23 Avril 2024
Sipèentandan An Ap Mete Men Nan Pat La
Selebrasyon Jounen Latè!

Nan epizòd sa a ki se yon edisyon pou Selebrasyon Jounen Latè, Sipèentandan Burke ap pedale ansanm ak pwofesè epi elèv Lekòl Mwayen Jeaga nan zòn natirèl Loxahatchee Slough.

Yon pati nan Plan Estratejik Distri a mande pou elaji opòtinite eksperyans kominotè elèv. Nan vizit sa a, sipèentandan an eksplore entèkoneksyon ant Lekòl Mwayen Jeaga ak zòn konsèvasyon natirèl ak marekaj ki alantou kanpis lekòl la.
Remèsye Yon Pwofesè Kòm Pwofesè Pou Semèn Nan
Lisa Flaxman se nouvo gayan inisyativ “Remèsye Yon Pwofesè” nan Distri Lekòl Rejyon Palm Beach la. Li jwenn nominasyon kòm Pwofesè Pou Semèn pase a. Li se yon pwofesè nan Lekòl Mwayen Eagles Landing. Li te resevwa vizit sipriz nan klas li pou gwo anons sa a. Li resevwa yon chèk $250 soti nan men HCA Florida Healthcare ki se esponnsò inisyativ la pou ane sa a. Inisyativ “Remèsye Yon Pwofesè” genyen kòm objektif pou ankouraje epi rekonèt yon pwofesè paran, elèv ak kanmarad li nonmen pou gwo enpak pozitif li genyen sou elèv li.

Inogirasyon Modènizasyon Lekòl Elemantè Melaleuca
Elèv yo byen fre nan Lekòl Elemantè Melaleuca, menmjan ak kanpis modènize yo a. Elèv, anplwaye, manm kominote a, ak lidè Distri yo te reyini ansanm pou yon seremoni inogirasyon ofisyèl modènizasyon an apre lekòl la te reouvri pòt li nan kòmansman ane sa a. Modènizasyon an te rann posib gras ak Lajan Santim Taks Referandòm 2016 la vote yo te apwouve.
 
Plizyè Kanpis Distri Deziyen Kòm Lekòl Ekselans 
Depatman Edikasyon Eta Florid deziyen senkant-sis Lekòl nan Distri a kòm Lekòl Ekselans po ane 2022-2023. Komisyon Direksyon Eta a deziyen yon lekòl kòm yon Lekòl Ekselans si pousantaj pwen li fè nan nòt li nan klasman li pi wo pase 80 pousan pami lekòl ki nan menm gwoup ak li.
Distri A Selebre Gayan Pri LifeChanger
Patti Silva, yon pwofesè matematik nan Lekòl Elemantè Palm Springs, chwazi nan mitan kandida atravè peyi a kòm youn nan Ganyan LifeChanger nan ane sa a. Palm Springs Elementary onore Patti pandan yon evènman sipriz nan kafeterya yo. Kòm yon pati nan prim lan, li pral resevwa yon pri $3,000 pou pataje ak lekòl li a.
 
25 Avril Se Jou Pou Mennen Pitit Ou Travay Ak Ou
Distri a pral obsève Jou Pou Mennen Pitit Ou Travay Ak Ou jedi 25 avril 2024, epi pèmèt elèv K-12 akonpaye yon paran oswa yon responsab nan espas travay yo. Elèv k ap patisipe yo ta dwe soumèt yon nòt bay lekòl yo ak notifikasyon absans yo. Elèv k ap patisipe yo ap benefisye yon absans eskize pou jounen an.
Distri A Bay Elèv Èd Pou Aplikasyon FAFSA
Pandan plizyè ane, gen anpil milyon elèv ki konte sou èd federal pou ede yo peye kolèj, men gouvènman federal la dènyèman te fè chanjman nan aplikasyon FAFSA a (Aplikasyon Gratis pou Èd Federal Pou Elèv). Chanjman nan aplikasyon yo vin fè li pi konplike pou elèv yo aplike.
 
Distri a ap òganize yon sesyon Kesyon ak Repons sou FAFSA Lendi 6 me apati 5:30 p.m. jiska 7:30 p.m. nan Sant Sèvis Edikasyonèl Fulton-Holland (3300 Forest Hill Blvd, West Palm Beach) pou ede elèv ak paran yo pi byen konprann aplikasyon an.
 
PWOGRAM PEYE KOLÈJ ALAVANS

Pwogram Peye Kolèj Alavans nan eta Florid se yon avantaj pou paran. Tanpri pran avantaj opòtinite sa a.
Depi 10 ane se plan ki genyen pri ki pi ba. Plis pase 1.2 milyon fanmi nan eta Florid ap benefisye opòtinite sa a.