26 Fevriye 2024
Sipèentandan Burke Ap Mete Men Nan Pat La

Nan epizòd sa a Sipèentandan Mike Burke vizite klas matènèl Madan Grillo nan Lekòl Elemantè Elbridge Gale kote li wè jan jèn entelektyèl yo deja ap li, ekri, epi pran plezi pandan y ap aprann.

Èske pitit ou a ap gen 5 ane anvan premye septanm 2024? Prepare w pou l antre nan jadendanfan. Pou plis enfòmasyon vizite palmbeachschools.org/kindergarten.

“ENFÒME W” Ap Resevwa Kòm Envite Margueline Rimpel Ki Ap Bay Enfòmasyon Pou Paran Sou SIS Gateway
Elèv Yo Ap Eksplore Mwa Istwa Nwa Nan Kominote A
Pou Mwa Istwa Nwa, elèv ki soti nan Lekòl Mwayen Congress te eksplore anpil moniman enpòtan nan Rejyon Palm Beach la, tankou Moniman Martin Luther King Jr. nan West Palm Beach. Pandan chak etap nan pwomnad nan bis sa a elèv yo vizite anpil senbòl enpòtan ki make istwa rich kilti kominote nwa nan zòn nou an.

Remèsye Yon Pwofesè Kòm Pwofesè Semèn Nan
Lori Replogle se nouvo gayan inisyativ “Remèsye Yon Pwofesè” nan Distri Lekòl Rejyon Palm Beach la. Li jwenn nominasyon kòm Pwofesè Pou Semèn pase a. Li se yon pwofesè nan Lekòl Segondè Lake Worth. Li te resevwa vizit sipriz nan klas li pou gwo anons sa a. Li resevwa yon chèk $250 soti nan men HCA Florida Healthcare ki se esponnsò inisyativ la pou ane sa a. Inisyativ “Remèsye Yon Pwofesè” genyen kòm objektif pou ankouraje epi rekonèt yon pwofesè paran, elèv ak kanmarad li nonmen pou gwo enpak pozitif li genyen sou elèv li.

Lansman Pwogram Asistans Leson Patikilye Gratis
Epi Inovatif Pou Elèv Lekòl Segondè 
Distri Lekòl Rejyon Palm Beach la anonse yon nouvo patenarya ak Fondasyon Stiles-Nicholson pou elaji itilizasyon Khan Academy epi aplike Khanmigo, yon pwogram pou bay asistans nan devwa pou elèv lekòl segondè nan distri a. Pwogram nan ap lanse nan nèf lekòl segondè apati mwa jen 2024 epi pi devan nan tout lekòl segondè pou ane lekòl 2024-2025 la.
Paran! Kounye A Se Bon Moman An Pou Vin Fè Pati
Ekip Palm Beach La

Rejwenn nou Mèkredi 3 Avril, 11 a.m. - 2 p.m. nan South Florida Fairgrounds – Expo Center pou anbochaj travay nan tout distri a!

Tout 182 lekòl yo ak plizyè depatman ap patisipe! Evènman sa a pral gen ladan l tout Lekòl Distri a ki ap vini ekspoze pozisyon pou travay yo genyen disponib. Anpil nan Depatman nan Distri a pral anboche pèsonèl ki pa nan domèn ansèyman tou pou tout pozisyon (parapwofesyonèl, travayè gadri apre lekòl, sèvis manje lekòl, chofè bis, elatriye).

Pozisyon yo ap pou ane lekòl aktyèl la 2023-2024 ak ane lekòl 2024-2025 la. Ou pa bezwen randevou. N ap ofri travay sou plas!