Jedi 24 Avril la se Jou Pou Mennen Pitit Fi ak Pitit Nou yo Travay ak nou. Jou sa a, Distri a pral pèmèt elèv (K-12) akonpaye yon paran oswa responsab nan espas travay yo.

Elèv yo ta dwe soumèt yon nòt bay lekòl yo ak notifikasyon sou absans yo pou yo resevwa yon absans eskize.

Anplwaye Distri a ki vle mennen pitit yo ki nan laj lekòl yo nan espas travay Distri a dwe  jwenn apwobasyon davans nan men sipèvizè yo.

Klike la a pou aprann plis.

Elèv ki pral nan jadendanfan yo ak paran yo te gen chans vizite pwochen lekòl yo prale pandan aktivite Lansman Jadendanfan Distri a te òganize. Yo te aprann kijan yon jounen lekòl pase; yo te rankontre kèk nan anplwaye yo, epi yo te vizite lekòl yo prale a. Si w te sa pou lekòl ou a, pa gen pwoblèm. Klike la a pou w enskri sou entènèt.

Klike la a pou w wè yon rezime. 

Crystal Barletta-Costello se nouvo gayan inisyativ “Remèsye Yon Pwofesè” nan Distri Lekòl Rejyon Palm Beach la. Li jwenn nominasyon kòm Pwofesè Pou Semèn pase a. Li se yon pwofesè nan Lekòl Segondè Wellington. Li te resevwa vizit sipriz nan klas li pou anons sa a.

Li resevwa yon chèk $350 soti nan men HCA Florida Healthcare ki se esponnsò inisyativ la pou ane sa a. Inisyativ “Remèsye Yon Pwofesè” genyen kòm objektif pou ankouraje epi rekonèt yon pwofesè paran, elèv ak kanmarad li nonmen pou gwo enpak pozitif li genyen sou elèv li ak devouman li nan travay li.

Klike la a pou nonmen yon pwofesè!

Klike la a pou gade videyo a.

Plis pase 100 ajan polis ki soti toupatou nan Rejyon Palm Beach la, ki gen pami yo sa ki soti nan Distri a, te patisipe nan 2025 Law Enforcement Torch Run pou Special Olympics. Evènman anyèl sa a ogmante konsyantizasyon ak montre sipò pou atlèt Special Olympics yo. Kous 3 mil sa a te bout nan Lekòl Royal Palm School, kote elèv yo te resevwa ajan polis yo ak anpil aplodisman. Elèv yo te pale ak ajan yo, chen terapi, epi eksplore machin polis yo.

Klike la a pou w gade yon rezime bèl evènman sa a.