒌᖑᓪᓗᑕ ᐅᖃᐅᓯᖃᑐᐃᓐᓇᖅᑐᒍᑦ ᐃᓚᐃᓐᓇᖓᓂᑦ ᐅᓂᒃᑳᒥᑦ. ᐱᖃᑕᐅᑎᑦᑎᓂᖅ ᐱᔾᔪᑎᖃᖅᑐᖅ ᐅᖃᖃᑎᒌᓐᓂᕐᒥᑦ, ᑐᑭᓯᓗᒋᑦ ᐱᔭᐅᔭᕆᐊᖃᖅᑐᑦ ᑎᒍᒥᐊᖅᑎᐅᖃᑎᑦᑎᓐᓄᑦ ᐊᒻᒪ ᐱᐅᓛᒥᑦ ᐱᓇᓱᐊᕐᓗᑕ ᑎᑭᓐᓂᐊᕐᓗᒋᑦ ᑕᐃᒃᑯᐊ ᐱᔭᐅᔭᕆᐊᓖᑦ.

ᓱᓇ ᖁᕕᐊᒋᓂᖅᐹᕆᕕᐅᒃ ᐊᐅᓚᑦᑎᔨᒃᑯᓐᓄᑦ ᑲᑎᒪᔨᐅᖃᑕᐅᑎᓪᓗᑎᑦ, ᐊᒻᒪᓗ ᓱᖕᒪᑦ?

ᖁᕕᐊᒋᔭᕋ ᐃᓚᒋᔭᐅᓪᓗᖓ ᑖᔅᓱᒧᖓ ᑲᑐᔾᔨᖃᑎᒌᒧᑦ. ᐃᓱᒪᒋᔭᕋ ᐱᒻᒪᕆᐅᓪᓗᓂ ᐃᖅᑲᓇᐃᔮᖑᔪᖅ ᐊᒻᒪ ᐃᑲᔪᕈᒪᔪᖓ ᑲᔪᓯᑎᓪᓗᒍ ᑕᐃᒪᐃᒍᓐᓇᕐᓗᖓ, ᐱᓗᐊᖅᑐᒥᑦ ᒪᒃᑯᑦᑐᑎᓐᓄᑦ ᐃᖅᑲᓇᐃᔭᕆᐊᓕᕋᑖᖅᑐᓄᑦ. ᐃᓚᖏᓐᓂᑦᑕᐅᖅ ᐱᖃᓐᓇᓕᐅᖅᓯᒪᑦᑎᐊᖅᑐᖓ ᑲᑎᒍᓐᓇᓚᐅᕋᔭᖏᑕᕋᓗᐊᒃᑲ.

ᖃᕋᓴᐅᔭᒃᑯᑦ ᐊᐅᓚᑦᑎᓂᕐᒧᑦ ᑲᑎᒪᔩᑦ ᐃᓚᒋᔭᐅᔪᖅ ᕋᐃᔅᓱᓪ ᒪᑯᕼᐅᓂᐅᒃ.

ᑲᑎᒪᔩᑦ ᐊᐅᓚᑦᑎᔨᖏᑦ ᐱᔭᕆᐊᓕᖏᓐᓂᑦ ᐱᔪᒪᔭᖏᓐᓂᓪᓗ ᑭᒡᒐᖅᑐᐃᓲᑦ ᑎᒍᒥᐊᖅᑎᖁᑎᑦᑎᓐᓂᑦ. ᐱᒻᒪᕆᐅᔪᑦ ᑐᑭᒧᐊᑦᑎᑕᐅᓪᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᒪᐃᓐᓂ ᐃᓱᒪᒃᓴᖅᓯᐅᖃᑦᑕᕐᓂᖏᑎᒍᑦ ᐊᑐᐊᒐᑦᑎᓐᓂᑦ, ᐃᓕᖅᑯᓯᑦᑎᓐᓂᑦ, ᐊᒻᒪᓗ ᐊᐅᓚᓂᑦᑎᓐᓂᑦ ᐊᒻᒪᓗ ᖃᓄᖅ ᐊᑦᑐᐃᓂᖃᓲᖑᒻᒪᖔᕐᒥᒃ ᑎᒍᒥᐊᖅᑎᖁᑎᑦᑎᓐᓂᑦ. ᐊᐅᓚᑦᑎᔩᑦ ᑲᑎᒪᔨᖏᑦ ᑭᒡᒐᖅᑐᐃᓲᑦ ᐱᔭᕆᐊᓕᔅᓯᖕᓂᑦ ᐱᔪᒪᔭᔅᓯᓪᓗ.

ᑎᑎᖅᑲᓕᐅᕐᓂᐊᑕᑦᑎᓐᓂᑦ, ᖃᐅᔨᒃᑲᓛᖅᐸᑦᑎᒋᑦ ᐊᑐᓂᑦ ᑭᒃᑰᒻᒪᖔᕐᒥᒃ ᐊᐅᓚᑦᑎᓂᕐᒧᑦ ᑲᑎᒪᔨᖁᑎᕗᑦ. ᓴᖅᑭᑎᑦᑎᓚᐅᖅᑳᖅᑎᓐᓇᑕᓕ, ᐃᓕᓐᓂᐊᒃᑲᓐᓂᕆᑦ ᐊᐅᓚᑦᑎᔩᑦ ᑲᑎᔨᖏᑕ ᒥᒃᓵᓄᑦ ᑕᑯᓂᐊᕐᓗᒍ ᐃᑭᐊᖅᑭᕕᕗᑦ.

ᐅᖃᐅᓯᖃᖅᑕ ᐊᑦᑕᓇᐃᖅᓯᒪᓂᕐᒥᑦ
ᖃᐅᔨᒋᐊᕐᕕᒋᑎᒍᑦ ᐅᑯᓇᓂ ᐱᓕᕆᕕᓐᓂᑦ ᑕᑯᔅᓴᐅᑎᑦᑎᓂᐅᔪᓂᑦ

ᖁᕕᐊᓱᑦᑐᒍᑦ ᑐᓴᖅᑎᑦᑎᒋᐊᔅᓴᖅ ᑕᒪᑐᒪᓂ ᐅᑭᐊᔅᓵᒥᑦ, ᐃᓚᐅᖃᑕᐅᓂᐊᖅᑐᒍᑦ ᐊᒥᓱᒐᓚᓐᓂᑦ ᐱᓕᕆᕕᓐᓄᑦ ᑕᑯᔅᓴᐅᑎᑦᑎᓂᐅᔪᓂᑦ ᐊᒻᒪ ᑲᑎᒪᓂᐅᔪᓂᑦ ᐅᑭᐅᑕᖅᑐᒥᑦ. ᑕᑯᓗᒋᑦ ᑎᑎᕋᖅᓯᒪᔪᑦ ᐊᑖᓂ ᐊᒻᒪ ᐅᕙᒍᑦ ᑕᑯᔅᓴᐅᑎᑦᑎᕕᖓᓅᕐᓗᑎᑦ!
ᖃᐃᖃᑕᐅᔪᓐᓇᖏᒃᑯᔅᓯ ᑖᒃᑯᓂᖓ ᐱᓕᕆᕕᓐᓂᑦ ᑕᑯᔅᓴᐅᑎᑦᑎᓂᐅᔪᓂᑦ, ᑭᓯᐊᓂ ᐅᖃᖃᑎᖃᕈᒪᒐᓗᐊᖅᑐᑎᑦ ᐅᕙᑦᑎᓐᓂᑦ, ᐊᐅᓪᓚᑎᑦᑎᕕᒋᑎᒍᑦ ᖃᕋᓴᐅᔭᒃᑯᑦ! ᐊᑐᐃᓐᓇᐅᖏᓐᓇᖅᑐᒍᑦ ᑭᐅᔪᓐᓇᕐᓗᑕ ᐊᑦᑕᓇᐃᖅᓯᒪᓂᕐᒧᑦ ᐊᐱᖅᑯᑎᔅᓴᖃᕐᓂᕈᕕᑦ.
ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖏᑦ ᒪᑐᓯᒪᔪᑦ ᐃᖅᑲᓇᐃᔭᖅᑎᓄᑦ ᐅᓪᓗᖓᓄᑦ ᓇᒡᒐᔾᔭᐅᒥ, ᓯᑎᐱᕆ 3, ᐊᒻᒪ ᒪᑐᐃᒃᑲᓐᓂᓛᖅᑐᑎᑦ ᐊᐃᑉᐱᖅ, ᓯᑎᐱᕆ 4 ᓯᕿᓐᖑᔭᖓ 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ  WSCC Connect.
wscc.nt.ca   /  1.800.661.0792   *   wscc.nu.ca  /  1.877.404.4407