ᐋᒡᒌᓯ 2026

ᐅᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᔨᑦᑎᕋᐅᑎᓕᕆᔩᑦ ᐊᖏᒡᓕᒋᐊᖅᑕᐅᓂᐊᖅᑐᑦ ᐱᔨᑦᑎᕋᐅᑎᖏᑦ ᐅᑭᐅᕐᑕᖅᑐᕐᒥᐅᓕᒫᓄᑦ. 

ᐃᓱᓕᒡᕕᒃᓴᐅᑖ ᑐᒃᓯᕋᕐᓂᕐᒧᑦ 2027-ᒥᑦ ᖃᓄᐃᓕᐅᕈᑎᒃᓴᓄᑦ ᓇᒡᒐᔾᔭᐅ, ᐋᒡᒌᓯ 10, 2026 ᑐᖔᓂ. 

ᖃᐅᔨᒋᐊᒃᑲᓐᓂᕈᓐᓇᖅᑐᓯ ᐱᓕᕆᐊᒥᑦ, ᑮᓇᐅᔭᖅᑖᕋᓱᐊᕐᓂᕐᒧᑦ ᐊᔪᖏᓂᕆᔭᖏᑦ, ᖃᓄᕐᓗ ᐆᑦᑐᖃᑕᐅᓂᕐᒥᑦ, ᑕᑯᒋᐊᕐᓗᒍ ᐃᑭᐊᖅᑭᕕᒃᐳᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᕕᒃᓴᖃᕐᓂᐅᔪᓂᑦ ᒪᑉᐱᖓᔪᖃᖅᐳᖅ ᐃᓄᓕᒫᓄᑦ, ᐃᖅᑲᓇᐃᔭᖅᑎᓄᑦ, ᐊᒻᒪᓗ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᖃᑕᐅᓂᕐᒧᑦ ᐅᑭᐅᖅᑕᖅᑐᒥ ᐊᑦᑕᕐᓇᔾᔭᐃᖅᓯᒪᓂᕐᒧᑦ: 

• ᐊᑦᑕᕐᓇᕐᑕᐃᓕᒪᓂᕐᒧᑦ ᐅᖃᐅᔾᔨᒋᐊᕐᑎᑦ ᑲᑎᒪᔨᖏᑦ
• ᐅᔭᕋᒃᓯᐅᕐᕕᒃ ᐊᑦᑕᕐᓇᖅᑐᖃᖁᓇᒍ ᑭᒡᒐᖅᑐᑎᑦ ᑲᑎᒪᔨᕋᓛᖅ 
• ᑭᒃᑯᓕᒫᓅᖓᔪᓄᑦ ᑭᒡᒐᖅᑐᐃᔨᒃᓴᒥ ᐅᑯᓇᓂ ᐊᐅᓚᑦᑎᓂᕐᒧᑦ ᑲᑎᒪᔨᓄᑦ 

ᑖᒃᑯᐊ ᒪᑉᐱᖓᔪᑦ ᓄᓇᕗᒻᒥᐅᑕᓄᑦ ᐊᒻᒪᓗ ᓄᓇᑦᓯᐊᕐᒥᐅᑕᕐᓄᑦ. 

ᐅᐸᒃᓗᑎᑦ ᐅᕗᖓ ᐃᓛᒃᑰᖓᔪᑦ ᓴᖅᑭᑎᑕᑦ ᑐᒃᓯᕋᐅᑎ ᐊᑐᓂ ᐃᓂᐅᔪᒧᑦ, ᐱᓕᕆᐊᒃᓴᖏᓐᓄᑦ, ᐊᑭᓕᖅᑕᐅᔾᔪᑎᖏᑦ, ᖃᖓᒃᑰᕐᓂᖏᑦ, ᐊᒻᒪᓗ ᖃᓄᖅ ᑐᓂᓯᒋᐊᖃᕐᒪᖔᖅᐱᑦ ᑐᒃᓯᕋᐅᑎᓐᓂ. 

ᓯᓚ ᐆᓇᔪᓐᓂᖅᓴᐅᑎᓪᓗᒍ, ᑕᒪᓐᓇ ᑐᑭᖃᖅᐳᖅ ᐃᖅᑲᓇᐃᔭᖅᑎᖁᑎᑎᑦ ᐅᔾᔨᕈᓯᑦᑎᐊᕆᐊᓖᑦ ᐊᓯᖏᓐᓂᒃ ᐃᓱᒪᒋᔭᐅᔭᕆᐊᓕᖕᓂᒃ ᐃᖅᑲᓇᐃᔭᕐᓂᐊᖅᑎᓪᓗᒋᑦ ᐊᑦᑕᕐᓇᙱᑦᑐᒥ. 

• ᓯᓚᒥ ᐃᖅᑲᓇᐃᔭᖅᑐᖃᖅᐹ? ᐃᖅᑲᓇᐃᔭᖅᑎᑎᑦ ᐃᖃᖃᑎᒋᓗᒋᑦ ᓯᕿᓂᕐᒧᑦ ᓴᐳᔾᔨᓯᒪᓂᕐᒥ, ᓈᒻᒪᑦᑐᓂ ᐊᓐᓄᕌᖅᓯᒪᓗᑎ ᓯᓚ ᒪᓕᒡᓗᒍ, ᐃᒥᕐᒥᒃ ᐃᒥᔾᔫᒥᖃᑦᑕᕐᓗᑎ, ᖃᓄᕐᓗ ᐅᔾᔨᕈᓱᒋᐊᖃᕐᒪᖔᑦ ᓇᓗᓇᐃᔭᐅᑏᑦ ᐅᖅᑰᓂᖓᓂ ᑕᖃᓗᐊᕐᓂᕐᒧᑦ. 

• ᐱᓕᕆᕝᕕᐅᔪᒥ ᐃᖅᑲᓇᐃᔭᖅᑐᖃᖅᐹ? ᑐᑭᓯᐅᒪᑦᑎᐊᕆᐊᓖᑦ ᖃᓄᖅ ᐊᑦᑕᕐᓇᖏᑦᑐᒦᓪᓗᑎ ᐃᓄᑑᓗᑎ ᐃᖅᑲᓇᐃᔭᖅᑎᓪᓗᒋᑦ. ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕐᓂᖅᑕᖃᕆᐊᓕᒃ ᓄᑖᒧᑦ ᐊᕙᑎᒨᓚᐅᙱᓐᓂᕐᓂ.

• ᑭᓲᖕᒪ ᐊᓂᕐᓂᐅᑉ ᐱᐅᑦᑎᐊᕐᓂᖓ? ᓄᓇᐃᑦ ᐃᓚᖏᑦ ᓄᓇᑦᓯᐊᕐᒥ ᐊᓂᕐᓂᑦᑎᐊᕆᖏᑦᑐᑦ ᓇᐹᖅᑑᑉ ᐳᔪᖓᓄᑦ. ᐅᔾᔨᖅᓱᐃᓐᓇᖃᑦᑕᕆᑦ ᐊᓂᕐᓂᐅᑉ ᐱᐅᑦᑎᐊᕐᓂᖓᓂ ᐊᒻᒪᓗ ᐱᐅᖏᑉᐸᑦ, ᓯᓚᒦᓗᐊᖏᓪᓗᑎᑦ ᐊᒻᒪᓗ ᐊᒃᓱᕈᕐᓇᓗᐊᖅᑐᓂᑦ ᐱᓕᕆᑦᑕᐃᓕᒪᓗᑎᑦ. 

ᐃᖅᑲᓇᐃᔭᖅᑎᖁᑎᓖᑦ, ᐊᐅᓚᑦᑎᔩᑦ, ᐊᒻᒪᓗ ᑲᒪᔩᑦ: ᐱᔭᒃᓴᕆᔭᐃᑦ ᖃᐅᔨᒪᑦᑎᐊᕆᐊᕐᓂᕐᒥᑦ ᐃᖅᑲᓇᐃᔭᖅᑏᑦ ᑐᑭᓯᐅᒪᓗᑎ ᐅᓗᕆᐊᓇᕈᑎᓂᑦ ᐃᖅᑲᓇᐃᔭᕐᕕᖏᓐᓂᒃ. ᐃᑭᐊᖅᑭᕕᕗᑦ ᐅᐸᒡᓗᒍ ᑐᑭᓯᐅᒪᔾᔪᑎᒃᓴᓄᑦ ᑖᒃᑯᓄᖓ ᐅᖃᐅᓯᒃᓴᓄᑦ ᐊᒻᒪᓗ ᐊᓯᖏᓐᓄᑦ. ᐃᓕᔅᓯᓐᓅᖓᑏᓐᓇᐅᔭᕐᓗᓯᐅᒃ ᑐᓴᐅᒪᔾᔪᑎᒃᓴᑦ ᐃᒡᕕᑦ ᐃᖅᑲᓇᐃᔭᕐᕕᖓᓄᑦ. 

ᐃᖅᑲᓴᐃᔮᑦ ᐃᓚᖏᑦ ᐅᓗᕆᐊᓇᕐᓂᖅᓴᐅᔪᑦ ᐊᓇᐅᔭᐅᓂᕐᒧᑦ ᖃᓄᐃᓐᓂᐅᔪᓄᑦ, ᐱᒻᒪᕆᐅᕗᖅ ᐃᖅᑲᐃᑎᑦᑎᒋᐊᕐᓂᕐᒥᑦ ᑖᒃᑯᐊ ᖃᓄᐃᓐᓂᐅᔪᑦ ᑕᐃᒪᐃᒍᑕᐅᔪᓐᓇᖅᑐᑦ ᓇᓕᐊᑐᐃᓐᓇᕐᒧᑦ ᐃᖅᑲᓇᐃᔭᖅᑎᒧᑦ ᓇᓕᐊᓐᓂᑐᐃᓐᓇᖅ ᐃᖅᑲᓇᐃᔮᒥᑦ. ᖃᓄᑐᐃᓐᓇᐅᔪᓐᓇᖅᑐᖅ ᑲᐅᑕᐅᔭᕐᓗᒍ ᑎᑮᑦ ᑕᒪᒃᑯᐊᓗ ᓄᓇᓯᐅᑎᓄᑦ ᑐᓗᖅᑕᐅᔪᑦ. 

ᒪᓕᒡᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓗᕆᐊᓇᖅᑐᒧᑦ ᖃᐅᔨᓴᕐᓂᕐᒥᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐃᓚᖓ ᑕᐃᑲᙵᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐸᕐᓇᐃᓂᕐᒥᑦ ᐅᖃᓕᒫᒐᖅ ᓇᓗᓇᐃᖅᓯᓂᕐᒧᑦ ᐊᑦᑕᕆᔭᐅᔪᓂᑦ ᐊᓇᐅᔭᐅᒍᑕᐅᒍᓐᓇᖅᑐᓂ ᖃᓄᐃᓐᓂᐅᔪᓂᑦ ᓲᕐᓗ:

• ᐅᖁᒪᐃᑦᑐᑦ ᓱᓇᒃᑯᑖᑦ ᐳᖅᑐᔪᒥ ᐃᓕᔾᔨᕕᖕᒦᑦᑐᓂ.
• ᓱᕋᒃᓯᒪᔪᑦ ᓴᓇᕐᕈᑏᑦ ᐅᕝᕙᓘᓐᓃᑦ ᓱᓇᒃᑯᑖᑦ ᓱᕋᒍᓐᓇᖅᑐᑦ ᐅᕝᕙᓘᓐᓃᑦ ᖃᖓᑦᑕᖅᑎᑦᑎᓗᑎ. 
• ᓴᓇᕐᕈᑏᑦ ᐅᕝᕙᓘᓐᓃᑦ ᐅᖁᒪᐃᑦᑐᑦ ᓱᓇᒃᑯᑖᑦ ᐳᖅᑐᔪᒥ ᐊᑐᖅᑕᐅᔪᑦ ᑲᓲᒪᑦᑎᐊᖏᑦᑐᑦ.

ᖃᐅᔨᒋᐊᒃᑲᓐᓂᕈᓐᓇᖅᑐᓯ, ᐅᐸᒃᓗᑎᑦ ᐅᕗᖓ ᐊᓇᐅᔭᐅᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᒪᑉᐱᖅᑐᒍᖅ.

ᐅᖃᐅᓯᕆᓗᒋᑦ, ᐅᖃᐅᓯᕆᓗᒋᑦ, ᐅᖃᐅᓯᕆᓗᒋᑦ

• ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
• ᖃᐅᔨᒃᑲᐃᒍᒪᒍᕕᑦ ᐊᑦᑕᕐᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᕐᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407