20 Me 2024
Sipèentandan Burke Ap Mete Men Nan Pat La:
Edisyon Akademi Syans Espas
 
Nan epizòd sa a, Sipèentandan Burke ap fè eksperyans pilote yon avyon san l pa kite klas nan Lekòl Segondè Boynton Beach. Akademi Syans Espas nan Lekòl Segondè Boynton Beach ofri yon pwogram akademik solid nan domèn Aviyasyon, Syans Ayewotik, ak Antretyen Aviyasyon ak Sistèm pou Manipile Dwòn, pou prepare elèv pou karyè alavni.
 
Pou aprann plis sou plis pase 330 Pwogram Chwa ak Karyè yo ofri nan tout Distri a,
 
Inogirasyon Konstriksyon Yon Nouvo Lekòl Elemantè
Nan Acreage
Distri a fyè pou l anonse yon nouvo lekòl elemantè pral ouvri nan zòn West Acreage toupre katye Arden nan nan mwa Out 2025 la. Lekòl sa a ap genyen yon laboratwa agrikòl, jaden idroponik, platfòm pou plante, ak planche beton poli nan yon pati nan lekòl la. Bilding nan pral gen yon achitekti estetik ki sanble ak kay nan zòn nan.
 
Desizyon Yo Pran, Bousdetid Yo Aksepte!
Elèv klas tèminal nan Pwogram Take Stock in Children Palm Beach County selebre desizyon kolèj yo pandan yon dènye seremoni nan West Palm Beach. Prèske 100 elèv te mache sou podyòm nan ak yon chapo ki reprezante kolèj yo prale a. Evènman an onore travay di elèv yo ak konseye devwe yo.

Manm Komite Direksyon Distri a pou distri 6 la, Marcia Andrews, te nonmen ‘Konseye Gid’ pou ane a pou Rejyon Palm Beach la. 
Pwofesè Distri Yo Domine Prim Dwyer 2024 
Edikatè egzanplè nan Palm Beach County te resevwa gwo onè nan 40yèm remiz Pri Anyèl William T. Dwyer pou Ekselans nan Edikasyon. Konsèy Ekonomik Konte Palm Beach la bay rekonpans ak prim sa yo chak ane. Pou dezyèm ane konsekitif, tout finalis yo te soti nan Distri Lekòl Rejyon Palm Beach la. Gade anons konplè a ak lis ganyan yo la a.

Plezi Pandan Ete Nan Mize Atizay Norton 
Make kalandriye w pou vin patisipe ak nou nan aktivite kreyatif ak amizan nan Norton Museum of Art pandan sezon ete sa a! Rezidan Palm Beach County yo kapab vizite mize Norton of Art nan West Palm Beach GRATIS chak samdi pandan tout sezon ete a. Timoun ki poko gen 12 an ak pwofesè Florid yo kapab vizite GRATIS chak jou.
Tande Mesaj Enspirasyon Loreya Pwomosyon 2024 la

Se sezon gradyasyon ofisyèlman nan Rejyon Palm Beach la pandan plizyè milye elèv klas tèminal ap mache sou podyòm pou pran diplòm yo. 

Pou Loreya Pwomosyon 2024 la nan Lekòl Segondè West Boca Raton, Nicole Stone, gradyasyon li te genyen yon gou dous epi anmè anmenmtan paske li tonbe jou dat anivèsè lanmò papa l epi li te kanpe dèyè menm podium frè l, Alexander, te kanpe ane 2022 a.

Nicole di papa yo te toujou anseye yo enpòtans rete pozitif. Stone te di nan diskou gradyasyon li: "Mwen kwè moun kapab chwazi kè kontan. Souri se yon bagay ki kontajye. Epi moun ki kontan fasilman kapab transfere l bay lòt moun."