Ebrill 2024

Croeso i E-fwletin Cymru Iach ar Waith (CIW)


Mae ein e-fwletin misol yn rhoi diweddariadau rheolaidd gan dîm Cymru Iach ar Waith, newyddion ynghylch iechyd a llesiant yn y gweithle yn ogystal â dolenni i ymgyrchoedd a digwyddiadau sydd ar y ffordd.


Y mis yma:


  • Diogelu Eich Busnes Yn ystod Mis Ymwybyddiaeth Straen
  • Canllawiau wedi'u Diweddaru ar Recriwtio, Rheoli a Datblygu Pobl Anabl
  • Cymru Iach ar Waith Ar Daith
  • Dyddiadau Allweddol ar gyfer mis Mai 2024 


Mae croeso i chi rannu’r wybodaeth hon gyda’ch cydweithwyr neu rwydweithiau, ynghyd â'n manylion cofrestru a rhifynnau blaenorol. 

Diogelu Eich Busnes Yn ystod Mis Ymwybyddiaeth Straen

 

Mae mis Ebrill yn Fis Ymwybyddiaeth Straen Fel rhan o ymgyrch Working Minds ar fynd i’r afael â straen yn y gweithle, mae’r Awdurdod Gweithredol Iechyd a Diogelwch (HSE) yn gwahodd cyflogwyr a rheolwyr i gwblhau 5 cam Working Minds dros 5 wythnos (Saesneg yn unig). Mae HSE wedi datblygu amrywiaeth o adnoddau i gynorthwyo busnesau i atal straen sy'n gysylltiedig â’r gwaith. Mae’r rhain yn cynnwys:


·      Dyletswydd y cyflogwr i atal straen sy'n gysylltiedig â’r gwaith (Saesneg yn unig)

·      Cefnogaeth i fusnesau bach (Saesneg yn unig)

·      Pwysau’r diwydiant (Saesneg yn unig)

 

Gall cyflogwyr hefyd ddod o hyd i wybodaeth ychwanegol yn yr adran “Iechyd a Llesiant Meddwl” ar wefan Cymru Iach ar Waith.

Canllawiau wedi'u Diweddaru ar Recriwtio, Rheoli a Datblygu Pobl Anabl


Mae’r Adran Gwaith a Phensiynau, mewn cydweithrediad â’r Sefydliad Siartredig Personél a Datblygu, wedi diweddaru eu canllawiau gwefan (Saesneg yn unig) “Recriwtio, Rheoli a Datblygu Pobl Anabl: Canllaw Ymarferol i Reolwyr” i annog rheolwyr i fabwysiadu “agwedd ragweithiol a chynhwysol at gyflogi pobl anabl a phobl sydd â chyflyrau iechyd hirdymor.”


Mae’r arweiniad newydd yn amlygu bod tua 9.5 miliwn o bobl o oedran gweithio ag anabledd yn y DU, ac eto dim ond 5.1 miliwn o’r bobl hyn sy’n gweithio. Mae hyn yn cynrychioli cronfa enfawr o dalent digyffwrdd ar gyfer busnesau.


Mae'r canllawiau hefyd yn cynnig cyngor pellach i reolwyr ar bynciau fel amddiffyn gyrfa, absenoldeb salwch a manylion am anableddau penodol.



Gellir dod o hyd i wybodaeth ychwanegol hefyd ar dudalennau “Cyflogeion ag Anghenion Iechyd” gwefan Cymru Iach ar Waith.

Cymru Iach ar Waith Ar Daith

 

Yn ddiweddar, aeth Cymru Iach ar Waith i Gynhadledd ac Arddangosfa Cynghrair Grwpiau Diogelwch De Cymru, Swansea.com Stadium. Roedd y gynhadledd eleni yn canolbwyntio ar “Amddiffyn pobl a lleoedd: 50 mlynedd ar ôl y Ddeddf Iechyd a Diogelwch yn y Gwaith.” Roedd y digwyddiad yn cynnwys amrywiaeth o siaradwyr gwadd yn myfyrio ar effaith y ddeddf ac yn archwilio beth sy’n debygol o ddigwydd i iechyd a diogelwch galwedigaethol yn y dyfodol.

 

Yn y llun mae Rhian o'n tîm.

 

Rydym bob amser yn mwynhau cyfarfod â’n rhanddeiliaid a byddwn hefyd yn mynd i ddigwyddiadau eraill sydd ar ddod, gan gynnwys Cynhadledd Gweithio’n Dda yng Nghymru (Saesneg yn unig) yn Venue Cymru, Llandudno ar 25 Ebrill. 

Dyddiadau Allweddol

 

Mis Cerdded Cenedlaethol (Saesneg yn unig) (01-31 Mai)

 

Mae cerdded i'r gwaith yn amlach yn cael effaith gadarnhaol ar iechyd a llesiant gweithwyr trwy eu hannog i fod yn fwy egnïol yn gorfforol.

 

Cyflogwyr - gallwch ddangos eich ymrwymiad i iechyd a llesiant eich staff trwy fuddsoddi mewn gweithgareddau cerdded a fydd yn gwneud iddynt deimlo eu bod yn cael eu gwerthfawrogi ac yn falch o'u gweithle. Mae Strydoedd Byw (Saesneg yn unig) wedi datblygu nifer o adnoddau, gan gynnwys heriau staff Walking Works, i helpu i ddod â chydweithwyr ynghyd, hyrwyddo llesiant yn y gweithle ac ysbrydoli newid diwylliant cadarnhaol.

 

Mae gwybodaeth ychwanegol hefyd ar gael ar dudalennau “Bod yn Actif” gwefan Cymru Iach ar Waith. 

 

 

 

Wythnos Ymwybyddiaeth Iechyd Meddwl (Saesneg yn unig) (13 – 19 Mai)

 

Thema Wythnos Ymwybyddiaeth Iechyd Meddwl eleni yw “symud.” Mae symud yn bwysig i'n hiechyd meddwl, ond eto mae llawer ohonom yn cael trafferth neulltio’r amser i symud digon. I helpu hyn, mae'r Sefydliad Iechyd Meddwl wedi cynhyrchu nifer o adnoddau a syniadau i helpu i gael pobl i symud (Saesneg yn unig).

 

Gall cyflogwyr hefyd ddod o hyd i ganllawiau defnyddiol ar dudalennau gwe “Iechyd Meddwl a Llesiant” a “Bod yn Actif” Cymru Iach ar Waith.

 

 

 

Diwrnod Dim Tybaco y Byd (Saesneg yn unig) (31 Mai)

 

Mae'r ymgyrch hon yn annog llywodraethau i roi terfyn ar gymorthdaliadau tyfu tybaco a chefnogi ffermwyr i dyfu cnydau mwy cynaliadwy sy'n gwella diogeled bwyd a maeth.

 

Mae ysmygu hefyd yn cael effaith ar fusnesau. Mae pobl nad ydynt yn ysmygu 33% yn llai tebygol o golli’r gwaith oherwydd afiechyd nag ysmygwyr. Gall cefnogi gweithiwr sydd am roi’r gorau iddi arbed hyd at £4,000 y flwyddyn i sefydliad oherwydd seibiannau byrrach a llai aml a llai o absenoldebau salwch.

 

Gall cyflogwyr godi ymwybyddiaeth o’r materion hyn a hyrwyddo gwasanaethau rhoi’r gorau i smygu (Helpa Fi I Stopio) a’r ymgyrch “Newid, Stopio ac Arbed” (Saesneg yn unig), sy’n amlygu faint o arian y gall ysmygwyr ei arbed drwy roi’r gorau iddi neu newid i ddewisiadau tybaco eraill.

Facebook  X  Linkedin  Youtube  Instagram