11 Out 2025

Resous Pou Fanmi Yo

Kalandriye 2025-2026

Santim Ou Ap Travay

Yon Nouvo Ane Lekòl Kòmanse

Distri Lekòl Rejyon Palm Beach la kontan akeyi elèv yo nan yon nouvo ane lekòl.

Paj entènèt Rantre Lekòl la gen enfòmasyon itil pou elèv ansanm ak paran yo.

Paran ak elèv ki fèk vini nan Distri a kapab vizite Sant Akèy Distri a. Anplwaye nan Sant lan pale plizyè lang epi yo kapab ede fanmi yo nan pwosesis enskripsyon.

Sant Akèy la sitiye nan 3300 Forest Hill Blvd., Building E, Room #4, West Palm Beach, FL 33406. Pou plis enfòmasyon, tanpri rele 561-434-8197 oswa voye yon imèl nan welcomecenter@palmbeachschools.org

Direktris Lekòl Elemantè Sandpiper Shores Ap Di Paran

Sa Yo Dwe Konnen Pou Ane Lekòl La

Pou ane lekòl ki kòmanse la a, li enpòtan pou raple paran de twa enfòmasyon ki enpòtan pou ede yo pi byen patisipe nan pwosesis edikasyon pitit yo, kolabore ak lekòl yo, epi toujou kenbe kontak ak enfòmasyon ki enpòtan anpil yo.

Gade videyo sa a ak direktris Jeannie Placil.

Pwofesè Lekòl Saddle View Yo Ap Prepare

Rantre Lekòl Pou Elèv Yo

Distri Lekòl Rejyon Palm Beach la kontan ouvri 183yèm lekòl li pou ane 2025-2026 la. Se Lekòl Elemantè Saddle View.

Yo te fè plan Saddle View pou reflete kominote Arden ki toupre a; li sèvi elèv nan zòn lwès Rejyon Palm Beach la. Nou te rankontre ak kèk pwofesè pandan y ap prepare salklas yo pou ane lekòl enteresan sa a ki ap vini an. Colts yo pare pou kite gwo mak yo nan kominote a.

Gade videyo a.

Sipèentandan An Ap Mete Men Nan Pat La:

Edisyon Sèvis Manje Lekòl Pandan Ete A

Nan epizòd sa a, Sipèentandan Mike Burke touse ponyèt li pou ede ekip Sèvis Manje Lekòl ekstraòdinè nan Lekòl Elemantè Timber Trace.

Menm pandan ete a, pwofesyonèl devwe sa yo te toujou ap travay di pou asire ke elèv yo gen manje midi cho ak nourisan.

Gade Sipèentandan Burke k ap travay nan Pwogram Sèvis Manje Lekòl.

Aplikasyon Ouvè Kounye A Pou Pou Pwogram

Tank Filantropi 2025-2026

Elèv ki nan klas 8yèm pou rive 11yèm ki rete oswa ki ale lekòl nan Rejyon Palm Beach yo envite pou aplike pou jwenn gid ak finansman pou pwogram y ap fè pou kominotè yo. Dat limit aplikasyon an se 26 oktòb 2025.

Finalis yo gen opòtinite pou resevwa jiska $15.000 pou pwogram yo.

Yon atelye vityèl pou moun ki bezwen asistans oswa fidbak sou aplikasyon yo ap fèt 16 out a 11è dimaten.

Klike la a pou w aplike.

Swiv Pakou Bis Lekòl Pitit Ou A

Avèk Aplikasyon Here Comes The Bus

Here Comes The Bus se yon sit entènèt ak yon aplikasyon gratis epi fasil pou itilize ki pèmèt ou wè kote bis lekòl pitit ou a ye sou yon telefòn entelijan, yon tablèt, oswa yon òdinatè pèsonèl.

Ou ap kapab konnen ki lè bis la toupre estasyon ou a, pou ou kapab voye pitit ou a soti nan bon moman an. Telechaje aplikasyon Here Comes the Bus la nan Apple App Store oswa Google Play.

Aprann plis sou Here Comes the Bus.