ᓯᑎᐱᕆ 2026

ᐃᖅᑲᓇᐃᔭᖅᑎᖁᑎᓖᑦ ᐊᑭᓕᖅᓱᐃᔪᑦ ᐊᕕᑦᑐᖅᓯᒪᔪᑎᒍᑦ ᐃᖅᑲᐃᑎᑕᐅᒋᐊᖅᑐᑦ ᑭᖑᓪᓕᖅᐹᒥᑦ ᖃᐅᔨᓴᕐᓂᕐᒧᑦ ᐊᑭᓕᐅᑎᖓ ᒫᓐᓇᐅᔪᖅ ᐊᕐᕌᒍᒧᑦ ᐊᑭᓕᖅᑕᐅᒋᐊᓕᒃ ᓯᑎᐱᕆ 30, 2025 ᖄᖏᓚᐅᖅᑎᓐᓇᒍ. ᐊᑭᓖᖃᑦᑕᕈᕕᑦ ᓯᕗᓂᐊᓂ ᐊᖏᖅᓯᒪᓂᒃᑯᑦ ᐊᐅᒃᑕᔫᒧᑦ ᐊᑭᓖᓂᒃᑯᑦ ᐅᕝᕙᓘᓐᓃᑦ ᓯᒃᑭᑎᒍᑦ ᐅᓪᓗᓕᖅᓱᖅᑕᐅᖅᑳᖅᓯᒪᔪᓂᒃ, ᕿᒥᕐᕈᐊᕐᓂᐊᖅᐸᐃᑦ ᐊᑭᓖᔾᔪᓯᕆᖃᑦᑕᖅᑐᑦ ᐅᓪᓗᒥᒨᖓᒐᓗᐊᕐᒪᖔᑦ. ᐊᑭᓖᓂᐅᔪᑦ ᐅᕘᓈᖅᑎᑕᐅᔪᓐᓇᖅᑐᑦ WSCC Connect.

ᒪᓕᒐᖅᑎᒍᑦ ᐊᑭᓕᒃᓴᖅᑖᕐᓇᖅᑐᖅ 2%−ᒥ ᐃᓚᒋᐊᕐᓯᒪᓗᓂ ᑕᖅᑭᑕᒫᑦ ᑭᖑᕙᖅᓯᒪᔪᓄᑦ ᐊᑭᓕᒃᓴᓄᑦ ᐊᑭᓕᖅᑕᐅᖏᑉᐸᑕ ᐊᕕᑦᑐᖅᓯᒪᔪᓂᑦ ᐊᑭᓕᖅᑕᐅᓯᒪᒋᐊᖃᓕᖅᐸᑦ ᐅᓪᓗᖓᓂ.

ᐊᑭᓕᕆᐊᖃᖅᑕᑎᑦ ᖃᕋᓴᐅᔭᒃᑯᑦ ᐱᔪᓐᓇᖅᑕᓯ. ᒫᓐᓇ ᐱᑖᖃᑦᑕᕈᕕᑦ ᐃᖅᑲᓇᐃᔭᖅᑎᑦᑎᔪᓄᑦ ᑕᖅᑭᑕᒫᓐ ᐅᓂᒃᑳᓕᐅᕈᑎᓂ ᑎᑎᖃᒃᑯᕕᒃᑯᑦ ᑭᓯᐊᓂᓕ ᖃᕋᓴᐅᔭᒃᑯᑦ ᐱᖃᑦᑕᕈᒪᓕᕈᕕᑦ ᐅᓇ ᑕᑯᒋᐊᕐᓗᒍ ᐱᖓᓱᐃᓕᖓᔪᖅ ᑐᑭᒧᐊᕈᑎ. ᐊᔪᕐᓇᙱᑦᑐᖅ ᐊᒻᒪᓗ ᐅᓪᓗᒥ ᐊᑎᓕᐅᖅᑕᐅᔪᓐᓇᖅᖢᑎᒃ!

ᐅᖃᓪᓚᖃᑎᖃᕈᒪᒍᕕᑦ ᐃᖅᑲᓇᐃᔮᖃᖅᑎᑦᑎᔨᓄᑦ ᐱᔨᑦᑎᖅᑎᒥᒃ, ᑎᑎᕋᕐᓗᑎᑦ ᐃᕐᖐᓈᖅᑕᐅᑎᒃᑯᑦ employer@wscc.nt.ca ᐅᖃᓗᒡᕕᒋᓗᒍᓘᓐᓃᑦ 1-800-661-0792 ᓄᓇᑦᓯᐊᕐᒧᑦ ᐅᕝᕙᓘᓐᓃᑦ, ᐃᕐᖐᓈᖅᑕᐅᑎᒃᑯᑦ employernu@wscc.nu.ca ᐅᖃᓗᒡᕕᒋᓗᒍᓘᓐᓃᑦ 1-877-404-4407 ᓄᓇᕗᒻᑦ.

ᑕᖅᑭᐅᓵᕐᑐᒥᓐ ᑐᓴᖅᑎᑕᐅᖃᑦᑕᓚᐅᕋᑦᑕ ᖃᓄᖅ ᓇᓗᓇᐃᕐᓯᔪᓐᓇᕆᐊᒃᓴᖅ ᑲᓴᒃᑕᐅᑳᓪᓚᒡᓇᖅᑐᓄᑦ ᐅᓗᕆᐊᓇᖅᑐᓂᒃ. ᓇᓗᓇᐃᕐᓯᓪᓗᓂ ᑕᒪᒃᑯᓂᖓ ᐅᓗᕆᐊᓇᖅᑐᓂᒃ ᐊᐅᓚᑦᑎᑦᑎᐊᕐᓇᕐᓂᕐᓴᖅ ᖃᓄᐃᓕᐅᔾᔪᑎᐅᔪᓐᓇᖅᑐᓂᒃ ᐊᒻᒪ ᐋᓐᓂᖅᑕᐃᓕᑎᑦᑎᓂᕐᒥᒃ ᐃᖅᑲᓇᐃᔭᖅᑎᓂᒃ. ᐋᒃᑑᑕᐅᔪᑦ ᐊᑦᑕᕐᓇᖅᑐᓂᒃ ᐊᐅᓚᑎᑦᑎᔾᔪᑏᑦ ᐋᓐᓂᕈᑎᒋᔭᐅᔪᒧᑦ ᐊᑦᑕᕐᓇᙱᓐᓂᖅᓴᐅᓕᕈᑕᐅᔪᓐᓇᖅᑐᑦ ᐃᖅᑲᓇᔭᕐᕕᖕᒥ ᐃᓚᒋᔭᐅᔪᑦ:

• ᑲᒪᒋᔭᖃᑦᑎᐊᕐᓂᖅ ᐱᓕᕆᐊᕆᕙᒃᑕᕐᓂ ᐋᓐᓂᕐᑕᐅᔾᔪᑎᐅᔪᓐᓇᖅᑐᓂ ᐊᑐᒋᓐᓂᕐᓴᐅᓐᓴᖅᑐᖅ ᑕᒪᒃᑯᐊ ᐅᖁᒪᐃᑦᑐᑦ ᐱᖁᑎᑦ ᐊᒻᒪ ᐱᓕᕆᔾᔪᑏᑦ ᖁᑦᑎᒃᑐᒦᙱᑐᐊᕈᑎᒃ. 

• ᐊᑦᑕᕐᓇᙱᓐᓂᖅᓴᐅᔪᒥᒃ ᐊᑐᖔᕐᓗᑎᑦ ᐱᖁᑎᒥᒃ ᖃᓄᐃᓕᐅᒐᒃᓴᒥᒡᓘᓐᓃᑦ, ᓲᕐᓗ ᐊᑐᕐᓗᓂ ᖁᒻᒧᐊᕈᑎᒥᒃ ᐊᑐᙱᖔᕐᓗᓂ ᒪᔪᕋᐅᑎᒥᒃ ᑲᓱᒃᑕᐅᓗᓂ ᐅᕐᕈᑎᑕᐅᔪᓐᓇᖅᑐᒥᒃ.

• ᐊᑐᕐᓗᓂ ᓴᓇᔪᓕᕆᓂᕐᓂ ᐱᓗᐊᖅᑕᐃᓕᔾᔪᑎᓂᒃ ᓲᕐᓗ ᓇᕿᑕᕈᑏᑦ ᓴᐳᒻᒥᓗᒋᑦ ᓴᓇᕐᕈᑎᑦ ᐃᖅᑲᓇᐃᔭᓕᕌᖓᑕ ᐳᖅᑐᔪᓂᒃ ᑲᑕᒡᕕᐅᑦᑕᐃᓕᓗᑎᒃ ᐃᖅᑲᓇᐃᔭᖅᑏᑦ ᐊᑖᓃᑦᑐᑦ.

• ᐊᐅᓚᑦᑎᓂᕐᒥ ᐊᐅᓚᑎᑦᑎᔾᒧᑎᓄᑦ ᐃᓚᒋᔭᐅᔪᓐᓇᖅᑐᖅ ᓴᓇᔭᐅᓂᖓ ᐱᓕᒻᒪᒃᓴᕐᓂᕐᒧᑦ ᐊᑐᐊᒐᖅ ᐃᖅᑲᓇᐃᔭᖅᑏᑦ ᐱᓕᒻᒪᒃᓯᒪᓂᐊᕐᒪᑕ ᐱᒻᒪᑐᖕᓂᕐᒥᒃ ᒪᑭᒪᑎᑦᑎᓂᕐᒥᒡᓗ ᓴᓇᕐᕈᑎᓂᒃ ᐱᖁᑎᓂᒡᓗ.

• ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE) ᐊᑐᐃᓐᓇᐅᑎᖃᑦᑕᕐᓗᒋᑦ ᓇᓕᐊᖕᓄᑐᐃᓐᓇᖅ ᐃᖅᑲᓇᐃᔭᖅᑎᒧᑦ ᐅᕝᕙᓘᓐᓃᑦ ᖃᓄᐃᓕᐅᒐᒃᓴᐅᔪᒧᑦ ᓱᓕ ᐊᑦᑕᕐᓇᕈᓐᓇᖅᑐᒧᑦ ᐋᓐᓂᕈᑎᒋᔭᐅᔪᒧᑦ ᖃᓄᐃᓐᓂᐅᔪᓄᑦ, ᓲᕐᓗ ᓴᖅᑭᔮᑦᑎᐊᖅᑐᑦ ᐊᐃᖃᙱᑦᑐᑦ ᐃᖅᑲᓇᐃᔭᕐᕕᐅᔪᓄᑦ ᐃᖏᕐᕋᔪᓂᒃ ᓄᓇᒃᑰᕈᑎᖃᖅᑐᓂᒃ ᐱᖁᖁᑎᖃᖅᑐᓂᒡᓘᓐᓃᑦ.

ᖃᐅᔨᒋᐊᒃᑲᓐᓂᕈᒪᒍᕕᑦ ᖃᓄᐃᑦᑕᐃᓕᓂᕐᒥ ᐅᓇ ᑕᑯᒋᐊᕐᓗᒍ ᑲᓴᒃᑕᐅᑳᓪᓚᒃᑕᐃᓕᒥᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᒪᒃᐱᒐᖅ.

Iᐊᕐᕌᒎᑉ ᐃᓗᐊᓂ ᐱᓕᕆᓐᓇᖅᓯᓕᕆᕗᖅ ᑕᐃᒪ. ᐅᓪᓗᐃᑦ ᑖᕐᓯᓴᕋᐃᓐᓂᕐᓴᐅᓕᕐᒪᑕ ᐊᒻᒪᓗ ᐊᐅᔭᒃᑯ ᕿᑲᕐᓇᐃᑦ ᐃᓱᓕᓕᖅᖢᑎᒃ ᐊᒻᒪᓗ ᐊᖅᑯᑎᕗᑦ ᐊᑐᕐᑕᐅᓂᕐᓴᐅᓕᖅᖢᑎᒃ. ᐅᑯᐊ ᐃᓚᖏᒃ ᒫᓐᓇᐅᓕᕐᑐᒧᓐ ᐃᖅᑲᐅᒪᔭᐅᖃᑦᑕᕆᐊᓖᒃ:

• ᐱᓱᖕᓂᖅ: ᐊᓐᓄᕌᕐᓯᒪᕙᒡᓗᑎ ᑕᑯᒃᓴᐅᑦᑎᐊᕈᓪᓚᖅᑐᓂ ᑖᕐᓯᕙᓪᓕᐊᓕᕌᖓ ᐊᒻᒪᓗ ᐅᔾᔨᕈᓱᑦᑎᐊᕐᓗᓯ ᐊᖅᑯᑎᒥ ᐃᑳᕐᓯᕆᐊᓕᕌᖓᔅᓯ. ᓯᓚᒧᑦ ᓈᒻᒪᒃᑐᓂ ᐊᓐᓄᕌᓯᒪᕙᒡᓗᑎᒃ ᑲᒥᒃᓯᒪᑦᑎᐊᕐᓗᑎᑦ ᐊᒻᒪ ᐊᓐᓄᕌᕐᓯᒪᑦᑎᐊᕐᓗᑎᒃ ᓯᓚᒧᑦ ᓈᒻᒪᒃᑐᓂ.

• ᐊᖁᓐᓂᖅ: ᓯᕿᓂᖅ ᓴᖅᑭᓕᕌᖓ ᐅᕝᕙᓘᓐᓃᑦ ᓂᐱᓕᕌᖓᑦ ᓱᒃᑲᐃᔾᔫᒥᓗᑎ ᐊᖅᑯᖃᑦᑕᕆ, ᐊᒻᒪᓄ ᑕᐃᓴᐃᑦᑕᕆᐊᖃᕈᕕᑦ ᑕᐅᑐᑦᑎᐊᕈᑎᒃᓴᕐᓂ ᐃᒡᒐᒃᓯᒪᕙᒡᓗᓂ.

ᐃᖅᑲᓇᐃᔭᖅᑎᑦᑎᔪᓄᑦ ᐊᒻᒪ ᑲᒪᔨᓄᑦ, ᐅᓇ ᓈᒻᒪᑦᑎᐊᓕᕐᑐᖅ ᐃᖅᑲᓇᐃᔭᒻᑎᓂ ᐅᔾᔨᕈᓱᑦᑎᐊᑲᑕᒋᐊᖃᕐᓂᕐᒥᓐ ᓴᓇᔭᖅᑐᓕᕌᖓᑕ ᐊᒻᒪ ᐊᖏᕐᕋᐅᕙᓪᓕᐊᓕᕌᖓᑕ. ᑲᒪᒋᔭᒃᓴᖃᖅᑐᑎᑦ ᐃᖅᑲᓇᐃᔭᖅᑐᑎᑦ ᑐᑭᓯᓯᒪᑎᓪᓗᒋᑦᓴ ᖃᓄᖅ ᐃᖅᑲᓇᐃᔭᕆᐊᖃᕐᒪᖔᑕ ᐅᓗᕆᐊᓇᙱᑦᑐᒃᑯᑦ ᖃᖓᓕᒫᑦᑎᐊᖅ.

ᐊᒡᓚᒡᕕᑦ ᒪᑐᓯᒪᓂᖏᑦ

ᑕᒪᐃᓐᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᑎᑎᕋᕐᕕᖏᑦ ᒪᑐᓯᒪᔪᑦ ᐆᒧᖓ:

• ᐃᖅᑲᓇᐃᔭᕐᓂᕐᒧᑦ ᐅᓪᓗᖅ, ᓇᒡᒐᔾᔭ, ᓯᑎᐱᕆ 7, ᒪᑐᐃᕐᓂᐊᕆᓪᓗᓂ ᐊᐃᑉᐹᓂ, ᓯᑎᐱᕆ 8 ᐅᕙᓂ 8:30 ᐅᓪᓛᒃᑯᑦ. 

• ᑲᓇᑕᒥ ᓱᓕᓂᕐᒧᑦ ᐊᒻᒪ ᐋᖅᑭᒋᐊᕐᓂᕐᒧᑦ ᐅᓪᓗᖅ ᐱᖓᔪᐊᑦ, ᓯᑎᐱᕆ 30 ᐊᒻᒪ ᒪᑐᐃᒃᑲᓐᓂᕐᓂᐊᖅᖢᑎᒃ ᓯᑕᒻᒥᖅ ᐅᑐᐱᕆ 1 ᒥ, 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407