1ye Desanm 2025

Resous Pou Fanmi Yo

Kalandriye 2025-2026

Santim Ou Ap Travay

Pran Plezi W Ak Chante Sezon Fen Ane 2025 La

Prepare w pou w santi kontantman sezon fèt la! Distri Lekòl Rejyon Palm Beach la kontan anpil pou l bay yon kado espektakilè jis pou ou, ki se yon lòt edisyon Chante Sezon an. Sa a se tikè premye ranje w pou w gade talan enkwayab elèv nou yo pandan y ap mete gete nan sezon fèt yo ak pèfòmans mayifik.

Konekte chak jou sou Rezo Edikasyon an (Xfinity Kanal 234 ak AT&T U-verse Kanal 99) a 8 a.m., 12 p.m., ak 8 p.m. Ou kapab gade l nenpòt lè sou kanal Youtube Distri a. Pa rate anyen, se mizik pafè pou selebrasyon sezon fèt la.

Travay Atistik Yon Elèv Pral Ekspoze

Nan Palè Eta Florid La

Isabella Gonzalez, yon elèv setyèm ane nan Lekòl Mwayen Omni, genyen konkou Atizay Distri Lekòl Rejyon Palm Beach la Pou Palè Eta Florid la, avèk yon travay atistik ki rele Starry Flower (Flè Zetwal).

Ane sa a, genyen 16 elèv ki te soumèt travay atistitik yo soti nan lekòl mwayen nan Distri a, epi travay atistik kolore Isabella la te pi remakab.

Reyalizasyon li mete aksan sou talan eksepsyonèl ak pasyon elèv ak edikatè Distri a.

Ashton Hinds Se Gayan Inisyativ Pwofesè Pou Semèn Nan

Ashton Hinds se nouvo gayan inisyativ “Remèsye Yon Pwofesè” nan Distri Lekòl Rejyon Palm Beach la. Li jwenn nominasyon kòm Pwofesè Pou Semèn pase a. Li se yon pwofesè nan Lekòl Elemantè S. D. Spady. Li te resevwa vizit sipriz nan klas li pou gwo anons sa a.

Li resevwa yon chèk $500 soti nan men HCA Florida Healthcare ki se esponnsò inisyativ la pou ane sa a. Inisyativ “Remèsye Yon Pwofesè” genyen kòm objektif ankouraje epi rekonèt yon pwofesè paran, elèv ak kanmarad li nonmen pou gwo enpak pozitif li genyen sou elèv li ak devouman li nan travay li.

Klike la a pou gade videyo a.